ბიზნესის გამართულად ოპერირებისთვის აუცილებელია ფინანსების სწორად განკარგვა და ანგარიშსწორების ეფექტურად განხორციელება. ზედმეტი დასაკარგი დრო არ არის, ამიტომ ბიზნესს უნდა ჰქონდეს ისეთი ხელსაწყოები, რომელთა დახმარებით მაქსიმალურად იქნება შესაძლებელი ძვირფასი დროის დაზოგვა და რუტინული აქტივობების ავტომატიზაცია.
სწორად ამ მიზნით შეიქმნა საქართველოს ბანკის ბიზნეს ბარათი, რომელიც ამარტივებს როგორც ბიუჯეტის მართვის, ასევე აღრიცხვის და ტრანზაქციების განხორციელების პროცესს.
ბიზნეს ბარათი თქვენი სამეწარმეო საქმიანობის ეფექტიანობის გაზრდის მარტივი საშუალებაა, რომლის შესახებ დღეს 5 საინტერესო ფაქტს და უპირატესობას გაგაცნობთ:
1. ბიუჯეტის მართვა – კომპანიას აქვს საშუალება, საქართველოს ბანკის ბიზნეს ბარათი არა მარტო დირექტორისთვის, არამედ ნებისმიერი თანამშრომლისთვის შეუკვეთოს და მას შესაბამისი ლიმიტები დაუწესოს. თანამშრომელი მარტივად შეძლებს ტრანზაქციების განხორციელებას და თანხის განაღდებას, თანაც მისი ყოველი ქმედება ავტომატურად იქნება ბიზნეს ინტერნეტ და ბიზნეს მობილბანკში აღრიცხული. ბიზნეს ბარათს თანხის განაღდების მაღალი შესაძლებლობებიც გამოარჩევს, დღიური განაღდების ლიმიტი 15 000 ლარია, ონლაინგადახდების შემთხვევაში კი – 30 000 ლარი.
პარალელურად ამისა, ბიზნეს ინტერნეტბანკი გუნდის წევრებზე უფლებამოსილების და დავალებების განაწილების საშუალებას იძლევა. კომპანიის დირექტორს შეუძლია, მენეჯერს საჭირო ხელსაწყოები და უფლებები მისცეს; ფინანსისტსა და ბუღალტერს კი ისეთ მონაცემებთან მისცეს წვდომა, რომელიც მათ საქმიანობას უკავშირდება. როლების გადანაწილება დროის დაზოგვის და ბიუროკრატიული წნეხის შემსუბუქების საშუალებას იძლევა, რაც სწრაფად ცვალებად სამყაროში განსაკუთრებით მნიშვნელოვანია.
2. გამარტივებული აღრიცხვა – როგორც აღვნიშნეთ, ბიზნეს ინტერნეტ ბანკში და ბიზნეს მობილბანკში ყოველი ტრანზაქცია ავტომატურად აღირიცხება, ეს კი იმას ნიშნავს, რომ ბიზნეს ბარათით სარგებლობისას აღარ არის საჭირო ქვითრების და დოკუმენტების შეგროვება, რადგან ყოველ გადახდას სისტემა ავტომატურად აღწერს და ციფრულ ქვითარს მონაცემთა ბაზაში ინახავს. ავტომატური აღრიცხვის ფუნქციონალი ანგარიშფაქტურის გამოწერის და დოკუმენტური აღრიცხვის მომზადების საჭიროებას უბრალოდ აქრობს, ეს კი ბიზნესს ძვირფასი დროის დაზოგვის საშუალებას აძლევს.
ნაღდი ფულით ან სხვა ტიპის ბარათით გადახდისგან განსხვავებით, ბიზნეს ბარათით ტრანზაქციის განხორციელებისას არ გჭირდებათ დოკუმენტის მომზადება, სალაროსთან რიგში დგომა და იმის მტკიცება, რომ კონკრეტული პროდუქტი თუ სერვისი მართლაც თქვენი ბიზნესისთვის შეიძინეთ, რადგან ეს ისედაც ცხადი იქნება.
გარდა ამისა, ბიზნეს ინტერნეტბანკსა და ბიზნეს მობილბანკში ინახება ბარათით გატარებული ტრანზაქციების სრული სია, რომელიც მომავალში ანალიტიკური ანგარიშის მომზადებაში, ბიუჯეტის განსაზღვრაში და მონაცემთა ანალიზში დაგეხმარებათ.
3. განაღდების დაბალი საკომისიო – ზოგჯერ ბიზნესს ნაღდი ფული სჭირდება, რადგან ყველაფრის შეძენა უნაღდო ანგარიშსწორებით, სამწუხაროდ, ჯერაც არ არის შესაძლებელი. ასეთ შემთხვევაში განსაკუთრებით მნიშვნელოვანია განაღდების დაბალი საკომისიოს არსებობა, რაც საქართველოს ბანკის ბიზნეს ბარათის ერთ-ერთი მთავარი უპირატესობაა.
მაგალითად, ბიზნეს ბარათით საქართველოს ბანკის ბანკომატში თანხის განაღდების საკომისიო ლარში 0.2%-ს შეადგენს, ხოლო სალაროდან თანხის გამოტანის საკომისიო 0.6 პროცენტია. ფაქტია, რომ ბიზნეს ბარათით თანხის განაღდება 3-ჯერ უფრო იაფია, ვიდრე სალაროთი სარგებლობის გზა. ასევე, არ უნდა დაგვავიწყდეს, რომ საქართველოს ბანკის ბანკომატები მთელი ქვეყნის მასშტაბით უხვადაა წარმოდგენილი და მათი გამოყენებისას არ გიწევთ დამღლელ რიგში ყოფნა.
4. სპეციალური შეთავაზებები – საქართველოს ბანკი Mastercard-თან და Visa-სთან ერთად მუდმივად სთავაზობს განსაკუთრებულ შეთავაზებებს ბიზნეს მომხმარებლებს.
ამჟამად Mastercard-ის სპეციალური შეთავაზებები ვრცელდება ისეთ მოწინავე ტქნოლოგიური პლატფორმებზე, როგორიცაა: Google, Microsoft, Adobe, Pixlr, HubSpot, Shopify და Harvard Business Review. შეთავაზებები მოიცავს ფასაკლებებს, ქეშბექებსა თუ უფასო მომსახურებებს. მათი მიზანი კი ბიზნესის ეფექტიანობის გაზრდა და სამუშაო პროცესების გაუმჯობესებაა.
Mastercard-ის შეთავაზებების ნახვა შესაძლებელია საქართველოს ბანკის ვებგვერდზე, ბიზნეს მობილბანკში და ბიზნეს ინტერნეტბანკის შეთავაზებების სივრცეში.
5. პირველი ბარათი უფასოა – თუკი საქართველოს ბანკის ბიზნეს ბარათის აღება გადაწყვიტეთ, თქვენთვის კიდევ ერთი სასიხარულო ამბავი გვაქვს – ციფრულად შეკვეთილი პირველი ბარათი სრულიად უფასოა. ანუ მიზეზი იმისა, თუ რატომ არ უნდა გქონდეთ ბიზნეს ბარათი, უბრალოდ არ არსებობს. რაც მთავარია, ბარათის შესაკვეთად ბანკში ვიზიტი არ არის აუცილებელი, ამისათვის ბიზნეს მობილბანკში ან ბიზნეს ინტერნეტბანკში მხოლოდ ონლაინ განაცხადის შევსებაა საჭირო.
საქართველოს ბანკის სხვა ბიზნესპროდუქტებსა და სერვისებზე დამატებითი ინფორმაცია შეგიძლიათ გაიგოთ აქ. ხოლო თუ ჯერ არ ხართ საქართველოს ბანკის ბიზნეს მომხმარებელი, გახსენით ანგარიში სულ მარტივად ონლაინ.