ბევრი არაფერი შეედრება იმ გრძნობას, როცა რაღაცას უსაშველოდ დიდხანს ელოდები, ბოლოს როგორღაც საშველი დაადგება, მიიღებ ნანატრ შედეგს და შენც შვებით ამოისუნთქავ, სჯობს გვიანო. ან სულაც ერთ მშვენიერ დღეს, საერთოდ რომ არ ელოდებოდი, ისე გაიგებ, რომ თურმე ცხოვრებაში რაღაც გაკლდა და იმ კონკრეტულის აღმოჩენის შემდეგ შენი ყოველდღიურობა უფრო გამარტივდება და გაუმჯობესდება.
თუ გინდა, რომ მსგავსი ცვლილებები ახლავე შეიგრძნო, ქვემოთ საქართველოს ბანკის მობილბანკის ფუნქციონალებს გაეცანი და მათი გამოყენება თუ ჯერ არ დაგიწყია, სჯობს გვიან, მაგრამ მაინც აღმოაჩინო, რამდენად უსაზღვრო შესაძლებლობებით შეგიძლია ისარგებლო.
1. მობილბანკში Dark Mode რეჟიმის დამატება
საქართველოს ბანკის მომხმარებელთა უმეტესობის მსგავსად მობილბანკში Dark Mode რეჟიმის დამატებას ალბათ შენც დიდხანს ელოდი. როგორც იქნა, დადგა ის დრო, როცა მობილბანკის Dark Mode-ზეც შეგიძლია თქვა — სჯობს გვიანო. ამ სიახლის დახმარებით, ახლა უკვე შენც შეგიძლია ნაკლები გამოსხივებითა და მეტი კომფორტით ისარგებლო. მობილბანკის Dark Mode რეჟიმი საშუალებას გაძლევს თავად გადაწყვიტო, მუქი თემა გირჩევნია, თეთრი თუ ის ფერი, რომელიც შენი ტელეფონის პარამეტრებში გაქვს დაყენებული. რაც მთავარია, ღამით ან ბნელ განათებაში მობილბანკში შესვლისას სინათლე არც შენ და არც გარშემომყოფებს აღარ შეგაწუხებთ.
2. ინვესტირების დაწყება
ინვესტორობა თუ იმდენად რთული საქმე გგონია, რომ ძალიან გვიან აპირებ დაწყებას, კოვზი ნაცარში ჩაგივარდა! მობილბანკის მომხმარებლებს უკვე დიდი ხანია, ინვესტირების დაწყება მარტივად და მინიმალური თანხით შეუძლიათ. ამისათვის მობილბანკში პროდუქტებზე უნდა გადახვიდე, იპოვო ინვესტიციები და ინსტრუქციებს მიჰყვე. რეგისტრაციის შემდეგ კი ისეთი საერთაშორისო კომპანიების ფასიანი ქაღალდებით ვაჭრობას შეძლებ, როგორებიცაა: Apple, Amazon, Microsoft, Tesla, Google და სხვა.
3. ყულაბის გააქტიურება და ანაბრის გახსნა
მომავლისთვის ფულის დაგროვება და შენახვა ჯერ კიდევ თუ არ დაგიწყია, ეგ საქმე მართლა გვიან სჯობს, ვიდრე არასდროს. ბავშვობაში ყულაბიდან ამოღებული ხურდების დათვლის სიამოვნება თუ კარგად გახსოვს, ახლა იმავეს გაკეთება ელექტრონული ყულაბის მეშვეობით შეგიძლია. ელექტრონული ყულაბის გააქტიურებას მობილბანკში შეძლებ და ყოველ გადახდაზე შენ მიერ მითითებულ თანხას ყულაბაში ავტომატურად გადაინახავ. რაც შეეხება ანაბარს, შენზე მორგებულ პირობებს ასევე მობილბანკში ნახავ და აირჩევ. უფრო მეტიც, ანაბრის კალკულატორის მეშვეობით წინასწარ შეგიძლია გამოთვალო, რა თანხას მიიღებ საბოლოოდ. დაგროვებისას კი გახსოვდეს, რომ ვინც მოითმენს, ის მოიგებს!
4. პლუს ქულების დაგროვება
იცოდი, რომ საქართველოს ბანკში დამატებითი თანხის დაგროვება განსაკუთრებული ძალისხმევის გარეშე შეგიძლია? თუ აქამდე არ მიგიქცევია ყურადღება, ბარათით თითოეული გადახდისას PLUS ქულები გემატება, რომელთა რაოდენობასაც მობილბანკში შესვლისთანავე დაინახავ. დაგროვილი ქულებით კი პარტნიორ მაღაზიებში შეგიძლია ივაჭრო ან მობილბანკის მეშვეობით PLUS ქულები სასურველ მომსახურებაში გადაცვალო. ამავდროულად, თუ PLUS ბარათს აიღებ, ყოველი გადახდისას კიდევ უფრო მეტი ქულის დაგროვებას შეძლებ.
თუ შენც ფიქრობ, რომ ხერხი სჯობია ღონეს, PLUS ქულებით მიღებული შესაძლო ბონუს სარგებელი ქარს არ უნდა გაატანო!
5. ავტოპასუხისმგებლობის დაზღვევის გააქტიურება
თუ საქმეები მუდმივად თავზე გაყრია და ავტოდაზღვევისთვის ვერ მოიცალე, სიფრთხილეს თავი არასდროს სტკივა! მობილბანკის მომხმარებლებისთვის ავტოდაზღვევის გააქტიურება გრძელი და დამღლელი პროცესი სულაც არაა, უფრო მეტიც, სახლიდან გასვლაც კი არ გჭირდება. მობილბანკში ავტოპასუხისმგებლობის დაზღვევა უნდა მოძებნო, მარტივი რეგისტრაცია გაიარო და გაიაქტიურო. ავტოპასუხისმგებლობის დაზღვევა კი მესამე პირის ავტომობილისა და ჯანმრთელობისთვის მიყენებული ზიანის ხარჯებს დაგიფარავს.
როგორც ხედავ, მობილბანკით იმაზე მეტ დროსა და რესურსებს ზოგავ, ვიდრე ეს ერთი შეხედვით შეიძლება წარმოგედგინა. მობილბანკის განახლებული ვერსია კი, მომხმარებლებისთვის კიდევ უფრო კომფორტული გახდა. შეგიძლია, მობილბანკის გადახდების განახლებულ გვერდს ეწვიო და თავად ნახო, რომ პოპულარული გადახდები ერთ კატეგორიად დაჯგუფდა, რაც გადახდის პროცესს უფრო სწრაფსა და მოსახერხებელს ხდის. გარდა ამისა, თუ მოგზაურობა გიყვარს და ამექსის საკრედიტო ბარათი უკვე გაქვს, მობილბანკიდან მარტივად ნახავ სადაზღვევო პოლისს და გაიაქტიურებ, რაც ამ ბარათის მფლობელებისთვის უფასოა.
ასე რომ, მობილბანკის აქტიურად გამოყენების დაწყებაც სჯობს გვიან, ვიდრე არასდროს!