როგორი იყო თებერვალი საფონდო ბირჟისთვის და რა მოლოდინები აქვთ ინვესტორებს მარტში?

მიმდინარე წლის თებერვალი ამერიკული საფონდო ბირჟისთვის სახარბიელო ნამდვილად არ ყოფილა, რადგან S&P 500-ის და Dow Jones-ის ინდექსების ღირებულება საშუალოდ 1.5%-ით, ხოლო Nasdaq-ის ინდექსის შეფასება 4%-ით შემცირდა. გასული თვის განმავლობაში განსაკუთრებით ნეგატიური შედეგები ტექნოლოგიურ კომპანიებს ჰქონდათ, რომლებმაც ჯამურად თითქმის $2 ტრილიონის კაპიტალიზაცია დაკარგეს. 

საფონდო ბირჟის დაღმასვლის მიზეზები:

ინვესტორების ნეგატიური განწყობა, ძირითადად, გეოპოლიტიკური რისკების ზრდით არის განპირობებული. აშშ-ის მხრიდან მოკავშირეების წინააღმდეგ სავაჭრო ტარიფების დაწესება; ჩინეთთან ურთიერთობის გაუარესება; რუსეთ-უკრაინის კონფლიქტის გაჭიანურება და სამშვიდობო მოლაპარაკების პროცესის არასახარბიელო მიმართულებით განვითარება, საერთო ჯამში, საფონდო ბირჟის შეფასებაზე უარყოფითად აისახა.

როგორც წესი, როცა გეოპოლიტიკური და ეკონომიკური რისკები იზრდება, საფონდო ბირჟა ეცემა, რადგან ინვესტორებს სამომავლო პროგნოზების გაკეთება უჭირთ და კაპიტალის შედარებით უსაფრთხო აქტივებში გადატანა ურჩევნიათ, ეს მოცემულობა კი ყველაზე დიდი წნეხის წინაშე ტექნოლოგიურ სექტორს აყენებს, რომელიც ისედაც მაღალ რისკთან ასოცირდება.

ისტორიულად, ბირჟების ვარდნის შემდეგ ყოვეთვის ხდებოდა ბაზრის კორექცია, ანუ აქციების ფასების მასობრივი მატება, რაც ასეთ პერიოდებში ინვესტორთა დიდი ნაწილის საინვესტიციო აქტიურობის მთავარი მიზეზია.

გამორჩეული შედეგების მქონე კომპანიები: 

საფონდო ბირჟაზე არსებული ნეგატიური განწყობის მიუხედავად, რამდენიმე მსხვილ კომპანიას თებერვალში მაინც გამორჩეულად პოზიტიური შედეგები ჰქონდა, მათ შორის ერთ-ერთია Super Micro Computer (SMCI), რომელმაც გასული თვის განმავლობაში 45%-იანი ზრდა დააფიქსირა, რაც კომპანიის მხრიდან კრიტიკული მნიშვნელობის ფინანსური ანგარიშგების გამოქვეყნებასთან იყო დაკავშირებული.

თებერვალში გამორჩეული შედეგი ჰქონდა კომპიუტერული ჩიპების და პროცესორების მწარმოებელ Intel (INTC)-საც, რომელმაც ინვესტორებს 22%-იანი სარგებელი მოუტანა. 

გარდა ამისა, მსხვილ კომპანიებს შორის ერთ-ერთი საუკეთესო შედეგი დააფიქსირა Philip Morris International (PM)-მა, რომელსაც გასულ თვეს თითქმის 20%-იან ზრდა ჰქონდა.

მსოფლიოს უმსხვილეს კომპანიებს რაც შეეხებათ, გასული თვის განმავლობაში მათ აქციებთან მიმართებით ასეთი ცვლილებები იყო:

• Apple (AAPL): +2.5%

• Microsoft (MSFT): -4.4%

• NVIDIA (NVDA): +4.1%

• Amazon (AMZN): -10.7%

• Google (GOOG): -16.2%

• Meta Platforms(META): -3.0%

• Berkshire Hathaway (BRK): +9.7%

• TSMC (TSM): -13.8%

• Broadcom (AVGO): -9.9%

• Tesla (TSLA): -27.6%

რას ელიან ინვესტორები მიმდინარე თვეს?

მარტის თვესთან მიმართებით ინვესტორებს შედარებით პოზიტიური მოლოდინები აქვთ, რაც, ძირითადად, რუსეთ-უკრაინის კონფლიქტის დასრულების და სამშვიდობო შეთანხმების მიღწევის პერსპექტივას უკავშირდება. გარდა ამისა, თვის განმავლობაში განახლდება აშშ-ის, ევროკავშირის და აზიის წამყვანი სახელმწიფოების ეკონომიკური სტატისტიკა, მათ შორის: მშპ-ის ზრდის, ინფლაციის, უმუშევრობის და საგარეო ვაჭრობის მიმართულებით. თუკი გასაჯაროებული შედეგები პროგნოზირებულზე უკეთესი იქნება, ეს ინვესტორების განწყობაზე პოზიტიურად აისახება.

ამასთან, მსხვილი კომპანიები ფინანსური შედეგების გასაჯაროებას გეგმავენ, მათ შორის იქნებიან:

• Broadcom (AVGO)

• Oracle (ORCL)

• BioNTech (BNTX)

• Adobe (ADBE)

• PDD Holdings (PDD)

• Nike (NKE)

• Micron (MU)

• FedEx (FDX)

• XPeng (XPEV)

• Accenture (ACN)

თუ ფიქრობ, რომ მარტი და ზოგადად, მომავალი პერიოდი საფონდო ბირჟისთვის პოზიტიური იქნება, მაშინ შეგიძლია მობილბანკის საინვესტიციო პლატფორმას გაეცნო და ბაზარზე ამჟამად არსებული კორექციით ისარგებლო.

*მოცემული „ინფორმაცია“ არ წარმოადგენს და ამავდროულად არ შეიძლება აღქმულ იქნას როგორც საინვესტიციო რჩევა, ყიდვის/გაყიდვის ან შუამავლობის შეთავაზება ან რეკომენდაცია ფასიანი ქაღალდების შეძენასთან/ გაყიდვასთან დაკავშირებით.