ჯერ კიდევ არაა გვიან — ჩაერთე მობილბანკის თამაშში

ამბობენ, ჯობს გვიან, ვიდრე არასდროსო. ეს გამოთქმა ბევრ სიტუაციას მიესადაგება, მაგრამ ახლა ამის შეხსენება ყველაზე მეტად მათ სჭირდებათ, ვინც ჯერ კიდევ არ ჩართულა მობილბანკის თამაშში.

უკვე მეშვიდე კვირაა, რაც საქართველოს ბანკის მობილბანკში მასშტაბური თამაში მიმდინარეობს. შეჯიბრში დამოუკიდებლად თუ გუნდურად უამრავი ადამიანია ჩართული — როგორც საქართველოში, ასევე ქვეყნის ფარგლებს გარეთ. მოთამაშეები ყოველკვირეულად ცდილობენ, ახალ-ახალ მისიებს თავი გაართვან, დააგროვონ მონეტები, ხელი გამოკრან საჩუქრებს და ფინალის საგზურს.

როგორც უკვე გითხარით, თამაშში ჩართვა ჯერ კიდევ არ არის გვიან. თუმცა, უფრო ვრცლად ქვემოთ მოგიყვებით, რას შეძლებ, თუკი ამ მხიარულებას დღესვე შემოუერთდები.

12-კვირიანი თამაში წლის ბოლომდე გაგრძელდება, იანვარში კი უკვე გრანდიოზული ფინალიც გაიმართება. აღსანიშნავია, რომ ფინალში მოსახვედრად მხოლოდ ორი კვირის დავალებების სრულყოფილად შესრულება გჭირდება — ასე რომ, თამაშში ჩართვა მე-10 კვირამდე არ არის დაგვიანებული. თუმცა, თუ ორჭოფობას მანამდე განაგრძობ, ბევრ რამეს დაკარგავ — მაგალითად, არაჩვეულებრივ საჩუქრებს.

როგორც ალბათ უკვე იცი, მოთამაშეებს ყოველკვირეულად სხვადასხვა დავალება ხვდებათ მობილბანკში. თითოეული დავალების შესრულებისას 5 მონეტით ჯილდოვდები, კვირის ყველა დავალების წარმატებით შესრულების შემდეგ კი დამატებით 10 მონეტაც გეძლევა. მონეტების გადაცვლა მარკეტში შეგიძლია, რომელიც მე-3 კვირას გაიხსნა. მარკეტში საჩუქრების ჩამონათვალი ყოველ კვირას ახლდება. ამასთან, დამოუკიდებლად და გუნდურად მოთამაშეებს ცალ-ცალკე მარკეტი აქვთ, რათა საჩუქრებზე წვდომა ყველას თანაბრად და სამართლიანად ჰქონდეს.

რა დაგხვდება მარკეტში? სულო და გულო, რაც გინდა. განსაკუთრებული შეთავაზებები, ფასდაკლებები და ვაუჩერები სხვადასხვა სავაჭრო ობიექტში. ასევე, ბევრი მოთამაშის სანატრელი პრიზი — „თრეველ ბოქსის“ 2-კაციანი საგზური. როგორც უკვე გითხარით, საჩუქრების ჩამონათვალი და ცალკეული პრიზების მარაგი ყოველკვირეულად ახლდება, ასე რომ, თუკი ერთხელ ვერ შეძელი სასურველი საჩუქრის დასაკუთრება, გული არ დაიწყვიტო და მომდევნო კვირას დაელოდე.

ამ შეკითხვაზე პასუხს დაბეჯითებით ვერ გაგცემთ — თავად უნდა გადაწყვიტო, დამოუკიდებლად თამაში გირჩევნია, ორ-მოთამაშიან თუ სამ-მოთამაშიან გუნდში. ჩვენ, უბრალოდ, გეტყვით, რა უპირატესობები შეიძლება ჰქონდეს გუნდურად თამაშს.

პირველ რიგში, გუნდურად თამაში უფრო სახალისოა. ამასთან, ბევრი მოთამაშე ასე უფრო ადვილად უმკლავდება ყოველკვირეულ მისიებს. მაგალითად, ერთ-ერთი ორ-მოთამაშინ გუნდი გვიყვება, რომ შემდეგი სტრატეგიით თამაშობენ: მას შემდეგ, რაც თითოეულს ყოველკვირეული დავალებები მიუვა შესასრულებლად, ორივე მათგანი ერთად ასრულებს დავალებებს. ასე შეძლეს უკვე დამატებითი მონეტის მიღება, რაც პირდაპირი საგზურია ფინალში.

რაც შეეხება მონეტებს. მონეტები შეგიძლია გადაცვალო მარკეტში საჩუქრებზე, ან გადაინახო ფინალისთვის, სადაც ისინი შეიძლება ძალიან გამოგადგეს. აღსანიშნავია, რომ გუნდურად თამაშისას უფრო მეტ მონეტას აგროვებთ, რადგან ისინი ერთიანად ირიცხება გუნდის სახელზე.

ამას გარდა, შეჯიბრში ჩართული მონაწილეების უმეტესობა დამოუკიდებლად თამაშობს, ამდენად, წყვილებსა და გუნდებში კონკურენცია ბევრად დაბალია. სამაგიეროდ, მეტია საპრიზო ფონდი:

თუკი დამოუკიდებლად მოთამაშე გამარჯვების შემთხვევაში 25 ათას ლარს მიიღებს, ტრიუმფატორი ორმოთამაშიანი გუნდი 55 ათას ლარს გაიყოფს (თითოეულს 27 500 ლარი, შესაბამისად). რაც შეეხება სამ-მოთამაშიან გუნდებს, ისინი გამარჯვების შემთხვევაში 90 ათასი ლარით დაჯილდოვდებიან (თითოეულს 30 ათასი ლარი ერგება). ასეთი განსხვავებაა დამოუკიდებლად და გუნდურად მოთამაშეებისთვის მეორე და მესამე საპრიზო ადგილებზეც.

გუნდის შექმნას რაც შეეხება: როგორც იცი, თამაშში მონაწილეობისთვის საქართველოს სრულწლოვანი მოქალაქე უნდა იყო და საქართველოს ბანკის მობილბანკის აპლიკაცია უნდა გქონდეს სმარტფონში. გუნდს ინიციატორი, იგივე კაპიტანი, აყალიბებს. გასათვალისწინებელია, რომ თუ მოწვეული ადამიანებიდან ერთ-ერთი მაინც იტყვის უარს, გუნდი ავტომატურად იშლება და მისი ხელახლა დაკომპლექტებაა საჭირო.

___________

მოკლედ, ახლა შენი გადასაწყვეტია, როგორ ამჯობინებ თამაშს. რაც უნდა იყოს, დრო არ იცდის — ამ კვირის დავალებების შესასრულებლად ძალიან მცირე ხანი რჩება. ასე რომ, ბევრს ნუღარ იფიქრებ: გადმოწერე მობილბანკის აპლიკაცია და ჩაერთე თამაშში. გახსოვდეს ჯერ კიდევ არ არის გვიანი თამაშის დასაწყებად.  დეტალურ ინფორმაციას, მათ შორის თამაშის წესებსა და პრიზებზე, ამ ბლოგში მიიღებ, ხოლო თუ ყველაზე ხშირად დასმულ შეკითხვებზე პასუხი გაინტერესებს, ამ ბმულს ეწვიე აუცილებლად.