ტრადიციულად, შემოდგომის ბოლო თვე და მასთან ერთად ათასობით ქართველი მკითხველი ლიტერატურულ თავგადასავალში ეხვევა, რომელიც წელს 15-17 ნოემბერს, ყველასთვის კარგად ნაცნობ ადგილას – ექსპო ჯორჯიაში (წერეთლის 118) გაიმართება. ფესტივალის გენერალურ სპონსორთან, საქართველოს ბანკთან ერთად მეტი შესაძლებლობების აღმოსაჩენად განათლების გზაზე არ გაჩერდე და მოამზადე საკითხავი წიგნების გრძელი სია.
რას აღმოაჩენ წიგნის დღეებზე
შეიძლება წინასწარ ჩამოწერო ფესტივალის საყიდლების სია, მაგრამ, როგორც კი ექსპო ჯორჯიას მე-11 პავილიონში შეაბიჯებ, მაშინვე მიხვდები, რომ იქიდან თითო-ოროლა წიგნით ვერ გამოხვალ – სავსე პარკებით დატვირთული, მაგრამ ბედნიერი დაბრუნდები შინ.
წიგნის დღეების ჩასატარებლად ათობით მონაწილე გამომცემლობა, მაღაზია და აქსესუარების სტენდი ერთიანდება, რათა მკითხველებს ახალი გამოცემები, სასურველი ფასდაკლებები, სუვენირები და საჩუქრები დაახვედრონ.
ფესტივალის დაწყებამდე გამომცემლობები თავიანთ კატალოგებს აქვეყნებენ, რომელშიც ყველა ის წიგნია თავმოყრილი, რაც მათ დახლებთან დაგხვდება. თვალიერებისას არც განსაკუთრებული საათები გამოგრჩეს, რადგან ასე მეტი შანსია, შეიძინო ყველაფერი და არაფერზე თქვა უარი.
ნოემბრის ლიტერატურულ დღესასწაულზე თითქმის ყველა შენს საყვარელ გამომცემლობას თუ მაღაზიას იპოვი, რომლებიც ზამთრის საკითხავი წიგნების მომარაგებაში დაგეხმარება. სულაკაურის გამომცემლობა, პალიტრა L, გამომცემლობა დიოგენე, გამომცემლობა არტანუჯი, გამომცემლობა ინტელექტი, წიგნის მაღაზია ბიბლუსი და კიდევ სხვა უამრავი მონაწილე.
საგამოფენო სივრცეში ასევე გაიმართება შეხვედრები მწერლებთან, დისკუსიები სხვადასხვა აქტუალურ საკითხზე, გასართობი და შემეცნებითი პროგრამები. ამიტომ სამივე დღეს ყურადღებით იყავი, რათა არ გამოგრჩეს წლევანდელი მნიშვნელოვანი მოვლენები.
შეთავაზებები, რომლებიც წიგნის დღეებზე დაგხვდება
როგორც უკვე იცი, თბილისის წიგნის მთავარი მხარდამჭერი საქართველოს ბანკია, რომლისთვისაც უსაზღვრო შესაძლებლობის შექმნა ერთ-ერთი მთავარი ამოცანაა. წელსაც ყოველი სტუმარი აღმოაჩენს განსაკუთრებულ შეთავაზებებს, რათა არ გაჩერდეს განვითარებისკენ მიმავალ გზაზე.
გამოფენა-გაყიდვის დღეებში PLUS ბარათის მფლობელებს შესაძლებლობა აქვთ, დააგროვონ 30-ჯერ მეტი ქულა (მაქსიმუმ 10 000 PLUS). რაც შეეხება სტუდენტებს და სკოლის მოსწავლეებს, მათთვისაც გამორჩეული შეთავაზებები იმოქმედებს: სტუდენტური ბარათით გადახდისასაც 30-ჯერ მეტ PLUS ქულას დააგორვებ, sCool Card-ით გადახდისას კი 30%-იანი ქეშბექი (მაქსიმუმ 50 ლარი) დაგიბრუნდებათ (აუცილებელია შეთავაზების sCoolApp-ში გააქტიურება).
არ დაგავიწყდეს, რომ შეთავაზებებით სარგებლობისთვის აუცილებელია საქართველოს ბანკის ტერმინალზე გაატარო ბარათი.
არ გამოტოვო ამ წლის ლიტერატურული ღონისძიება – ჩაერთე აქტივობებში, შეავსე წიგნის თაროები და აღმოაჩინე ახალი თავგადასავლები.