როგორ უნდა მიიღო 50%-მდე დაფინანსება ევექსში საქართველოს ბანკის ბარათებით გადახდისას

ტრადიციულად, ამ სეზონზე იზრდება სხვადასხვა ვირუსით ინფიცირების რისკი: შეიძლება თბილად გაცვია და საკმარისი რაოდენობით C ვიტამინსაც იღებ, მაგრამ მაინც მაღალია შანსი, რომ სურდოს, ცემინებას, ყელის ტკივილსა და სხვა სტანდარტულ სიმპტომებს ვერ გაექცე. უბრალოდ ასეთია ზამთარი.

ხოლო მაშინ, როცა ეს სუსხიანი თვეები მიილევა, გაზაფხულთან ერთად ალერგიის სეზონი დადგება. ამ ყოველივეს გათვალისწინებით კი, აუცილებელია, ზუსტად იცოდე, როგორ გაუმკლავდე მსგავს სიტუაციებს განსაკუთრებული გართულებების გარეშე.  

ჯანმრთელობაზე ზრუნვა არც ისე მცირე ხარჯებთანაა დაკავშირებული. ამის გამო, შესაძლოა, ბევრი თავს იკავებდეს და მუდმივად ვერ ახერხებდეს ე.წ. Check up-ის გაკეთებას, თუმცა, როგორც ყველაფერში, ამ მიმართულებითაც საქართველოს ბანკის მომხმარებლებისთვის განსაკუთრებული აქცია მოქმედებს.

საქართველოს ბანკისა და ევექსის პროექტის – Healthy Club-ის ფარგლებში 15%-დან 50%-მდე დაფინანსებით სარგებლობა შეგიძლია და ეს შეთავაზება ვრცელდება ისეთ საჭირო და აუცილებელ სერვისებზე, როგორებიცაა ექოსკოპიური კვლევები, ლაბორატორიულ კვლევები, კომპიუტერული ტომოგრაფია – CT და სხვა ამბულატორიულ სერვისებზე.

  • სხვადასხვა პროფილის სპეციალისტთან კონსულტაციაზე 25%-მდე მოქმედებს;
  • GPC Lab-ში ლაბორატორიულ კვლევებზე 40%-მდე დაფინანსება;
  • ნიუ დენტში კი სტომატოლოგიურ მომსახურებაზე 50% მდე შეღავათით ისარგებლებთ.

დაფინანსებისთვის აუცილებელია, რომ საქართველოს ბანკის ტერმინალზე საქართველოს ბანკის ბარათით გადაიხადო. დაფინანსების მაჩვენებელი დამოკიდებულია ბარათის სტატუსზე: თუ Express სტატუსი გაქვს, ნაკლები დაფინანსებით ისარგებლებ, თუ Classic – შედარებით მეტით, Silver – უფრო მეტით, ხოლო თუ Gold სტატუსი გაქვს, აქციით გათვალისწინებული მაქსიმალური დაფინანსებით ისარგებლებ.

თუ მობილბანკის მომხმარებელი ხარ, საკუთარ სტატუსის გადამოწმებას შენსავე მობილბანკში შეძლებ. სტატუსების შესახებ მეტი დეტალი შეგიძლია წაიკითხო ამ ბლოგში.

აქვე მარტივი რჩევა: ბარათის სტატუსის ამაღლება შენს აქტიურობაზეა დამოკიდებული – რაც უფრო ხშირად გადაიხდი და საქართველოს ბანკის რამდენი პროდუქტითაც ისარგებლებ, მით უფრო მაღალი სტატუსი გექნება და შესაბამისად, სარგებელსაც მეტს მიიღებ.

დაფინანსების პროცენტი, როგორც ზემოთ აღვნიშნეთ, სტატუსის შესაბამისად განსხვავებულია, ასევე, განსხვავებულია საცხოვრებელი ადგილის მიხედვით. დეტალური ინფორმაციის ნახვა კი აქ შეგიძლია, სად და რომელ სტატუსზე რა ოდენობის დაფინანსება მოქმედებს.

არ გაჩერდე, გააგრძელე კითხვა