საქართველოდან წასულმა ემიგრანტებმა ყველაზე კარგად იციან, რომ სწორი ინფორმაცია ხშირად ბევრ რამეზე უფრო ღირებული შეიძლება აღმოჩნდეს. თუ შენც ემიგრანტი ხარ და ფინანსებთან დაკავშირებული საკითხები გაინტერესებს, ალბათ, გირჩევნია, რომ გადამოწმებული და ზუსტი ინფორმაცია პირდაპირ ბანკისგან მიიღო. სწორედ ამ მიზნით საქართველოს ბანკმა ფეისბუქის ჯგუფი, სახელად საქართველოს ბანკი ემიგრანტებისთვის, შემქმნა. შესაძლოა, ამ ჯგუფში ჯერ კიდევ არ გაწევრიანებულხარ, ამიტომ სტატიაში 5 მიზეზს გიზიარებთ, თუ რატომ უნდა შეუერთდე საქართველოს ბანკის ჯგუფს, რომელიც ქართველ ემიგრანტებს ინფორმაციის გაცვლაში ეხმარება.
პირდაპირი კომუნიკაცია ბანკთან გაქვს
ჯგუფში შენთვის საინტერესო საკითხის შესახებ, იქნება ეს სესხი, ფულის გადმორიცხვა და ა.შ., ნებისმიერი კითხვის დასმა შეგიძლია, რაზეც პირდაპირ საქართველოს ბანკი გიპასუხებს. ბანკთან პირდაპირი კომუნიკაციის მეშვეობით, შენთვის მნიშვნელოვან საკითხებზე პასუხებს სწრაფად გაიგებ და სამომავლო რჩევებსაც მიიღებ. თან შეგიძლია დარწმუნებული იყო, რომ ინფორმაცია ზუსტი და გადამოწმებულია. თუ უცხოეთიდან ბანკში დარეკვას ვერ ახერხებდი, ახლა სწორედ ამ გზით შეგიძლია, შენთვის სასურველი ინფორმაცია მიიღო.
კონფიდენციალურობა დაცულია
საქართველოს ბანკი ემიგრანტებისთვის დახურული ჯგუფია, რას იმას ნიშნავს, რომ შენ მიერ დასმულ შეკითხვას მხოლოდ ჯგუფის წევრები დაინახავენ. ემიგრანტებისთვის შექმნილ ჯგუფში კი, სწორედ სამშობლოდან წასული ადამიანები ემატებიან და მათთვის საინტერესო თემებზე ინფორმაციას იღებენ. გარდა ამისა, შენთვის ნებისმიერი საინტერესო შეკითხვა ჯგუფში ანონიმურადაც შეგიძლია დასვა, რაზეც საქართველოს ბანკი ზუსტი ინფორმაციას მოგაწვდის და რაც მთავარია, კონფიდენციალურობა დაცული იქნება.
საქართველოს ბანკის სიახლეებს ყოველთვის პირველი გაიგებ
ჯგუფში საქართველოს ბანკი პერიოდულად აზიარებს იმ სიახლეებს, რომლებიც უშუალოდ ემიგრანტების შესახებაა ან შენთვის საინტერესო შეიძლება იყოს. ასე რომ, სხვადასხვა ვებგვერდის ძიება აღარ მოგიწევს, რადგან მხოლოდ ჯგუფის დათვალიერებით ისეთ სიახლეებს გაეცნობი, როგორიც მაგალითად, ვალუტის კურსის შესახებ ინფორმაცია ან საპროცენტო განაკვეთის დაწევაა. ასევე, შეგიძლია დარწმუნებული იყო, რომ შენთვის მნიშვნელოვანი სიახლეები არ გამოგრჩება და ერთ-ერთი პირველი იქნები, ვისაც საქართველოს ბანკი ცვლილებების შესახებ შეატყობინებს.
კომუნიკაციას ნებისმიერი ქვეყნიდან შეძლებ
არ აქვს მნიშვნელობა, ამჟამად მსოფლიოს რომელ ქვეყანაში იმყოფები, რადგან საქართველოს ბანკის მიერ ემიგრანტებისთვის შექმნილი ჯგუფი სწორედ ადგილია, სადაც კითხვა ნებისმიერ დროსა და ნებისმიერი ადგილიდან შეგიძლია დასვა. საქართველოს ბანკი კი მაქსიმალურად სწრაფად ამომწურავ ინფორმაციას მოგაწოდებს. შენთვის საინტერესო თემაზე დამატებითი შეკითხვები კომენტარებში შეგიძლია დასვა ან საქართველოს ბანკის ფეისბუქის გვერდს პირადად მისწერო.
და ბოლოს, სხვა ემიგრანტების გამოცდილებას გაიზიარებ
ჯგუფში სხვა ემიგრანტების მიერ დასმულ შეკითხვებსაც შეგიძლია თვალი ადევნო. არ არის გამორიცხული, შენც და სხვა ემიგრანტებსაც მსგავსი საკითხები გაინტერესებდეთ, ხოლო ერთმანეთთან კომუნიკაციასა და გამოცდილების გაზიარებას ჯგუფის მეშვეობით მარტივად შეძლებთ. ჯგუფის წევრებთან არაფორმალური კომუნიკაციის ფარგლებში შენთვის საინტერესო თემების შესახებ მეტი დეტალის დაზუსტება შეგიძლია და ვინ იცის, იქნებ ახალი ემიგრანტი მეგობრები სწორედ საქართველოს ბანკის მიერ შექმნილ ჯგუფში იპოვო.
უკვე დიდი ხანია, რაც საქართველოს ბანკი ემიგრანტების საჭიროებებზე მაქსიმალურად ზრუნავს. გარდა ჯგუფის შექმნისა, საქართველოს ბანკი სხვადასხვა კამპანიისა და ვიდეორგოლების მეშვეობით ემიგრანტებისთვის მნიშვნელოვან თემებზე ხშირად აკეთებს აქცენტს. ემიგრანტებისთვის განკუთვნილ პრაქტიკულ რჩევებსა და საჭირო ინფორმაციას ამ ბმულზე შეგიძლია გაეცნო. ხოლო თუ საქართველოს ბანკის მიერ შექმნილი ემიგრანტების ჯგუფის წევრი ჯერ არ ხარ, ამ ბმულზე შეგიძლია გადახვიდე და შემოგვიერთდე.