მომხმარებელთა საჭიროებებზე მორგებული ციფრული პროდუქტების შექმნა და მათი მუდმივი განვითარება საქართველოს ბანკის ერთ-ერთი მთავარი პრიორიტეტია. სწორედ ამ მიზნით, უწყვეტ რეჟიმში შევისწავლით მომხმარებლების მოთხოვნებსა და გამოცდილებას, რათა არსებული სერვისები გავაუმჯობესოთ და საუკეთესო საბანკო გადაწყვეტები შევთავაზოთ მომხმარებლებს. ამ ბლოგში შეხვდებით პროდუქტებსა და ფუნქციონალებს, რომლებსაც მარტის თვის განახლების შედეგად შეხვდებით მობილბანკში:
გადარიცხე მარტივად — მობილბანკის უახლეს ვერსიაში თანხის გადარიცხვა და კომუნალურების გადახდა უკვე პირდაპირ მთავარი გვერდიდან შეგიძლია. საკუთარ ანგარიშებს შორის გადარიცხვისას ღილაკზე ერთი დაჭერით ანგარიშები შეგიძლია შეაბრუნო, რაც ოპერაციას ბევრად აადვილებს. ხოლო თუ თანხას სხვას ურიცხავ, ვალუტა გადარიცხვის პროცესში შეგიძლია შეცვალო ისე, რომ ახალ გვერდზე გადასვლა არ დაგჭირდება.
აღმოაჩინე გადახდის განვადება — გქონია ისეთი შემთხვევა, როცა ნივთი შეიძინე, რამდენიმე დღის შემდეგ კი მიხვდი, რომ გადახდილი თანხა სხვა რამეში გჭირდება? თუ კი, ამიერიდან დიდი თუ მცირე შენაძენისას შეგიძლია მშვიდად იყო, რადგან მობილბანკს გადახდის განვადება დაემატა. გადახდის განვადება საშუალებას გაძლევს, ნივთში გადახდილი თანხა (200-5000 ლარის ფარგლებში) უკან დაიბრუნო სესხის სახით და 12 თვის განმავლობაში დაფარო. გადახდის განვადებით სარგებლობისას ეფექტური საპროცენტო განაკვეთი ლარში 19.8%-დან იწყება, წინსწრებისა და გაცემის საკომისიო კი 0%-ია.
შეცვალე სესხის გადახდის გრაფიკი — თუ მიმდინარე სესხი გაქვს ან ნაწილ-ნაწილს იხდი, გადახდის გრაფიკი უკვე მობილბანკიდან შეგიძლია შეცვალო. მაგალითად, თუ გინდა, გადახდის დღე ხელფასისას დაამთხვიო ან გაუთვალისწინებელი ხარჯების გამო ფინანსების ახლებურად გადანაწილება გსურს, ცვლილებების განხორციელება მარტივად შეგიძლია. ამისათვის კონკრეტული სესხის შიდა გვერდი უნდა გახსნა და დააჭირო ღილაკს “თარიღის შეცვლა”. აუცილებელია, რომ მიმდინარე გადახდის თარიღსა და ახალ თარიღს შორის მაქსიმუმ 2-კვირიანი შუალედი იყოს. ასევე, გაითვალისწინე, რომ თითოეული სესხისთვის გადახდის თარიღის ცვლილება მხოლოდ 2-ჯერ შეგიძლია.
აღადგინე Amex ბარათი მარტივად — თუ Amex-ის საკრედიტო ბარათი დაკარგე, დაგიზიანდა ან ვადა გაუვიდა, მისი აღდგენის მოთხოვნა ახლა პირდაპირ მობილბანკიდან შეგიძლია. ამიერიდან, ფილიალში მისვლა აღარ არის საჭირო, უბრალოდ მობილბანკის უახლესი ვერსია უნდა გახსნა და Amex ბარათის აღდგენის მოთხოვნა დააფიქსირო, ახალ ბარათს კი ძალიან მოკლე დროში მიიღებ.
მოიგე 5 000, 10 000 ლარი და PLUS ქულები — განახლებული მობილბანკით სარგებლობა არა მხოლოდ კომფორტული, არამედ მომგებიანიც გახდა. საგაზაფხულო კამპანიის ფარგლებში, 10 მარტიდან 10 მაისის ჩათვლით შანსი გაქვს მიიღო PLUS ქულები და დასაჩუქრდე 5 000 ან 10 000 ლარით. კამპანიაში მონაწილეობისთვის უნდა აირჩიო ერთ-ერთი პროდუქტი ან სერვისი: გახსნა ანაბარი, შეიძინო სამოგზაურო დაზღვევა, დააზღვიო ქონება და ა.შ. კამპანიის შესახებ დეტალურ ინფორმაციას აქ ნახავ.
თუ სულ ახალი მობილბანკით გინდა ისარგებლო, აპლიკაციის გადმოწერას/განახლებას მარტივად შეძლებ Play Store-იდან და App Store-იდან, ამისათვის საჭიროა მოძებნო Bank Of Georgia და პროცესს მიჰყვე.