საქართველოს ბანკის ბიზნეს მომხმარებლებს კომფორტულ და ინდივიდუალურ საჭიროებებზე მორგებულ მომსახურებასთან ერთად მრავალფეროვანი შეთავაზებებით სარგებლობაც შეუძლიათ. თუ 30 სექტემბრის ჩათვლით საქართველოს ბანკში პირველ ბიზნეს ანგარიშს გახსნით და Mastercard-ის ბიზნეს ბარათს აიღებთ, ანგარიშის გახსნიდან ერთი თვის განმავლობაში ანგარიშიდან ნებისმიერ ვალუტაში ონლაინ შესრულებული გადახდისას დახარჯული თანხის 50% (მაქსიმუმ 500 ლარი) უკან დაგიბრუნდებათ.
ქეშბექს მიიღებთ მიტანის მომსახურებით სარგებლობის, Facebook-ზე, Google-ში ან სხვა პლატფორმაზე რეკლამის განთავსებისა და რაღა თქმა უნდა, ონლაინ შოპინგის დროს. გთავაზობთ ონლაინ მაღაზიებს, სადაც თქვენი ბიზნესისთვის საჭირო პროდუქტების შეძენასა და 500 ლარამდე ქეშბექის მიღებას შეძლებთ:
*გაითვალისწინეთ, რომ ეს მცირე ჩამონათვალია, თქვენ კი თქვენი საჭიროებებიდან გამომდინარე შეგიძლიათ იშოპინგოთ ნებისმიერ საიტზე.
Amazon Business
Amazon ონლაინ შოპინგის ალბათ ყველაზე ცნობილი საიტია, რომელიც მომხმარებლებს სასურველი პროდუქტებისა და ფასების დიდ არჩევანს სთავაზობს. ბიზნეს მომხმარებლებისთვის არსებობს Amazon-ის სპეციალური სექცია – Amazon Business, სადაც ექსკლუზიური ფასდაკლებებით, სწრაფი მიწოდების მომსახურებით სარგებლობა და ვერიფიცირებული მიმწოდებლებისგან დიდი რაოდენობით პროდუქტის ერთად შესყიდვა შეუძლიათ. პლატფორმას აქვს ბიზნეს მომხმარებლებზე გათვლილი განსაკუთრებული ფუნქციებიც, რაც განმეორებით შეძენას, რამდენიმე ანგარიშის შექმნას, ხარჯების ანალიტიკასა და აღრიცხვას უზრუნველყოფს.
eBay
პროდუქტების კატეგორიების ფართო სპექტრი შეგხვდებათ eBay-ზეც. ვებგვერდზე იყიდება როგორც ახალი, ისე მეორადი ნივთები და თუ თქვენი ბიზნესისთვის სპეციფიკურ ან ძნელად საპოვნელ პროდუქტს ეძებთ, eBay-ზე მისი პოვნის ალბათობა ყველაზე მაღალია. საიტზე სასურველი ნივთების ყიდვა მომენტალურად ან აუქციონის წესით შეგიძლიათ, რაც შეძენისას ხარჯების მაქსიმალურად ეფექტიანად გადანაწილებაში გეხმარებათ.
Trendyol
ელექტრონული ვაჭრობის თურქული პლატფორმა Trendyol პოპულარობით ბევრ ქვეყანაში სარგებლობს. საიტზე ცნობილი ბრენდებისა და მსხვილი მწარმოებლების პროდუქციის დიდ არჩევანს შეხვდებით. Trendyol-ს ხელმისაწვდომი პროდუქციის საკუთარი ხაზიც აქვს. გარდა იმისა, რომ Trendyol-ზე წვდომა ვებგვერდთან ერთად აპლიკაციიდანაც არის შესაძლებელი, ონლაინ მაღაზია მომხმარებლებს დიდი რაოდენობით პროდუქტის საბითუმოდ შეძენისა და პერიოდული მასშტაბური ფასდაკლებებით სარგებლობის საშუალებასაც აძლევს.
Extra.ge
50%-იანი ქეშბექი ვრცელდება არა მხოლოდ უცხოეთიდან გამოწერილ ნივთებზე, არამედ ქართულ ონლაინ ვეგვერდებზე შოპინგისასაც. Extra.ge ერთ-ერთი ყველაზე მსხვილი ქართული ინტერნეტ მაღაზიაა, სადაც 600-ზე მეტი ადგილობრივი მაღაზიის პროდუქციის შეძენა ერთ პლატფორმაზე შეგიძლიათ. Extra.ge-ზე 120 000-ზე მეტი დასახელების, სხვადასხვა კატეგორიის პროდუქტს შეხვდებით და თქვენთვის სასურველი ნივთების შეძენას მაღაზიის ან კიდევ უფრო დაბალ ფასად შეიძენთ. Extra.ge-ზე გადახდის სხვადასხვა მეთოდი მოქმედებს, მათ შორისაა განვადება, ბარათით გადახდა, საბანკო გადარიცხვა, Plus ქულებით ან Extra-ს ბალანსით გადახდა.Extra.ge-ზე შეძენილი ნივთების მიწოდება მთელი საქართველოს მასშტაბით 1-დან 5 სამუშაო დღეში ხდება.
საქართველოს ბანკის ბიზნეს ანგარიშის ქეშბექ შეთავაზება ზემოთ ჩამოთვლილი საიტების გარდა სხვა ნებისმიერ ონლაინ მაღაზიაში და ელექტრონული ვაჭრობის პლატფორმაზე შეგიძლიათ გამოიყენოთ (ქეშბექი არ ვრცელდება აზარტული თამაშებსა და სახელმწიფო სერვისებში შესრულებულ გადახდებზე). ქეშბექი მოქმედებს როგორც ლარში, ასევე უცხოურ ვალუტაში შესრულებულ ტრანზაქციებზე, ხოლო დახარჯული თანხის 50%-ს თვის დასრულებიდან 7 სამუშაო დღის ვადაში მიიღებთ. ქეშბექ აქცია, რომლითაც უკვე 300-მდე ბიზნესმა ისარგებლა, 30 სექტემბრამდე გაგრძელება.
საქართველოს ბანკში თქვენი პირველი ბიზნესანგარიშის გახსნა შეგიძლიათ ონლაინ – bonline.bog.ge-ზე, ხოლო ბიზნეს ბარათის აღება – ონლაინ ანგარიშის გახსნისთანავე ან შემდგომ ბიზნეს ინტერნეტბანკში/ბიზნეს მობილბანკში. აღსანიშნავია, რომ ანგარიშის ციფრულად გახსნის შემთხვევაში საჩუქრად მიიღებთ ბიზნესპაკეტს, რაც მოიცავს: ბიზნეს ინტერნეტბანკს, ბიზნეს მობილბანკს, SMS ბანკის შეტყობინების სერვისს და სხვა სარგებელს.