ხშირად ხდება, როცა ვერ ან არ ვაკვირდებით, სად რამდენს ვხარჯავთ და თვის ბოლოს ჩვენვე გვიკვირს ხოლმე, მთელი ხელფასი სად მიდის… ჰოდა, შენს მთავარ კითხვაზე − მაინც რაში ვხარჯავ ამდენს? − პასუხს სწორედ ამ ბლოგში გაიგებ.
პირველ რიგში, ბევრი რამ შეიძლება დაგეხმაროს შენი ფინანსების გონივრულად მართვაში. თუმცა რა გზაც არ უნდა აირჩიო, მთავარია ჯერ მიზანი დაისახო და დაიჯერო საკუთარი თავის, რომ ფინანსების ეფექტიანად გადანაწილება აუცილებლად გამოგივა.
მეორე მხრივ, ძებნაში ბევრი ენერგია რომ არ ხარჯო, მობილბანკში ფინანსური მენეჯერის ფუნქცია მოსინჯე. ასე შენს მიზანს უფრო სწრაფად მიუახლოვდები – მთლიანი პროცესიც სახალისოა და ფულის მართვასაც ისწავლი.
როგორ მუშაობს?
მობილბანკში ჰაბის გვერდიდან აირჩევ ფინანსურ მენეჯერს, სადაც ნახავ დღის, კვირის, თვის ან, თუნდაც, წლის ჭრილში შენი ფინანსების შესახებ დეტალურ ინფორმაციას – სად რა ხარჯი გქონდა და რამდენი გაქვს შემოსავალი.
სხვანაირად რომ ვთქვათ, 1 სივრცეში მიადევნებ თვალს – რამდენი გეხარჯება, როცა გემრიელად ჭამ მეგობრებთან ერთად, პარასკევობით რომ კარგად ერთობი. ასევე, როცა ტაქსით ან ავტობუსით მგზავრობ, შვებულებაში გადიხარ და ბევრს მოგზაურობ, ან მაღაზიებში დადიხარ და ყიდულობ ნივთებს, რომლებიც ფიქრობ, რომ გჭირდება.
ამ ყველაფერზე პასუხი ფინანსურ მენეჯერში დაგხვდება და იქვე შეძლებ სხვა ფუნქციების გამოყენებასაც. როცა გაიგებ, რამდენს ხარჯავ, დიდი ალბათობით მოგინდება, რომ ხარჯები შეამცირო. ფინანსური მენეჯერი ამაშიც დაგეხმარება: იქვე შეგიძლია თვის ბიუჯეტი დაგეგმო და ყოველთვის აკონტროლო, გადასცდა თუ არა შენი ხარჯები სასურველ მაქსიმუმს.
თეორიული მაგალითი რომ განვიხილოთ:
როცა წინა თვის ხარჯებს გადახედე, აღმოაჩინე, რომ ტრანსპორტში, კვებასა და სურსათში გქონდა განსაკუთრებით ბევრი დახარჯული. ამიტომ გადაწყვიტე, სწორედ ეს კონკრეტული ხარჯები გააკონტროლო და საკუთარ თავს ლიმიტი დაუწესო. ეს კი უმარტივესად შეგიძლია კატეგორიების მიხედვით განსაზღვრო: პირობითად, მთელი თვის განმავლობაში არ გინდა, რომ სურსათის ხარჯები 500-ს, საკვები 300-ს, ტრანსპორტი კი 100 ლარს გადასცდეს.
ეს ფუნქციონალი იმდენად მოსახერხებელია, რომ დეტალურად გაჩვენებს თვეში დაგეგმილი მთელი ბიუჯეტის რა ნაწილი გაქვს გახარჯული და რამდენი – დარჩენილი. ამავდროულად კატეგორიების მიხედვითაა ჩაშლილი იგივე მონაცემები და ზუსტ ინფორმაციას გაწვდის, სად გჭირდება მეტი თავშეკავება და სად შეგიძლია უფრო ხელგაშლილი იყო.
ბიუჯეტის დაგეგმვის გარდა, ფინანსური მენეჯერი შენი ფულის ზოგადი დინამიკის გაცნობის შესაძლებლობასაც გაძლევს და თუ დაგჭირდება, იქვე ჩამოტვირთავ ამონაწერს შენს ტელეფონში.
როგორც ხედავ, მობილბანკში ყველა ფუნქცია შექმნილია იმისათვის, რომ, ერთი მხრივ, საბანკო ტრანზაქციები წამებში შეასრულო, დაზოგო დრო და ასე გაიმარტივო ყოველდღიურობა. მეორე მხრივ, კი ისწავლო, თუ როგორ გადაანაწილო შენი ფინანსები ეფექტურად და აღარ გქონდეს იმის განცდა, რომ ფულს არაფერში ხარჯავ.