გურმანებს, რომლებსაც სხვადასხვა ქვეყნის სამზარეულო და კერძები ძალიან უყვართ, თუმცა ზუსტად არ იციან, ყველაზე გემრიელად სად ჭამენ, პროექტი გასტროლები სასურველი რესტორნების პოვნაში ეხმარება. საქართველოს ბანკის პროექტ გასტროლების ფარგლებში, მასტერშეფის ფინალისტი დიმიტრი რჩეულიშვილი სხვადასხვა გასტრონომიულ ობიექტებს სტუმრობს, კერძებს აგემოვნებს და მაყურებელთან ერთად ცდილობს იმ ადგილების პოვნას, სადაც სასურველ კერძს ყველაზე გემრიელად მოგიმზადებენ.
ქართული კულინარიული ტრადიციებიდან გამომდინარე, ბუნებრივია, რომ გურმანებს ქართული სამზარეულო ყველაზე მეტად აინტერესებთ. სწორედ ამიტომ,დიმიტრი რჩეულიშვილი რესტორან სორმონს უკვე ეწვია და ქართული კერძებიც დააგემოვნა. რესტორან სორმონის მენიუს კონცეფცია ძირითადად ქართულ ხაზზეა აგებული, გამორჩეულად კი იმერულ სამზარეულოზე, რაც გურმანებს ძალიან მოსწონთ. თუ რა შეიცვალა სორმონისთვის გასტროლებში გამოჩენის შემდეგ და ზოგადად, როგორია რესტორნის კონცეფცია, ამის შესახებ სორმონის მენეჯერ თამაზ მეფარიშვილს ვესაუბრეთ.
“სახელი სორმონი იმერეთის ერთ-ერთი ულამაზესი სოფლის, სორმონის, სახელწოდებიდან მომდინარეობს. სწორედ სორმონიდან და მიმდებარე იმერული სოფლებიდან ვიძენთ ინგრედიენტების მნიშვნელოვან ნაწილს, როგორებიცაა: სიმინდის ფქვილი, ეკალა, სანელებლები და რაც მთავარია, ნამდვილი იმერული ყველი. ჩვენი კონცეფციაც ეს გახლავთ, რომ მენიუში ქართული კულინარიის თვალსაჩინო კერძები გვქონდეს წარმოდგენილი და ამავდროულად, მსოფლიო კულინარიის საინტერესო მაგალითებითაც გავამდიდროთ. საბოლოო ჯამში, ვიღებთ ქართული სტუმარ-მასპინძლობით გამთბარ, მწვანე ეკომეგობრულ გარემოს და მრავალფეროვან მენიუს, რომელშიც ყოველი სტუმარი თავის სასურველ გემოს იპოვის”, — ამბობს თამაზ მეფარიშვილი.
გასტროლების ეპიზოდში დიმიტრი რჩეულიშვილმა გამორჩეული ქართული კერძები დააგემოვნა, რამაც ბევრი მაყურებელი დააინტერესა. ღორის ნეკნი, ყაბაყი ბროწეულის ბაჟეთი და ქათმის გულსართით, ეკალა ჭვიშტარის ბურთებით და ა.შ. ის კერძებია, რომელთა დაგემოვნებასა და შეფასებასაც ვიდეოში ვხედავთ. როგორც თამაზ მეფარიშვილმა აღნიშნა, გასტროლების ეპიზოდმა რესტორნის ცნობადობის გაზრდაზე დადებითად იმოქმედა.
“გასტროლების სიუჟეტმა ჯამში 300 000-მდე ნახვა დააგროვა სხვადასხვა სოციალურ ქსელში და ბუნებრივია, ეს ცნობადობის გაზრდას გამოიწვევს. გასტროლების ეპიზოდის შემდეგ განსაკუთრებით პოპულარული გახდა კერძი”ღორის ნეკნი შეფისგან”. ამ ვიდეოს და სხვა საინფორმაციო მასალებს დიდი ხნის განმავლობაში ნახავს ხალხი და საბოლოო ჯამში, გასტროლებში მონაწილეობა რენტაბელური გადაწყვეტილება იქნება ჩვენგან, რა თქმა უნდა”, — დასძინა თამაზ მეფარიშვილმა.
გარდა ცნობადობის ზრდისა, თამაზ მეფარიშვილის თქმით, პროექტ გასტროლებში მონაწილეობა თავად რესტორნისთვის საინტერესო გამოცდილება იყო. სხვა ბიზნესებს კი გასტროლებში მონაწილეობას ურჩევს.
“დადებითად შევაფასებდი როგორც გასტროლებში ჩვენს მონაწილეობას, ასევე მთლიანად პროექტს. გადაღების დაგეგმვა და უშუალოდ პროცესიც ძალიან საინტერესო იყო. პროექტში მონაწილეობას ცალსახად დადებითი გავლენა აქვს ბიზნესოპერატორზე, რადგან იზრდება მისი ცნობადობა და საშუალება აქვს, მისი დადებითი მხარეები ფართო აუდიტორიას გააცნოს”, — აღნიშნა თამაზ მეფარიშვილმა.
სორმონის შესახებ გასტროლების ეპიზოდი აქ შეგიძლია ნახო, შემდეგ კი შერჩეული სასურველი კერძის დასაგემოვნებლად რესტორანს თავად ეწვიო.