1980 წელს დღევანდელი რესპუბლიკის მოედანზე ისტორიული შენობა – თბილისის ცენტრალური ფოსტა და ტელეგრაფი გაიხსნა. პირველი დამოუკიდებელი საკომუნიკაციო ცენტრი, რომელმაც საქართველო და სხვადასხვა ქვეყნის ქალაქები ერთმანეთთან დააკავშირა.
ტელეგრაფი თბილისში იყო პროგრესის, ცოდნისა და ახალ ეპოქის სიმბოლო, საერთაშორისო გზავნილებისა და ინფორმაციის მიმოცვლის ადგილი. საბჭოთა მოდერნისტული არქიტექტურელი ნაგებობა ბევრ ამბავსა თუ დიდ ისტორიას ინახავს, რომელიც დღესაც გრძელდება.
სილქ როუდ ჯგუფისა და საქართველოს ბანკის თანამშრომლობით, უფუნქციოდ დარჩენილი შენობის რეკონსტრუქცია და ხუთვარსკვლავიან სასტუმროდ გარდაქმნა სილქ დეველოპმენტმა საქართველოს ბანკის მხარდაჭერით განახორციელა.
სასტუმრომ შეინარჩუნა არა მხოლოდ სახელი – ტელეგრაფი, არამედ არქიტექტურული ესთეტიკა. კონცეფციაზე მსოფლიოში ერთ-ერთმა გამორჩეულმა სტუდიამ Neri&Hu იმუშავა, რომელიც სწორედ ისტორიული შენობების რეკონსტრუქციით, წარსულისა და აწმყოს არქიტექტურული ბალანსით გამოირჩევა და ამ მიმართულებით მრავალი პრესტიჟული საერთაშორისო ჯილდოს მფლობელია.
ტელეგრაფის პირვანდელი არქიტექტურა ლადო ალექსი‑მესხიშვილსა და თეიმურაზ მიქაშავიძეს ეკუთვნით. ფასადი მოპირკეთებულია ბოლნისის ტუფით, რაც გამორჩეულ ვიზუალს ქმნის და მიესადაგება თბილისის ურბანულ ესთეტიკას. სასტუმროს განახლებულ დიზაინში კი ძველი შენობის თითქმის ყველა ავთენტური დეტალი და განსაკუთრებულობა არის შენარჩუნებული.
როგორც სილქ დეველოპმენტის აღმასრულებელი დირექტორი, მამუკა შურღაია, ამბობს, შენობის კონცეფციაზე სილქ როუდ ჯგუფმა ბევრი იფიქრა და მასზე მუშაობაწამყვან სპეციალისტებს ანდო:
„დიდი პასუხისმგებლობა იყო ჩვენთვის, როგორ გარდავქმნიდით შენობას, როგორ დავაკავშირებდით წარსულსა და აწმყოს ერთმანეთთან. სილ როუდ ჯგუფის ერთ -ერთი მთავარი მიმართულება სტუმარმასპინძლობაა. გვსურს, რომ რეგიონში ამ სფეროს განვითარებაში დიდი წვლილი შევიტანოთ. კომპანიის დამფუძნებლების ხედვით სასტუმრო „ტელეგრაფი“ რესპუბლიკის მოედნის განვითარების დიდი სტრატეგიის ნაწილია. ჩვენი ყველა პროექტი მდგრადი, ეკოლოგიურად ჯანსაღი და ენერგოეფექტურია და მიმაჩნია, რომ ამ მიმართულებითაც დავიმკვიდრებთ სახელს“;
უნიკალურ ატმოსფეროში სასტუმრო 240-მდე ნომერს, განსხვავებული კონცეფციის შვიდ რესტორანს, ჯაზ კლუბებს, ბარებს, საბანკეტო -საკონფერენციო დარბაზსა და ურბანულ პეიზაჟებს აერთიანებს.
„ტელეგრაფი“პირველი სასტუმროა რეგიონში, რომელიც საერთაშორისო ორგანიზაციის The Leading Hotels of The World წევრი გახდა. აქ მოსახვედრად მომსახურების უმაღლეს სტანდარტთან ერთად, აუცილებელია სასტუმროს ჰქონდეს კულტურული ღირებულება, ინდივიდუალური იდეა და იყოს ავთენტური. ეს კი ქვეყნის სტუმარ-მასპინძლობის ინდუსტრიაში უმაღლესი საერთაშორისო სტანდარტის დანერგვას გულისხმობს.
სილქ როუდ ჯგუფმა მოახერხა და უმაღლესი ხარისხის მომსახურებასთან, სერვისებთან ერთად შექმნა ისტორია, ადგილი, რომელსაც ბევრი ამბავი აქვს მოსაყოლი. სივრცე, საიდანაც დაიწყო ურთიერთობები, დღესაც დააკავშირებს ადამიანებს მსოფლიოს სხვადასხვა ქვეყნიდან.
საქართველოს ბანკისთვის სტუმარმასპინძლობის სექტორის მხარდაჭერა და ტურიზმის განვითარების ხელშეწყობა წლებია უცვლელი პრიორიტეტია. კომპანია მომავალშიც აქტიურ რეჟიმში განაგრძობს პარტნიორ ბიზნესებთან ერთად საინტერესო და ქვეყნისთვის მნიშვნელოვანი პროექტების განხორციელებას.