საქართველოს ბანკის მხარდაჭერით, დათო გორგილაძის საავტორო გადაცემა „გორგილაძის აუტანელი სიმსუბუქე“ დაბრუნდა – სატელევიზიო ფორმატის შემდეგ უფრო თავისუფალ და ღია მედიაპლატფორმა YouTube-ზე.
დაბრუნდება ძალიან ეფექტური და ხმაურიანი გამოვიდა – პირველი სტუმარი ქართულ სოციალურ-კულტურულ სივრცეში გამორჩეული, მრავალმხრივ გამოცდილი და წარმატებული დავით გოგიჩაიშვილი იყო; მეორე სტუმარი საერთაშორისო დონეზე ზეპოპულარული თეატრისა და კინოს მსახიობი – ჯონ მალკოვიჩი. ორივე ეპიზოდს ძალიან კარგი გამოხმაურება მოჰყვა და ახალმა „სიმსუბუქემ“ ერთი მხრივ, დაიბრუნა თავისი ერთგული მაყურებელი, მეორე მხრივ, ახალ საარსებო მედიუმში ახალი აუდიტორიაც იპოვა.
„გორგილაძის აუტანელ სიმსუბუქეს“ ახალ სიცოცხლეს ერთი რუბრიკა – „არ გაჩერდე“ დაემატა:
„მივხვდით, რომ საქართველოს ბანკის სლოგანი ზუსტად ერგება იმ თემებს, რომლებზეც ჩვენ ყოველთვის ვსაუბრობთ სტუმრებთან. არ გაჩერების, არ დანებების, საკუთარ თავში ძალების პოვნისა და გზის გაგრძელების მაგალითები ძალიან მნიშვნელოვანი სალაპარაკოა, რადგანაც ბევრი ადამიანისთვისაა ინსპირაციისა თუ მოტივაციის მიმცემი.”
ასე გვითხრა თავად დათო გორგილაძემ და მართლაც, დავით გოგიჩაიშვილისა და ჯონ მალკოვიჩის შემთხვევაშიც, მათი კარიერული თუ ცხოვრებისეული გზის დროს არაერთხელ ყოფილა მომენტუმი, როცა იყო საფრთხე დანებების, გაჩერების, სტაგნაციის, თუმცა წარმატებულ და გამორჩეულ ადამიანებს სწორედ არგაჩერება გამოარჩევთ, ფაქტობრივად, მათი მთავარი საიდუმლო ეს მარტივი ფორმულაა, რომ არ შეურიგდნენ კონკრეტულ დროსა და სივრცეში დაბრკოლებას, შეფერხებას, იბრძოლონ და იპოვონ გზა, რომელიც აუცილებლად არსებობს.
დათო გორგილაძის ახალი ეპიზოდის სტუმარი ჯერ კიდევ 90-იანი წლებიდან დღემდე ქართული შოუბიზნესის გამორჩეული სახე, მუსიკოსი სტეფანე მღებრიშვილია – მისი მუსიკალური კარიერაც თავიდან ბოლომდე ეფუძნება არგაჩერების კონცეპტს და ორგანულად ჯდება ამ რუბრიკის მთავარ სათქმელში, შესაბამისად, ძალიან საინტერესოა მისი გამოცდილების მოსმენა და, როგორც დათომ გვითხრა, შთაგონებისა და მოტივაციის პოვნა.
თვითკრიტიკულობა – როცა საკუთარ თავს უწესებ საზღვრებს, მერე კი ამარცხებ; არასდროს არ ვეტოლები სხვებს, რომ „იმან ის გააკეთა, ამან ეს გააკეთა“; ჩავწერდი სიმღერას, დასრულდებოდა კონკრეტული პროექტი და 2 კვირის შემდეგ მე აღარ ვარსებობდი, ვივიწყებდი და ახალზე ვერთვებოდი; საკუთარი თავი პირველ რიგში მე მბეზრდებოდა.
ესაა სტეფანეს არგაჩერების არასრული ფორმულა, რომელიც ამ და გასული ეპიზოდების მაყურებელს აუცილებლად გაუჩენს სუბიექტურ მოტივაციას – ამ საავტორო პროექტის მიზანიც სწორედ ესაა.
სრული გადაცემის ნახვა ქვემოთ მოცემულ ვიდეოში შეგიძლია:
გამოიწერე „გორგილაძის აუტანელი სიმსუბუქის“ იუტუბის არხი და არ გამოგრჩეს ახალი ეპიზოდები ახალი ისტორიებითა და გამოცდილებით.