როგორც საქართველოს ბანკმა, გადავწყვიტეთ შეგვეცვალა არსებული ბარათების დიზაინები და შეგვექმნა საქართველოს ბარათები, რომლებზეც მისი ფერები, უფრო სწორად მრავალფეროვნება იქნებოდა აღბეჭდილი.
პროექტის ფარგლებში ქართველ ფოტოგრაფებთან ერთად, საქართველოს ყველა რეგიონში გადაღებული 100-მდე ცა დავათვალიერეთ და ასე შევქმენით 15 უნიკალური გრაფიკული გრადიენტი, რომლებიც ბარათებზე გადმოვიტანეთ და გადავანაწილეთ:
თითოეული ფერი – თითოეული ბარათისთვის.
საოცარი შეგრძნებაა, როცა კონკრეტულ ადგილას, კონკრეტულ მომენტში ხედავ ფერთა გარდამავალ პალიტრას, რომელიც მეორედ აღარ განმეორდება. მომენტის დასაჭერად და მეხსიერებაში აღსაბეჭდად ბარათებს დავაწერეთ ფოტოს გადაღების ზუსტი დრო და ადგილი.
ამ პროექტმა მოგვცა შესაძლებლობა გვეჩვენებინა ის მრავალფეროვნება, რომელიც ყოველ დღე ჩვენს გარშემოა და… უბრალოდ დაკვირვება სჭირდება.