22 მარტიდან ძალაში შედის ეროვნული ბანკის რეგულაცია ელექტრონული არხების გამოყენებასთან დაკავშირებით. რეგულაციის მიზანია ფინანსური თაღლითობის შემთხვევების შემცირება და მომხმარებლებისთვის მეტი უსაფრთხოების უზრუნველყოფა.
რა იცვლება? თუ აქამდე პირად ან კომპანიის ინტერნეტბანკში, მობილბანკში შესასვლელად / ოპერაციების შესასრულებლად საკმარისი იყო მომხმარებლის სახელი და პაროლი, ამიერიდან აუცილებლად დაგჭირდება 2-ფაქტორიანი იდენტიფიკაციის გავლა. მაგალითად მომხმარებლის სახელისა და პაროლის, და დამატებით ერთჯერადი კოდის შეყვანა. აღნიშნული ცვლილება ასევე გავრცელდება ვებგვერდებზე − www.bankofgeorgia.ge, www.plus.ge და ყველგან, სადაც ინტეგრირებულია საქართველოს ბანკის ონლაინგანვადება.
როგორ მიიღებ ერთჯერად კოდს? კოდის მისაღებად საჭიროა ბანკში დაფიქსირებული გქონდეს შენი მობილურის ნომერი მთავარ (ფინანსურ ნომრად, მეილის მისამართი − მთავარ მეილად ან გადმოწერო დიჯიპასის აპლიკაცია. თუ არ გაქვს, მოდი ჩვენს ფილიალში და დაგეხმარებით
ასევე შესაძლებელია 2-ფაქტორიანი იდენტიფიკაციის გამარტივებაც, თუ გინდა, აღარ მოგიწიოს ყოველ ჯერზე ერთჯერადი კოდის შეყვანა. ამისათვის მონიშნე შენი მობილური ტელეფონი მობილბანკში, როგორც სანდო მოწყობილობა და, ასევე, იქვე უნდა გაასანდოო კონტაქტებიც მათთან ყოველი გადარიცხვისას იდენტიფიკაციის გავლა, რომ არ დაგჭირდეს.
2-ფაქტორიანი იდენტიფიკაციის შესახებ დეტალურად გაეცანი ჩვენს ბლოგზე.