საქართველოს ბანკი ბიზნესებისა და სტარტაპების მხარდაჭერას კვლავ განაგრძობს. სხვადასხვა პროგრამასა და კონკურსთან ერთად, საქართველოს ბანკი ბიზნესების ხელშეწყობას დახვეწილი და კომფორტული ციფრული პლატფორმების შექმნითაც ცდილობს. ამის მაგალითი კი ბიზნეს მობილბანკია, რომელიც ფინანსების მართვას ამარტივებს. ბიზნეს მობილბანკის მომხმარებლებს მხოლოდ ერთი აპლიკაცია სჭირდებათ, რათა ყოველდღიური ფინანსური ტრანზაქციები განახორციელონ. ბიზნეს მობილბანკის დახმარებით, თანამშრომლებისთვის ხელფასის ჩარიცხვა, ამონაწერის გაკეთება ან თუნდაც კომუნალურების გადახდა ძალიან მოკლე დროში და სახლიდან გაუსვლელადაც კი შესაძლებელია.
ბიზნეს მობილბანკის ერთ-ერთი აქტიური მომხმარებელი სახელოსნო Hoda-ს შემქმნელი ქრისტინე ძაგნიძეა. დღეს Hoda ერთ-ერთი გამორჩეული სახელოსნოა საქართველოში, რომელიც განსხვავებული და დახვეწილი სტილის ხელნაკეთ კერამიკულ ნივთებს ქმნის. Hoda-ს შექმნისა და განვითარების ისტორია კი ასეთია:
“პროფესიით ინტერიერის დიზაინერი აქტიურად ვმუშაობდი სხვადასხვა არქიტექტურულ ოფისებში, პარალელურად მაინტერესებდა სახვითი ხელოვნების სხვადასხვა დარგები, ბოლოს კი აღმოვაჩინე კერამიკა, რამაც გადამაწყვეტინა, ამ საქმისთვის უფრო მეტი დრო დამეთმო და ცოდნა გამეღრმავებინა. გარკვეული დროის შემდეგ სრულიად სპონტანურად გავხსენი სახელოსნო Hoda. თავიდან ვმუშაობდი ონლაინ და სხვადასხვა სახის შეკვეთებს ვამზადებდი. შემდგომ, როცა უკვე გავხსენი სახელოსნო, მუშაობის ტემპი შეიცვალა, საჭირო გახდა უფრო ფართო მასშტაბით დამემზადებინა ნაკეთობები და ჩემი ხაზი ჩამომეყალიბებინა. ასევე მასტერკლასების ჩატარების მოთხოვნა გაჩნდა, რასაც სიამოვნებით ვაკეთებ და ჩემს ცოდნას მაქსიმალურად ვუზიარებ მათ, ვისაც კერამიკა უყვარს და აინტერესებს”, — ამბობს ქრისტინე ძაგნიძე.
მას შემდეგ, რაც Hoda-ს მუშაობის ტემპი შეიცვალა, ფინანსების მართვაც გაცილებით უფრო სწრაფად იყო საჭირო. როგორც ქრისტინე გვიყვება, საქართველოს ბანკის ბიზნეს მობილბანკი სწორედ ბიზნესის გაფართოების ეტაპზე აირჩია და დღემდე აქტიურად იყენებს.
“გაფართოებასთან ერთად ბიზნესის უფრო სწრაფად მართვა გახდა საჭირო, ამიტომ საქართველოს ბანკი ავირჩიე. ბიზნეს მობილბანკის მეშვეობით უფრო გამარტივდა და დაჩქარდა გადარიცხვის ოპერაციები როგორც საკუთარ ანგარიშებს შორის, ასევე სხვასთანაც. ბიზნეს მობილბანკი საკმაოდ მოსახერხებელია, რადგან მინიმალურ დროში ჩემი ანგარიში დისტანციურად შემიძლია ვმართო და სხვადასხვა ოპერაცია განვახორციელო”, — ამბობს ქრისტინე.
ბიზნესის მართვის პროცესში დრო ერთ-ერთი მნიშვნელოვანი ფაქტორია, ბიზნეს მობილბანკში კი მნიშვნელოვანი საბანკო ოპერაციებიც შესრულება სულ რაღაც წამებშია შესაძლებელი. ქრისტინესთვის ბიზნეს მობილბანკის აპლიკაცია გადარიცხვების მხრივაც კომფორტულია და მის გამოყენებას სხვა ბიზნესებსა და სტარტაპებსაც ურჩევს.
“ვთვლი, რომ სხვა ბიზნესებისა და სტარტაპებისთვის ბიზნეს მობაილბანკი ძალიან მოსახერხებელია. ბიზნეს მობაილბანკის დახმარებით, შემოსავლებისა და გასავლის თითოეული ოპერაცია ზუსტად იცი, ანგარიშებს შორის თანხების გადარიცხვა შეგიძლია და ასევე, სხვადასხვა სახის გადასახადებს საკმაოდ სწრაფად და მარტივად იხდი”, — დასძინა ქრისტინემ.
ცნობისთვის, საქართველოს ბანკის ბიზნეს მობილბანკმა მსოფლიო დონის წარმატებას უკვე მიაღწია. გავლენიანმა ბრიტანულმა გამოცემა Global Finance-მა 24-ე ყოველწლიურ დაჯილდოებაზე საქართველოს ბანკის ბიზნეს მობილბანკი მსოფლიოში საუკეთესოდ დაასახელა. აღსანიშნავია ისიც, რომ საქართველოს ბანკი ციფრული არხები ცენტრალური და აღმოსავლეთ ევროპის დონეზე საუკეთესოთა შორის აქამდეც არაერთხელ დასახელებულა.
თუ ჯერ კიდევ არ ხარ ბიზნეს მობილბანკის მომხმარებელი, აპლიკაციაში დარეგისტრირებასა და მის გადმოწერას ამ ბმულზე შეძლებ. საქართველოს ბანკის სხვა ბიზნესპრუდუქტებსა და სერვისებზე დამატებითი ინფორმაცია ki შეგიძლიათ გაიგოთ აქ.