როგორ შექმნათ შეთავაზებები მობილბანკის აპლიკაციისთვის, რომელსაც 1 500 000-ზე მეტი მომხმარებელი ყავს?

რაც დრო გადის, ბიზნესებს სულ უფრო მზარდი კონკურენციის გადალახვა უწევთ, ამ პროცესში კი ერთი ნაბიჯით წინ ის კომპანიები არიან, რომლებიც მომხმარებლების სურვილებს ითვალისწინებენ. რელევანტურ და ზუსტ შეთავაზებებს მომხმარებლები თავად მოითხოვენ ბიზნესებისგან – დღეში ათობით სმს-ის მიღების ნაცვლად, სურთ რომ სწორედ ის პროდუქტი თუ სერვისი მიიღონ, რომელიც მათ ინდივიდუალურ საჭიროებებსა და სურვილებს აკმაყოფილებს.

კითხვაზე პასუხი, თუ როგორ შექმნათ პერსონალიზებული და ზუსტი შეთავაზებები სასურველ სეგმენტზე 1 200 000 ციფრული მომხმარებლიდან, როგორ აარჩიოთ სასურველი სეგმენტი, რომლებიც საქართველოს ბანკის ციფრულ პროდუქტებს იყენებენ, მარტივია – Ads მენეჯერით.

რა ტიპის შეთავაზებების შექმნა შეიძლება ბიზნეს მენეჯერში?

ფასდაკლება, ქეშბექი, პლუს ქულების დაგროვება — ამ ყველაფრის მომხმარებლამდე მიტანა ერთი სივრციდან შეგიძლიათ, თავის მხრივ კი თქვენ მიერ შექმნილი შეთავაზებები მომხმარებლებს მათთვის ნაცნობ შეთავაზებების გვერდზე შეხვდება – offers.bog.ge-ზე, BOG sCoolApp-სა და ფიზიკური პირის მობილბანკში, მათივე ინტერესების მიხედვით.

რა ეტაპები უნდა გაიაროთ შეთავაზების შესაქმნელად?

ყველაფერი ბიზნეს მენეჯერში შესვლით — Manager.bog.ge-ზე მომხმარებლის სახელითა და პაროლის შეყვანით იწყება, რომელიც იდენტურია იმ სახელის და პაროლისა, რომლითაც სარგებლობთ ბიზნეს ინტერნეტბანკსა და ფიზიკური პირის მობილბანკში. ავტორიზაციის შემდეგ Ads მენეჯერის მოდულზე გადადიხართ, სადაც აჭერთ ღილაკს “შექმენით შეთავაზება”. ეს ერთგვარი პორტალია იმ მომხმარებელთან დასაკავშირებლად, რომელიც სხვადასხვა სეგმენტში ერთიანდება. ესენია:

  • American Express-ის მფლობელები;
  • Student Card-ის მფლობელები;
  • SOLO ბარათის მფლობელები;
  • PLUS ბარათის მფლობელები;
  • sCool Card-ის მფლობელები.

Ads მენეჯერის მოდული უკვე შექმნილი შეთავაზებების მოძებნასა და გაანალიზებაშიც გეხმარებათ — სტატუსის, ტიპისა და პერიოდის მიხედვით შეთავაზებებს უკეთ დაგეგმავთ.

შეთავაზების შექმნის შემდგომი ნაბიჯი მათი ტიპის შერჩევაა, ამის შემდეგ კი 5-ეტაპიან პროცესს გადიხართ.

შეთავაზების შექმნის საინტერესო თავგადასავალში შებიჯება ზუსტი პირობების გაწერით იწყება.  ამ გვერდზე უთითებთ კომპანიის ან თქვენს ორგანიზაციაში შემავალი ბრენდის სახელს, რომლიდანაც შეთავაზების გავრცელება გინდათ. თუ რამდენიმე ფილიალი გაქვთ, მონიშნავთ სასურველ მისამართს — ეს განსაკუთრებით მოსახერხებელი მაშინაა, როცა ახალ ფილიალს ხსნით და მომხმარებლების მოზიდვა გსურთ. უთითებთ პირობებს — რამდენპროცენტიანი ფასდაკლების ან ქეშბექის შეთავაზებასაც აპირებთ. აქვე უნდა განსაზღვროთ შეთავაზების ხანგრძლივობა — მისი დაწყების და დასრულების თარიღები. გაითვალისწინეთ, შეთავაზების შექმნა არ შეგიძლიათ ისეთ აქციაზე, რომლის დაწყების თარიღამდეც სამ დღეზე ნაკლებია დარჩენილი. ამ ეტაპზე ბოლო ნაბიჯი ანგარიშსწორების ანგარიშის არჩევაა, რომლიდანაც ზუსტად იმდენი ჩამოგეჭრებათ, რა სარგებელსაც სთავაზობთ მომხმარებელს – ქეშბექისა და პლუს ქულებზე შექმნილი შეთავაზების შემთხვევაში.

მეტიც, ამ ეტაპზევე შეგიძლიათ შეიმუშაოთ გარკვეული შეზღუდვები. მაგალითად, შეთავაზება მაშინ გაააქტიუროთ, როცა მომხმარებელი მინიმუმ 200 ლარს გადაიხდის – ეს დაგეხმარებათ საშუალო გადახდა გაზარდოთ თქვენს ბიზნესში ან დააწესოთ მაქსიმალური სარგებელი, პირობითად, 200-ლარიანი ქეშბექი და უკეთ განკარგოთ ბიუჯეტი

ერთი სიტყვით, ეს ის ეტაპია, როცა შეთავაზების პირობებს არგებთ თქვენ ბიზნეს საჭიროებებსა და მიზნებს

ფართო აუდიტორიამდე სანამ გახვალთ, სწორი აუდიტორია უნდა განსაზღვროთ. ამისათვის Ads მენეჯერში რამდენიმე მოქმედება შეგიძლიათ განახორციელო — აირჩიოთ საქართველოს ბანკის მომხმარებლები:

  • ასაკის;
  • სქესის;
  • რეგიონის;
  • ინტერესების;
  • ან ტიპის (ახალი, აქტიური, პასიური) მიხედვით – რომ დაიბრუნოთ დაკარგული მომხმარებლები ან შესთავაზოთ სიახლეები არსებულებს.

თუ ახალ, აქტიურსა და პასიურს შორის ერთ-ერთს მონიშნავთ, შეთავაზება გავრცელდება თქვენს არსებულ მომხმარებლებზე, ხოლო თუ არ მონიშნავთ, შეთავაზება გამოუჩნდება  საქართველოს ბანკის 1 200 000-ზე მეტი მომხმარებლიდან მონიშნული ფილტრების მიხედვით შერჩეულ აუდიტორიას.

ამ დეტალების მითითების შემდეგ პლატფორმა გიჩვენებთ აუდიტორიის მაქსიმალურ რაოდენობას, რომელიც თქვენ მიერ მონიშნულ სეგმენტში მოხვდა და ასევე აღნიშნავს ე.წ. “რიჩს”, ანუ იმ ადამიანების სავარაუდო რაოდენობას, რომელსაც შეთავაზება მისწვდება.

ერთ-ერთი მნიშვნელოვანი ეტაპია ვიზუალური მასალა, რადგან სწორედ ესე დაინახავს 1 200 000-ზე მეტი ადამიანი თქვენს შეთავაზებას მობილბანკში, sCoolApp-სა და Offers.bog.ge-ზე. გაითვალისწინოთ, რომ ფოტო უნდა იყოს მაღალი ხარისხის და მაქსიმალურად ზუსტად წარმოაჩენდეს თქვენს შეთავაზებას – იმ შემთხვევაში, თუ შეთავაზებების გუნდს ექნება კომენტარი ვიზუალთან ან პირობებთან დაკავშირებით, დაგიკავშირდებიან სწორედ იმ ნომერზე, რომელსაც საკონტაქტოდ მიუთითებთ.

ამასთან, თქვენ არ მოგიწევთ წინასწარ შეარჩიოთ ფოტოს ზომები და მოარგოთ შეთავაზებას, ფოტოს მოჭრის ფუნქციონალი ამ ნაწილს გაგიმარტივებთ

პირველ რიგში უთითებთ თქვენს საკონტაქტო ინფორმაციასა და ვებგვერდის მისამართს. მოკლედ აღწერთ თქვენს კონკრეტულ შეთავაზებას – რაზე ვრცელდება, რა ტიპის პროდუქტს/სერვისს სთავაზობთ მომხმარებელს შეთავაზების ფარგლებში და ა.შ., როგორც ქართულად, ისე ინგლისურად. მნიშვნელოვანი დეტალია შეთავაზების მთავარი მესიჯის შემუშავება, თუმცა Ads მენეჯერი პროცესს აქაც გიმარტივებთ და რამდენიმე ვერსიიდან, რომელიც სპეციალურად თქვენთვის წინასწარ არის მომზადებული, გთავაზობთ შეარჩიოთ ერთ-ერთი.

ბოლო ეტაპი თქვენ მიერ შექმნილი უნიკალური შეთავაზების გადახედვა, გადამოწმება და განთავსებაა. აქ სულ ორი მარტივი ნაბიჯი უნდა გადადგათ — პირობებს დაეთანხმოთ და ღილაკზე დაჭერით პროცესი დაასრულოთ. მას შემდეგ, რაც ამ ეტაპებს გაივლით, Ads Manager-ის გვერდზე, განაცხადების ბლოკში, შეთავაზება გამოჩნდება და მის სტატუსსაც შეამოწმებთ, იმ შემთხვევაში თუ ვიზუალური მასალა და შეთავაზების პირობები აკმაყოფილებს პირობებს, თქვენი შეთავაზება 1 200 000-ზე მეტი ადამიანისთვის ავტომატურად გამოჩნდება.

სამყაროში, სადაც პერსონალური გამოცდილება უფრო და უფრო მნიშვნელოვანი ხდება, მომხმარებლების მისწრაფებებზე მორგებული შეთავაზების შექმნა წარმატების უალტერნატივო ფორმულაა. ამ მომენტის საკუთარ ბიზნესში გამოსაცდელად კი ეწვიეთ საქართველოს ბანკის ბიზნეს მენეჯერს და გაიგეთ, რამდენად მარტივია, პირდაპირ უპასუხო მილიონობით ადამიანის სურვილებს, თან არ დაგავიწყდეთ, რომ შეთავაზების განთავსება საქართველოს ბანკის მომხმარებლებისთვის უფასოა და ეს ხელსაწყოც ზრდაზე ორიენტირებული ბიზნესებისთვის თვითმომსახურების სერვისია.

არ გაჩერდე, გააგრძელე კითხვა