საქართველოს ბანკი, რომელიც მუდმივად განაგრძობს ინოვაციური მომსახურების / პროდუქტების დანერგვას, ქვეყნის მასშტაბით პირველი ბანკია, რომელიც SWIFT GPI-ში სრულად ჩაერთო.
SWIFT GPI გლობალური გადახდების ინოვაციური სისტემაა, რომელიც მსოფლიო მასშტაბით 3 500-ზე მეტ ბანკს აერთიანებს და მომხმარებელს საერთაშორისო სავალუტო ოპერაციების ახალ სტანდარტს სთავაზობს. აღნიშნული სტანდარტის მიხედვით ონლაინრეჟიმში ნებისმიერ დროსაა შესაძლებელი გადარიცხული / ჩარიცხული თანხების დინამიკის გადამოწმება და იმის გაგება, თუ რა ეტაპზეა კონკრეტული გადარიცხვა.
აღსანიშნავია, რომ აქამდე მონაწილე ბანკებისთვის ინფორმაცია ხელმისაწვდომი იყო მხოლოდ იმ შემთხვევაში, როდესაც მიმდინარე გადარიცხვა მათ სისტემაში ხვდებოდა.