ძალიან ცხელი და გრძელი ზაფხულიც მიიწურა და სასწავლო პერიოდიც მოახლოვდა. სექტემბრის დადგომისთანავე რაღაც ახლის და განსხვავებულის მოლოდინი იმატებს. სიახლეებისთვის კი არაფერი ქმნის ისეთ განწყობას, როგორც ახალი ნივთები. ეს ნივთები კი უმეტესად აურაცხელია და მათი შეძენა შესაბამის ფინანსებთანაცაა დაკავშირებული.
სწორედ ამიტომ საქართველოს ბანკი დამატებით აქციას გთავაზობთ: თუ 2-3 სექტემბერს ნაწილ-ნაწილ გადახდის მეთოდით საკანცელარიო, ტანსაცმლის, ფეხსაცმლის მაღაზიებსა და სხვა პარტნიორ ობიექტებში მინიმუმ 200 ლარის ნივთებს შეიძენთ, ანგარიშზე 50 ლარი დაგიბრუნდებათ. თანაც აუცილებელი არ არის, რომ ნივთები ერთ მაღაზიაში შეიძინოთ – ქეშბექი მოქმედებს აქციის პერიოდში ჯამურად გადახდილ თანხაზე.
ქვემოთ თქვენთან ერთად შევადგენთ იმ აუცილებელი ნივთების სიას, რომლებიც საყიდლებზე არ უნდა გამოგრჩეთ:
1. ზურგჩანთა
კომფორტული ჩანთა სკოლაში სიარულის მნიშვნელოვანი ნაწილია, ხშირად მოსწავლეებს ბევრი წიგნის და რვეულის ტარება უწევთ და სკოლა არც თუ ისე ახლოსაა სახლთან. თუ მძიმე ჩანთის ტარება განსაკუთრებით უჭირს მოსწავლეს, მაშინ შეგიძლიათ გორგოლაჭებიანი ჩანთა შეურჩიოთ.
2. რვეული
როგორც წესი, მოსწავლეები სასწავლო წლის დასაწყისში ახალ რვეულებს ყიდულობენ, ძველ, ნახევრად ცარიელ რვეულებს კი ივიწყებენ. ეს იმიტომ, რომ სექტემბერში ყველაფერი ახალი ფურცლიდან იწყება. რვეული იმ საგნებშიც სჭირდება მოსწავლეს, რომლებშიც დასაწერი დიდად არაფერია: უკანა ფურცლებზე შესრულებული ნახატები ხომ ერთი დიდი ხელოვნების ნიმუშია.
3. კალამი
მიუხედავად იმისა, რომ თანამედროვე გაჯეტების საშუალებით სულ უფრო იშვიათად გვიწევს ხელნაწერების გაკეთება, კალამი საგაკვეთილო პროცესის შეუცვლელი ატრიბუტია. პატარა ჩანაწერები ინფორმაციის დამახსოვრებასა და დახარისხებაში ეხმარება მოსწავლეებს. თუ ლექსიკონს ან კონსპექტს ფერადი კალმებით გააფორმებენ, მასალის დამახსოვრება კიდევ უფრო გაუმარტივდებათ.
4. ფერადი ფანქრები
ყველას ხატვის თანდაყოლილი ნიჭი, რა თქმა უნდა, ვერ ექნება, მაგრამ ხატვა ყველას შეუძლია. ხატვის პროცესი სტრესის, დაძაბულობის მოხსნაში გვეხმარება, დღეში 6-7 გაკვეთილი, კი დამეთანხმები, საკმაოდ სტრესულია. ხატვის პროცესში ცოტა ხნით ვწყდებით ვირტუალურ სამყაროს, რომელიც ჩვენი ყოველდღიურობის განუყრელი ნაწილია და რაღაც ხელშესახებზე ვკონცენტრირდებით. ამიტომ ფერადი ფანქრების ადგილი მოსწავლის ზურგჩანთაში ყოველთვის უნდა მოიძებნებოდეს.
5. სკეჩბუქი
ფერად ფანქრების გვერდით სკეჩბუქიც საჭიროა. სკეჩბუქში ჩანახატებთან ერთად, შესაძლებელია ფერადი ფურცლებით მოინიშნოს მნიშვნელოვანი ინფორმაცია, მაგალითად, სასკოლო ცხრილი. სასწავლო წლის ბოლოს შევსებული სკეჩბუქი ერთი დიდი მოგონებების წიგნია ხოლმე.
6. საშლელი
პატარა ფერადი საკანცელარიო ნივთები, იქნება ეს სათლელი, საშლელი თუ სახაზავი, ყოველთვის თან უნდა ჰქონდეს მოსწავლეს, რადგან არასდროს იცის ზუსტად, როდის შეიძლება დასჭირდეს.
7. პენალი
ამ ნივთების ორგანიზებისთვის კიდევ პენალია საჭირო, რათა საჭირო დროს, საჭირო ნივთს მარტივად მიაგნონ და არ დაკარგონ. კომპაქტურ და ფერად პენალებს კი მარტივად შეარჩევთ მათი გემოვნების მიხედვით.
8. სპორტული ფეხსაცმელი
სწავლისთვის საჭირო ნივთებთან ერთად არ უნდა დაგვავიწყდეს, რომ ახალ სასწავლო წელს კარადის ნაწილობრივ განახლება მაინც იქნება საჭირო. ჯერ ერთი, მოზარდებს ყველაზე მარტივად უცვდებათ ან უპატარავდებათ ძველი ტანსაცმელი, კომფორტული ფეხსაცმელი კი ისეთ სიტუაციებშიც აუცილებელია, როგორიცაა სპორტის გაკვეთილი.
9. საწვიმარი
შემოდგომის მოახლოებას არა მხოლოდ სწავლის დაწყება, არამედ ცაზე ღრუბლების თავშეყრაც ახლავს ხოლმე. სახლიდან სკოლამდე და უკანა გზაზე თქვენი უმცროსი ოჯახის წევრები თავსხმა წვიმას რომ გადაურჩნენ, საწვიმარი გაუმზადეთ, ოღონდ ფერი მათ აარჩევინეთ.
10. ქურთუკი
შემოდგომას თვალის დახამხამებაში ენაცვლება ზამთარი და ვერც კი ვასწრებთ გააზრებას, როდის გვჭირდება თბილი ტანსაცმლის გადმოლაგება. ამიტომ თადარიგი დაიჭირეთ და შეხვდით ცივ სეზონს მზად.
თუ ზაფხულის არდადეგებმა სასკოლო საყიდლებისთვის ფინანსები აღარ დაგიტოვათ, შეგიძლიათ საქართველოს ბანკის ნაწილ-ნაწილ გადახდის მეთოდს მიმართოთ. საქართველოს ბანკის პარტნიორ მაღაზიებში შეგიძლიათ სასურველი ნივთები ისე შეიძინოთ, რომ თანხა ზუსტად 4 თვეზე გადაანაწილოთ. ყველაზე მნიშვნელოვანი ის არის, რომ ნაწილ-ნაწილ გადახდაზე ეფექტური 0%-იანია, ანუ იხდით მხოლოდ ნივთის ღირებულებას და არცერთი თეთრით მეტს. მაღაზიების ჩამონათვალი საკმაოდ დიდია: ფეხსაცმლის, ტანსაცმლის, აქსესუარების, საკანცელარიო ნივთების თუ ტექნიკის მაღაზიები. სრულ ჩამონათვალს ამ ბმულზე იპოვით.
ამიტომ, წინასასკოლო შოპინგი სჯობს ახლავე დაიწყოთ და არ დაგავიწყდეთ, რომ საქართველოს ბანკის ტერმინალზე გადაიხადოთ.