როგორია მობილბანკში ერთად თამაში – ორმოთამაშიანი გუნდის გამოცდილება

მას შემდეგ, რაც 9 ოქტომბერს საქართველოს ბანკის მობილბანკში თამაში დაიწყო, მთელი საქართველო ჩაერთო ამ ყოველკვირეულ მარათონში, რომელიც იანვარში გრანდიოზული პრიზების გაცემით დაგვირგვინდება! იქამდე კი თითოეულ მოთამაშეს აქვს შანსი, რომ სწორი პასუხებით მოპოვებული მონეტები მარკეტში ვაუჩერების მრავალფეროვან არჩევანში გადაცვალოს.

რაც ყველაზე მთავარია, თამაში შესაძლებელია არა მხოლოდ ინდივიდუალურად, არამედ გუნდურადაც – ორ ან სამწევრიანი გუნდებით. ნატა და დათაც იმათ შორის არიან, ვინც თამაშში ერთად ჩაერთო და ქვემოთ სწორედ თავიანთ გამოცდილებას გვიზიარებენ:

პირველად როგორ გაიგეთ თამაშის შესახებ და რა იყო მთავარი მოტივაცია, რის გამოც ჩაერთეთ ამ პროექტში?

მეგობრისგან გავიგე თამაშის შესახებ, ძალიან დამაინტერესა და მაშინვე ჩავერთე. მინდა, საკუთარი თავი გამოვცადო, რამდენად შევძლებ კითხვებზე პასუხის გაცემას, მოგებაც მოტივაციაა და შესაბამისად – პრიზებიც.

რატომ გადაწყვიტეთ გუნდურად თამაში და არა – დამოუკიდებლად?

ჩავთვალეთ, რომ გუნდურად უკეთ გავუმკლავდებოდით კითხვებს, ასე მსჯელობის პროცესიც უფრო საინტერესოა, სწორ პასუხამდეც ერთად მივდივართ და საბოლოოდ, უფრო ვერთობით.

აქამდე დაგროვილი გამოცდლებით ყველა დავალება სწორად შეასრულეთ?

რაც თამაში დავიწყეთ, ორ კითხვას გავეცით არასწორად პასუხი. ახალი დაწყებული გვქონდა თამაში და სტრატეგიაც არ გვქონდა შემუშავებული. ახლა ყველაფერზე ვმსჯელობთ, განვიხილავთ და ისე მივდივართ პასუხამდე.

როგორ ინაწილებთ კითხვებს, ორივე თანაბარი რაოდენობით პასუხობთ ხოლმე?

ყოველ ორშაბათს ვპოულობთ თავისუფალ დროს, რომ ერთად ჩავუჯდეთ კითხვებს, ძირითადად ერთად მივდივართ პასუხებამდე, თანაბრად ვართ ჩართულები და ერთიანი ძალებით ვაგროვებთ ქულებს.

მარკეტით ხომ არ გისარგებლიათ უკვე?

ჯერ არა, მაგრამ გახსნის დღიდან მილიონ პლიუს ქულას დავადგით თვალი, ველოდებით, როდის იქნება ხელმისაწვდომი. იმედია, იქამდე მოვახერხებთ საკმარისი ქულების შეგროვებას.

ფინალისთვის თუ ემზადებით და რა მოლოდინი გაქვთ?

ვემზადებით და მგონია, რომ უფრო სახალისო იქნება. დროის შეზღუდვაც რომ დაემატება, უფრო დიდი ინტერესით და სიფრთხილით ვითამაშებთ, მაგრამ ქულებს ალბათ იქამდე დავხარჯავთ მარკეტში.

არ გაჩერდე, გააგრძელე კითხვა