Oracle დეველოპმენტი თანამედროვე ტექნოლოგიურ სამყაროში ერთ-ერთი ყველაზე პერსპექტიული და მნიშვნელოვანი მიმართულებაა, რომლის სპეციალისტებიც როგორც საერთაშორისო, ისე ადგილობრივ დასაქმების ბაზარზე ყოველთვის მოთხოვნადია.
სწორედ ამიტომ, ერთი მხრივ, ამ განსაკუთრებული უნარ-ჩვევების მქონე პროფესიონალების ხელშეწყობისა და მეორე მხრივ, სფეროს განვითარებისთვის, საქართველოს ბანკმა დასაქმების უნიკალური პროგრამა შექმნა, რომლის ფარგლებშიც შეგიძლია, წარადგინო Oracle Database დეველოპერობის კანდიდატი და მიიღო ფულადი ბონუსი.
რას ნიშნავს კანდიდატის წარდგენა
თუ იცნობ ადამიანს, ვისაც კარგად ესმის Oracle Database დეველოპმენტი, წარადგინე საქართველოს ბანკის პორტალზე და წარმატებული შერჩევის შემთხვევაში მიიღებ სხვადასხვა ოდენობის ფულად ბონუსს.
როგორ წარვადგინო კანდიდატი
- დარწმუნდი, რომ შენი კანდიდატი შერჩევის პროცესში უკვე ჩართული არ არის;
- დაელოდე შერჩევის პროცესს;
- თუ კანდიდატი წარმატებით შეირჩევა, ფულადი ანაზღაურება დაგერიცხება.
რა პირობები აქვს კანდიდატის წარდგენას
კანდიდატი პროგრამაში მონაწილეობას ვერ მიიღებს, თუ:
- გასული 60 დღის განმავლობაში საქართველოს ბანკიდან დაუკავშირდნენ (ჩართული იყო შერჩევის პროცესში ან რეკრუტერი დაეკონტაქტა);
- უკვე წარდგენილია პროგრამაზე;
- საქართველოს ბანკის თანამშრომელია, ან მის რომელიმე პროექტზე მუშაობს;
- მის შესახებ ვერ წარადგენ სრულ ინფორმაციას, როგორიცაა საკონტაქტო ინფორმაცია, რეზიუმე და ა.შ.
- არასრულწლოვანია;
- არსებობს გარემოებები, რის გამოც, შრომის კოდექსის გათვალისწინებით, მისი დასაქმება შეუძლებელია;
- უცხო ქვეყნის მოქალაქეა;
- რეკრუტერ გუნდის წევრი ან ტოპ მენეჯერების ოჯახის წევრია.
რა ბონუსებს მოგიტანს წარდგენილი კანდიდატი
აყვანის შემთხვევაში:
დამწყები – 1000 ლარი
ექსპერტი – 2500 ლარი
წამყვანი ექსპერტი – 3500 ლარი
სპეციალისტი – 5000 ლარი
შესაბამისად, ეს პროცესი თანაბრად წარმატებულად შეიძლება დაგვირგვინდეს როგორც Oracle Database დეველოპერისთვის, რომელსაც პროფესიული განვითარების ახალი შესაძლებლობა და საინტერესო სამუშაო გამოწვევები გაუჩნდება, ისე შენთვის! ამიტომ თუ ვინმე შესაბამისი კანდიდატი გეგულება ირგვლივ, გაუწიე რეკომენდაცია და შეუწყვე ხელი ზოგადად ამ სფეროში პროფესიონალების დასაქმებას.
ამისათვის უბრალოდ საჭიროა, რომ ამ ელექტრონულ მისამართზე referral@bog.ge (Subject-ში მიუთითეთ Referral) გამოგზავნოთ სასურველი კანდიდატის რეზიუმე და თან დაურთოთ ეს ინფორმაცია, რომლითაც ადასტურებთ მოწოდებული ინფორმაციის გაზიარებისა და დამუშავების უფლებას:
„ვადასტურებ, რომ ჩემ მიერ მოწოდებული ინფორმაცია, მათ შორის, ჩემი და ჩემ მიერ დაფიქსირებული პირის (კანდიდატის) პერსონალური მონაცემები ზუსტი და უტყუარია. ვაცხადებ თანხმობას, აღნიშნული მონაცემები დამუშავდეს, სს „საქართველოს ბანკში“ ჩემ მიერ მითითებული კანდიდატის დასაქმების თაობაზე გადაწყვეტილების მიღების მიზნებისთვის და ვადასტურებ, რომ მოპოვებული მაქვს ჩემ მიერ დაფიქსირებული პირის (კანდიდატის) თანხმობა, მისი მონაცემების (სახელი, გვარი, საკონტაქტო ინფორმაცია, ლოკაცია, ქვეყანა, მიმდინარე დასაქმების პოზიცია, დაწესებულება და რეზიუმე) სს „საქართველოს ბანკის“ მიერ დამუშავებასთან დაკავშირებით.“