Uteach 500 Georgia-ს აქსელერაციის პროგრამის ერთ-ერთი მონაწილე სტარტაპია, რომელსაც ნამდვილად საპასუხისმგებლო მისია აკისრია. მისი მიზანია, განათლების პროვაიდერებს გაუადვილოს კურსების შექმნისა და გაყიდვის პროცესი.
უფრო ვრცლად, Uteach-ის შესახებ მისივე თანადამფუძნებელი ჰრაირ შაჰბაზიანი გვესაუბრა:
– გვიამბეთ, როგორ გაჩნდა Uteach-ის შექმნის იდეა?
Uteach-ის შექმნის იდეა კორონავირუსით გამოწვეული პანდემიის პერიოდში გაჩნდა.
სასწავლო პლატფორმების შექმნის დიდი გამოცდილება მქონდა, რომელიც ხალხს ონლაინ სწავლების პროცესების ავტომატიზაციაში ეხმარება. სწორედ ამიტომ, ჩავთვალე, რომ შესაფერისი დრო იყო სტარტაპის შესაქმნელად, რომელიც საშუალებას მისცემდა კურსის შემქმნელებსა და განათლების პროვაიდერებს, შეექმნათ და გაეყიდათ თავიანთი კურსები ერთ სივრცეში.
შეიძლება ითქვას, რომ ეს იდეა გამართლებული აღმოჩნდა, რადგან განათლების ბაზრის ზომამ სწრაფად დაიწყო ზრდა კორონავირუსის შემდეგ.
– ვისი დაფუძნებულია Uteach?
Uteach-ს ჰყავს 2 თანადამფუძნებელი.
მე, ჰრაირ შაჰბაზიანი – Uteach-ის აღმასრულებელი დირექტორი და თანადამფუძნებელი. ასევე ვარ IT კომპანიის – AIST Global-ის დამფუძნებელი. 7 წელზე მეტი ხნის განმავლობაში AIST Global-მა განახორციელა მრავალი პროექტი საერთაშორისო ბაზრისთვის, განსაკუთრებით დიდი ბრიტანეთისთვის, აშშ-სთვის და რუსეთისთვის.
ასევე, Uteach-მდე მრავალი პლატფორმა შეიქმნა ელექტრონული სწავლების პროცესის ავტომატიზაციისთვის ჩემივე ხელმძღვანელობით. ეს არის გუნდი, რომელთანაც დღესდღეობით ვმუშაობ Uteach-ის განვითარებაზე.
ასევე წარმატებით შევიმუშავე სხვადასხვა სტარტაპ პროდუქტი: Buycycle, Creattie (ყველაზე დიდი და საუკეთესო პრემიუმ დიზაინის აქტივების პლატფორმა). ვიყავი განათლების ტექნოლოგიების მიმართულებით – Setters-ის CTO-ც (დიდი ბრიტანეთის უსაფრთხოების ერთ-ერთი უდიდესი კომპანია).
შუშანიკ შაჰბაზიანი – ციფრული მარკეტინგის მენეჯერი 5+ წლიანი გამოცდილებით და მომხმარებლის წარმატების მენეჯერი ერთწლიანი გამოცდილებით.
ის ქმნის მარკეტინგულ სტრატეგიას და ბიუჯეტებს, აკონტროლებს მარკეტინგული მასალებისა და კონტენტის შექმნას და ასრულებს ყველა სხვა შესაბამის ამოცანას, რომელიც აუცილებელია გაყიდვების გაზრდისთვის.
შუშანი იყო კიდევ ორი სომხური სტარტაპის თანადამფუძნებელი.
მე და შუშანი და-ძმა ვართ და გუნდის ძირითადი წევრები ჩვენთან 7 წლის განმავლობაში მრავალ პროექტზე მუშაობდნენ.
– გვითხარით დეტალურად რას სთავაზობს თქვენი სტარტაპი მომხმარებელს და რა პრობლემას წყვეტს იგი?
Uteach არის პლატფორმა კრეატორებისთვის, რომლის მეშვეობითაც, მათ შეუძლიათ, შექმნან და გაყიდონ კურსები ერთ სივრცეში. ჩვენი გადაწყვეტა ავტომატიზაცია, რომლის წყალობითაც ჩვენი მომხმარებლები ზოგავენ დროის 70%-მდე.
Uteach-ის მეშვეობით ყველა სპეციალისტს შეუძლია, შექმნას სასწავლო ვებგვერდი ტექნიკური ცოდნის გარეშე სწავლების/ქოუჩინგის პროცესის ავტომატიზაციის ინსტრუმენტებით რამდენიმე წუთში.
მათ შეუძლიათ, შექმნან:
- ვიდეოკურსები
- პროდუქტები
- ცოცხალი სესიები
- ქოუჩინგის კურსები და სხვა.
Uteach შესაძლებელს ხდის სასწავლო ბიზნესის კეთებას მდებარეობის მიუხედავად, სხვადასხვა ქვეყნის ადგილობრივი გადახდის მეთოდების ინტეგრირებით და ვებსაიტების ენების დამატებით.
– როგორი იყო თქვენი სტარტაპის თავდაპირველი ნაბიჯები – მოგვიყევით იმ პერიოდის შესახებ, როდესაც ეს საქმიანობა დაიწყეთ..
ჩვენ დავიწყეთ Uteach მაშინ, როდესაც ჩვენს ცხოვრებაში შემთხვევით შემოვიდა კორონავირუსი და ხალხს მოუწია სამუშაოს ორგანიზება სახლიდან.
კომპანიის ძირითად წევრებთან ერთად, დავიწყე მუშაობა პლატფორმაზე. გუნდი მუშაობდა სახლიდან და 2 თვეში ჰქონდა მზა ვებგვერდი. მაგრამ როგორც მოგვიანებით გავიგეთ, პროდუქტი არ იყო ისეთი, როგორიც გვინდოდა.
– რა სირთულეებს წააწყდით?
ამ საქმის დაწყებიდან ერთი წლის შემდეგ, ჩვენ მივხვდით, რომ პროდუქტი, რომელიც შევქმენით, რეალურად არავისთვის იყო, რადგან არ ჩაგვიტარებია მომხმარებლებთან ინტერვიუები და კვლევები. ჩვენ უბრალოდ შევქმენით ის, რაც სწორად მივიჩნიეთ – შესაბამისად, წარმოიშვა ბევრი შეცდომა. ამიტომაც, სრულიად ყველაფრის თავიდან დაწყება მოგვიწია. თუმცა, ახლა უკვე გვაქვს პროდუქტი, რომელიც ჩვენს მომხმარებელს უყვარს.
– რა ეტაპზეა ამჟამად სტარტაპი?
სტარტაპი ამჟამად Pre-seed ეტაპზეა.
– ადრე თუ მიგიღიათ მონაწილეობა სხვა ტიპის აქსელერატორში?
არა, 500 Georgia არის პირველი აქსელერაციის პროგრამა ჩვენთვის.
– რატომ მოგინდათ 500 Georgia-ს პროგრამის აპლიკაციის შევსება?
Uteach არის სტაბილური და სწრაფად მზარდი კომპანია, რომელიც მიზნად ისახავს ელექტრონული სწავლების სამყაროს მოზიდვას. ჩვენ ყველაფერს ვაკეთებთ იმისათვის, რომ მივაღწიოთ ამ მიზნებს და არ გავუშვათ ხელიდან არც ერთი შესაძლებლობა ახალი უნარების მოსაპოვებლად. პროექტი არის შესანიშნავი შესაძლებლობა ცოდნის შეძენისა და პრაქტიკაში გამოყენებისთვის.
– როგორია თქვენი მოლოდინი პროგრამასთან დაკავშირებით?
500-ის დამფუძნებლების, საზოგადოების ღონისძიებებისა და პარტნიორების გლობალურ ქსელზე წვდომის შესაძლებლობა მონაწილეობის ერთ-ერთი მთავარი მიზეზია.
– როგორ ფიქრობთ, რა შესაძლებლობებს აძლევს 500 Georgia სტარტაპებს და რატომ არის მათთვის მნიშვნელოვანი ამ პროგრამაში მონაწილეობა?
დამფუძნებელი, პროგრამის განმავლობაში იღებს უამრავ ინფორმაციას და გამოხმაურებას ექსპერტებისგან და მათ აქვთ შესაძლებლობა, გამოიყენონ მიღებული ცოდნა, გაზომონ შედეგები და მიიღონ უკუკავშირი ისევ და ისევ. ეს არის წარმატების რეალური გზა.
– და ბოლოს, ზოგადად, როგორია თქვენი სამომავლო გეგმები?
სამომავლოდ, დიდი სურვილი გვაქვს, გავხდეთ Edtech სამყაროს უნიქორნი.