ქალთა ნაკრების წარმატებული სტარტი: ერთა ლიგის გათამაშების პირველი მატჩის მიმოხილვა

ისრაელელი სპეციალისტის, ირის ანტმანის გაწვრთნილმა საქართველოს ქალთა ნაკრებმა ერთა ლიგის 2025 წლის გათამაშების პირველ შეხვედრაში ანდორის ნაკრები 2:1 სხვაობით დაამარცხა – თბილისში, მიხეილ მესხი 2-ზე გამართულ მატჩშიჩვენმა ნაკრებმაბოლო წუთებში მოახერხა თამაშის შემოტრიალება.

საქართველო VS ანდორა 2-1

ლაია სოლე (0-1, 69’); მაიკო ბებია (1-1, 83’); თეონა ბაქრაძე (2-1, 87’)

ირის ანტმანმა კლასიკური 4-3-3 ტაქტიკა აირჩია და შემდეგი თერთმეტეული გამოიყვანა მწვანე მინდორზე:

მეკარე: თათია გაბუნია;

დაცვა: გვანცა ქადაგიშვილი, მარიამ კალანდაძე, სალომე გასვიანი, ნინო ჩხარტიშვილი;

ნახევარდაცვა: ნათია დანელია, ნინო ბუხრიკიძე, ტატიანა მატვეევა;

თავდასხმა: მაიკო ბებია, თინათინ ამბალია, თეონა ბაქრაძე.

მთლიანი მატჩი საკმაოდ დაძაბული გამოდგა, რასაც მოწმობს ყვითელი ბარათების რაოდენობაც – მთავარმა არბირტმა ჯამში 7 ბარათი უჩვენა მოთამაშეებს (5 – საქართველოს, 2 – ანდორას). პირველი ნახევარი ჩვენი გუნდის დიდი უპირატესობით წარიმართა, თუმცა ვერ მოვახერხეთ ანგარიშის გახსნა. პირველი გოლი 69-ე წუთზე ანდორელთა ფეხბურთელმა, ლაია სალემ გაიტანა – ცენტრიდან მოწოდებული სტანდარტის შემდეგ არეულობით ისარგებმა სალემ და მეკარისაგან დაბალ მარცხენა კუთხეში შევარდა კიდეც გოლი;

82-ე წუთზე თეონა ბაქრაძემ მეტოქის საჯარიმოში ცრუმოძრაობით მოიშორა მცველი და თერთმეტმეტრიანიც მოიპოვა – გუნდის ლიდერმა, მაიკო ბებიამ პენალტი წარმატებით შეასრულა და ანგარიშიც გაათანაბრა. დარჩენილ დროში საქართველოსნაკრებმა მოახერხაგადამწყვეტი უპირატესობის მოპოვება – ფლანგიდან ჩაწოდებისა და დარტყმის რამდენიმე მცდელობის შემდეგ კვლავ ბაქრაძე აღმოჩნდა სწორ დროს სწორ ადგილას, ტაქტიკური დარტყმით აიღო კიდეც ანდორელთა კარი.

ერთა ლიგის მეორე ამჯერად გასვლით შეხვედრას საქართველოს ნაკრები 25 თებერვალს , კვიპროსის წინააღმდეგ გამართავს. მატჩი თბილისის დროით 21:00 საათზე დაიწყება. საქართველოს ნაკრები C ლიგის მეორე ჯგუფში ასპარეზობს და ანდორისა და კვიპროსის ნაკრებების გარდა ჩვენი მეტოქე მალტის ქალთა ნაკრებიც იქნება.

C ლიგა ჯამში ექვსი ჯგუფისგან შედგება და თამაშდება B ლიგის საგზურები. ჯგუფის ლიდერი თავისთავად დაწინაურდება, ხოლო ორი საუკეთესო მეორეადგილოსანი ნაკრები დამატებით შანსს მიიღებს და B ლიგის მესამეადგილოსნებთან პლეი-ოფის პრინციპით გამართულ შეხვედრებში გაარკვევს საგზურის ბედს. ისღა დაგვრჩენია, ვუგულშემატკივროთ ჩვენს ქალთა ნაკრებსB ლიგისკენ მიმავალ გზაზე! საუკეთესო წინ არის!