გაამრავლე ერთი ასად — რას სთავაზობს საქართველოს ბანკი აგრობიზნესებს

ბიზნესის დაწყება თუ განვითარება ნებისმიერ სფეროში უამრავ დაბრკოლებასთანაა დაკავშირებული და გამონაკლისი არც სასოფლო-სამეურნეო ინდუსტრიაა. მცენარეების მოყვანა, ცხოველების გაზრდა, რძის პროდუქტების წარმოება და ა.შ. — მიუხედავად იმისა, თუ რომელ მიმართულებას აირჩევთ, ერთ-ერთი უმთავრესი გამოწვევა საჭირო ფინანსური რესურსების მოზიდვა იქნება.

რა თქმა უნდა, ნებისმიერი ტიპის საქმიანობის წამოწყება, გაფართოება და შემდეგ დროსთან ერთად მიღწეული ყოველი წარმატება მუდამ თვალსაჩინო და სასიხარულოა, თუმცა ალბათ არცერთ სფეროშია პროგრესი ისე ხელშესახები, როგორც აგრობიზნესში: დათესილი მცენარეები იზრდებიან, ცხოველები მრავლდებიან, ნიადაგი ნოყიერდება და მომკილი მოსავალი თვალსა და ხელს შუა იზრდება.

სწორედ ამიტომ საქართველოს ბანკმა ახალი კამპანია — გაამრავლე ერთი ასად — დაიწყო, რითაც აგრობიზნესის წარმომადგენლებს ფინანსურ მხარდაჭერას შეღავათიანი პირობებითა და მოქნილი გრაფიკით სთავაზობს, რადგან საჭირო ფინანსების მოზიდვა ხშირად ხდება ის გარდამტეხი წერტილი, რომელიც თქვენს აგროსაქმიანობას ერთი ასად აქცევს.

რატომაა საბანკო დაფინანსება აგრობიზნესისთვის მნიშვნელოვანი?

ფინანსური რესურსების მოსაზიდად რამდენიმე გზა არსებობს, როგორებიცაა: კაპიტალის დაგროვება, ახლობლებისგან დახმარების მიღება და ინვესტიციის მოზიდვა. გარკვეული დადებითი მხარეების მიუხედავად, თითოეულ გზას რამდენიმე მნიშვნელოვანი ნაკლი აქვს. მაგალითად, კაპიტალის დაგროვება ზედმეტად ხანგრძლივი და შრომატევადი პროცესია, ახლობლებისგან დახმარების მიღებისას ჩვენი საყვარელი ადამიანების ფინანსებს ვაყენებთ რისკის ქვეშ, ხოლო ინვესტიციის მოზიდვა დამწყები ბიზნესებისთვის საკმაოდ რთულია.

ჩამოთვლილი გზების ფონზე, ბანკის დაფინანსების მიღება ყველაზე გავრცელებული და მოსახერხებელი გზაა, რადგან შეღავათიანი და შენთვის მოსახერხებელი პირობებითაა შესაძლებელი.

რას სთავაზობს საქართველოს ბანკი აგრობიზნესებს?

თუ სასოფლო-სამეურნეო საქმიანობის დაწყება ან ბიზნესის განვითარება გსურთ, მაგრამ ფინანსები არ გყოფნით, საქართველოს ბანკი თქვენს მიზნებზე, გრაფიკსა და შემოსავლებზე მორგებულ აგროსესხს გთავაზობს.

საქართველოს ბანკი აგროსესხით ნებისმიერი კულტურის მოყვანასა და თქვენს თუნდაც სპეციფიკურ აგრომიზნებს უჭერს მხარს. ქვემოთ სწორედ რამდენიმე ასეთ კონკრეტულ შეთავაზებას შეგიძლიათ გაეცნოთ, რომლებიც თქვენს საქმიანობაზე კონცენტრირებულ განსხვავებულ აგროპროდუქტებსა და იმ სარგებელს აერთიანებს, რომლით სარგებლობაც საქართველოს ბანკთან თანამშრომლობით შეგიძლიათ:

მრავალწლიანი კულტურების დაფინანსება

თუ ფლობთ მიწის ნაკვეთს, აგრომიმართულებით მუშაობის 2-წლიანი გამოცდილება გაქვთ და ლურჯი მოცვის, თხილის, დაფნის, ვაშლის, გოგრა ბალისა თუ მსხლის ბაღების გაშენებისა თუ მოვლა-პატრონობისთვის თანხა გჭირდებათ, აგროსესხის მიღება შეღავათიანი პირობებით შეგიძლიათ. თანხის მიღების შემდეგ, 36-დან 48 თვემდე პერიოდის განმავლობაში, სესხის ძირის გადახდა არ მოგიწევთ. აღსანიშნავია, რომ სესხის დაფარვას მოსავლის აღების შემდეგ დაიწყებთ და 3-4 წლის განმავლობაში ბაღის მოვლასთან დაკავშირებული ხარჯების დაფინანსებასაც შეძლებ.

ერთწლიანი კულტურების დაფინანსება

თუ ბოსტნეულის, მარცვლეულის ან სხვა ერთწლოვანი კულტურების დასათესად, მოსაყვანად და მოსავლელად დაფინანსება გჭირდებათ, 10 000-დან 100 000 ლარამდე თანხის მიღებას დაბალი საპროცენტო განაკვეთით შეძლებთ. ამასთან ერთად, შეგიძლიათ 12 თვის განმავლობაში 9%-იანი სახელმწიფო სუბსიდიით ისარგებლოთ.

სასოფლო-სამეურნეო ტექნიკის თანადაფინანსება

თუ სასოფლო-სამეურნეო ტექნიკის შეძენა გინდათ, აგროსესხის ფარგლებში, თანადაფინანსებით სარგებლობა წლიური 8%-ის ოდენობით შეგიძლიათ, რაც ნიშნავს, რომ თქვენი სესხის ნაწილს სახელმწიფო დაფარავს.

მარნების დაფინანსება აგროტურიზმის განვითარებისთვის

თუ ტურისტული ბიზნესი გაქვთ, მაგალითად, საოჯახო ან სხვა ტიპის სასტუმრო, და გასტრონომიული მიზნით სტუმრებს ხშირად მასპინძლობთ, აგროსესხს შეღავათიანი პირობით მიიღებთ, რაც წლიური 11%-ის ოდენობით თანადაფინანსებით სარგებლობას გულისხმობს.

იონჯის მოყვანა

თუ  მრავალწლიანი ბალახოვანი მცენარის, იონჯის, დასათესად, მოსაყვანად და მოვლა-პატრონობისთვის თანხა გჭირდებათ, აგროსესხს თქვენთვის მორგებული პირობებით მიიღებთ. ამისათვის აგრომიმართულებით მუშაობის 2-წლიანი გამოცდილება და მიწის ნაკვეთი (მინიმუმ 8 ჰექტარი) არის საჭირო.

როგორც ხედავთ, საქართველოს ბანკი სხვადასხვა მიმართულების აგრობიზნესებს საქმიანობის დასაწყებად და ბიზნესის განვითარებისთვის ფინანსურ რესურსებს შეღავათიანი და მათზე მორგებული პირობებით სთავაზობს. თუ აგრობიზნესში თავის დამკვიდრება გინდათ, მაგრამ ფინანსური რესურსების ნაკლებობა გაბრკოლებთ, ისარგებლეთ აგროსესხით და გაამრავლეთ ერთი ასად.