სამშენებლო და სარემონტო სფერო სწრაფად ვითარდება – ჩნდება ინოვაციური ტექნოლოგიები, იხვეწება მუშაობის მეთოდები თუ მასალები. სწორედ ამიტომ, ამ სფეროში წარმატების მისაღწევად ბიზნესებს ტენდენციებზე ფეხის აწყობა და ახალი შესაძლებლობების აქტიურად ძიება სჭირდებათ.
სწორედ მათთვისაა სამშენებლო მასალების მასშტაბური, საერთაშორისო გამოფენა – Caucasus Build, რომელიც 30-ე წელია ტარდება. გამოფენა როგორც ადგილობრივ, ისე უცხოურ კომპანიებს, შესაძლებლობას აძლევს, გაეცნონ ბაზრის სიახლეებს, დაესწრონ საინტერესო თემატურ ღონისძიებებს და გაიცნონ თანამოაზრეები.
ღონისძიება საქართველოს ბანკის მხარდაჭერით ხორციელდება.
განავითარე შენი ბიზნესი CAUCASUS BUILD 2025-ზე
Caucasus Build 2025 წლის 25-27 აპრილს გაიმართება და საინტერესო გამოცდილება იქნება იმ მცირე და საშუალო ბიზნესისთვის, რომლებიც სამშენებლო/სარემონტო მასალების სექტორში მუშაობენ. გამოფენა გააერთიანებს დეველოპერებს, კომპანიებს, რომლებიც ინტერიერის/ექსტერიერის მასალებს ან ჭკვიანი სახლის მოწყობილობებს აწარმოებენ. ასევე, საინჟინრო და არქიტექურულ სერვისების მიმწოდებლებს თუ სამშენებლო ტექნიკისა და დანადგარების მწარმოებლებს.
Caucasus Build უნიკალური შესაძლებლობაა, ფართო აუდიტორიის წინაშე წარადგინოთ ინოვაციური პროდუქტები ან აღმოაჩინოთ საინტერესო კომპანიები. ამასთან, რაც ყველაზე მნიშნელოვანია — დაამყაროთ ახალი კავშირები.
რა დაგხვდებათ გამოფენაზე
გამოფენაზე გაიმართება პანელური დისკუსიები და კონფერენციები, სადაც დეველოპერები საკუთარ ცოდნასა და გამოცდილებას გააზიარებენ. ღონისძიებაში მონაწილეობას მიიღებენ გამორჩეული სპიკერები, ადგილობრივი და საერთაშორისო ბაზრის ტენდენციების შესახებ მიმოხილვებით.
გამოფენის ფარგლებში ჩატარდება ტექნიკური ვორკშოპი, რომელშიც სხვადასხვა კომპანია მიიღებს მონაწილეობას. ეს იქნება ინტერაქციული სივრცე, სადაც მონაწილე კომპანიები გამართავენ პრაქტიკულ დემონსტრაციებსა და ტრენინგებს – მასალების ადგილზე გატესტვით, მათი გამძლეობისა თუ ხარისხის შემოწმებით. ვორკშოპი შესაძლებლობას მისცემს ნებისმიერ დაინტერესებულ პირს, უშუალოდ ნახოს სხვადასხვა სამშენებლო თუ სარემონტო მასალის რეალური შესაძლებლობები, ამასთან, ჩაერთოს გათამაშებებში და მოიგოს პრიზები.
როგორ მოვხვდეთ გამოფენაზე
გამოფენა ექსპოჯორჯიას პავილიონებსა (4,5,6,11) და გარე სივრცეში მოეწყობა. კომპანიებს მონაწილეობის მიღება წინასწარი რეგისტრაციით შეუძლიათ. ამ ეტაპზე უკვე რეგისტრირებულია 120-მდე მონაწილე. სტუმრებისთვის კი გამოფენაზე დასწრება თავისუფალია.
გამოფენის შესახებ დამატებით დეტალებს შეგიძლიათ გაეცნოთ ვებგვერდზე – www.buildexpo.ge.