დღეს ბიზნესების კონკურენტუნარიანობა მხოლოდ პროდუქტის ან სერვისის ხარისხით არ იზომება: მუდმივად განვითარებად და ცვალებად მსოფლიოში ასევე აუცილებელია, კომპანიამ ფეხი აუწყოს ინოვაციას, მომხმარებლის საჭიროებების დინამიკას და ადვილად შეძლოს ადაპტაცია გარემოში. ამ ყველაფრისთვის კი, აუცილებელია, სხვადასხვა მიმართულების თანაბრად განვითარებაზე მუშაობა — იქნება ეს საკომუნიკაციო არხების მოწესრიგება, პროცესების გაციფრულება თუ სხვა.
სწორედ ამიტომ, საქართველოს ბანკს თავისი ბიზნესმომხმარებლებისთვის ბევრგვარი შეთავაზება აქვს მომზადებული. ეს შეთავაზებები სწრაფად განვითარებად კომპანიებს საშუალებას მისცემს, უფასოდ ან განსაკუთრებული ფასდაკლებით მიიღონ საჭირო სერვისი პროფესიონალებისგან და საკუთარი ბრენდის წარმატებისკენ კიდევ ერთი ნაბიჯი გადადგან.
დღეს ბიზნესების კონკურენტუნარიანობა მხოლოდ პროდუქტის ან სერვისის ხარისხით არ იზომება: მუდმივად განვითარებად და ცვალებად მსოფლიოში ასევე აუცილებელია, კომპანიამ ფეხი აუწყოს ინოვაციას, მომხმარებლის საჭიროებების დინამიკას და ადვილად შეძლოს ადაპტაცია გარემოში. ამ ყველაფრისთვის კი, აუცილებელია, სხვადასხვა მიმართულების თანაბრად განვითარებაზე მუშაობა — იქნება ეს საკომუნიკაციო არხების მოწესრიგება, პროცესების გაციფრულება თუ სხვა.
ექსკლუზიური შეთავაზება ტელნეტისგან
მომხმარებლების უმრავლესობა ამა თუ იმ კომპანიაზე ინფორმაციას ყოველთვის ინტერნეტით ეძებს, ამიტომ, მნიშვნელოვანია, ვირტუალურ სივრცეში ბრენდი სათანადოდ იყოს წარმოდგენილი. ასე რომ, გამართული და დაცული ვებსაიტი შენი კომპანიის პრიორიტეტულ საჭიროებებში აუცილებლად ჩაწერე.
ამ საჭიროების დაკმაყოფილებაში კი ქართული კომპანია ტელნეტი დაგეხმარება, რომელიც მცირე და საშუალოს ბიზნესებისთვის სრულ IT მომსახურებას და 24-საათიან მხარდაჭერას უზრუნველყოფს. განსაკუთრებული შეთავაზების ფარგლებში IT აუტსორსინგით 1 თვე უფასოდ ისარგებლებ, ასევე უფასოდ მიიღებ სატელეფონო ცენტრის მომსახურებას 3 თვით. ამავე ვადით, უფასოა ბიზნესჰოსტინგი, ბიზნეს ან ულიმიტო პაკეტი. შეთავაზების ნაწილია 20%-იანი ფასდაკლება VPS ჰოსტინგზეც.
სპეციალური შეთავაზება Wolt Drive-სგან
კომფორტული საიტი განსაკუთრებით მნიშვნელოვანი ონლაინმაღაზიებისთვისაა. თუმცა, ამასთან, აუცილებელია, ონლაინმაღაზია მომხმარებელს მიტანის მოსახერხებელ სერვისსაც სთავაზობდეს — მით უფრო მაშინ, როცა ელექტრონული კომერციის სფეროში კონკურენცია ყოველწლიურად იზრდება. აი, Wolt კი დაგეხმარება, კონკურენტული უპირატესობა მოიპოვო.
შეთავაზების ფარგლებში Wolt Drive-ის განსაკუთრებული პირობებით ისარგებლებ. შენს გაგზავნილ შეკვეთას კურიერა ადგილზე სულ რაღაც 30 წუთში მიიტანს. პირველი სამი თვის განმავლობაში, 30 მიტანა უფასო იქნება, მოგვიანებით კი, ნაირგვარ ფასდაკლებებსა და თანადაფინანსებებს მიიღებ. შეღავათიან ფასებთან ერთად, Wolt Drive გთავაზობს, რეალურ დროში მიადევნო თვალი შეკვეთას, მიიღო მხარდაჭერა 24/7 და სერვისის საფასური ყოველთვიურად, შესრულებული შეკვეთების მიხედვით გადაიხადო.
ფასდაკლება და განსაკუთრებული პირობები SMEDA-სგან
SMEDA მცირე და საშუალო მეწარმოების განვითარების ასოციაციაა, რომელიც ბიზნესებს სხვადასხვა მიმართულებით სთავაზობს მხარდაჭერას. ასოციაციის საბაზისო პაკეტი მოიცავს ყოველთვიურ ნიუსლეთერსა და ბიზნესისთვის მნიშვნელოვანი სიახლეების გაზიარებას, ყოველთვიურად ერთ კონსულტაციას დაფინანსების მოძიებაზე, ერთ კონსულტაციას საგადასახადო და ბუღალტრულ საკითხებზე და ერთი პოსტის მომზადებას ციფრულ სააგენტო Martex-ისგან. შეთავაზების ფარგლებში, ამ პაკეტზე 3 თვის განმავლობაში 50%-იანი ფასდაკლება იმოქმედებს.
ამას გარდა, SMEDA სხვა სერვისების მიღებაშიც დაგეხმარება, მათ შორისაა იურიდიული, აუდიტორული, საგადასახადო, ბუღალტრული, საგანმანათლებლო, IT და მარკეტინგული მომსახურებები, ასევე ადმინისტრაციულ ორგანოებში HR წარმომადგენლობა, სერტიფიცირება-აკრედიტაცია და შრომის უსაფრთხოების უზრუნველყოფა.
სპეციალური შეთავაზება Signify-სგან
ვისაც კი ბიზნესსაქმიანობასთან რაიმე შეხება აქვს, ყველას კარგად მოეხსენება, რამდენ სირთულეს ქმნის უთვალავი დოკუმენტის წარმოება და მათი წესრიგში მოყვანა. თუმცა, დღეს, ინოვაციური ტექნოლოგიების ეპოქაში, შეგიძლია მაქსიმალურად შეამცირო ფურცლებთან შეხება. ციფრული დაკონტრაქტების პლატფორმა Signify ბიზნესებს სთავაზობს, მარტივად და, რაც მთავარია, ელექტრონულად აწარმოონ სხვადასხვა სახის დოკუმენტი: შესყიდვა-გაყიდვის, HR მიმართულების თუ სხვა.
Signify-ის სერვისით, შესაძლებელია ელექტრონული ხელმოწერაც. თანაც, ამ ციფრულ დოკუმენტებს სამართლებრივი ძალა აქვს და უსაფრთხოების საჭირო სტანდარტებითაცაა დაცული. განსაკუთრებული შეთავაზების ფარგლებში კი, თუ Signify-ის 1-წლიან ბიზნესპაკეტს 31 აგვისტომდე შეიძენ, ყოველ შეძენილ მომხმარებელზე კიდევ ერთ მომხმარებელს მიიღებ.
ფასდაკლება ინვენტარიზაციის სერვისზე
ინვენტარიზაცია, ანუ კომპანიის მფლობელობაში არსებული აქტივების აღრიცხვა, ნებისმიერი ბიზნესისთვის მართვის ერთ-ერთი მნიშვნელოვანი ინსტრუმენტია. სწორედ ამ პროცესის სწორად წარმართვაზეა დამოკიდებული როგორც სტრატეგიების დასახვა, ასევე კომპანიის უხარვეზო ფუნქციონირების უზრუნველყოფა.
საკონსულტაციო კომპანია ინვენტერი ქართულ ბიზნესებს ინვენტარიზაციისა და მარაგების მართვის მაღალხარისხიან, სწრაფ სერვისს სთავაზობს. სერვისი მოიცავს სტანდარტების დაცვით აღრიცხვას, საწყობის მენეჯმენტს, ქონების შეფასებას და სხვა. შეთავაზების ფარგლებში, ინვენტერის სერვისზე 20%-იანი ფასდაკლებით ისარგებლებ.
ყველა ამ შეთავაზებით სარგებლობისთვის კი, რა თქმა უნდა, საქართველოს ბანკის ბიზნესმომხმარებელი უნდა იყო. თუ ჯერ კიდევ არ გაქვს ანგარიში, ეწვიე ინტერნეტბანკს ბიზნესებისთვის, ან გადმოწერე ბიზნეს მობილბანკის აპლიკაცია Android ან iOS მოწყობილობისთვის.