და აი, ლიდერატორი ისევ იწყება! საქართველოს ბანკის შექმნილი პროგრამა, რომელიც საუკეთესო ტალანტების მოზიდვასა და მათ კარიერულ განვითარებას ისახავს მიზნად, ბრუნდება. პროექტში, რომელიც 2017 წლიდან ხორციელდება, ასობით ახალგაზრდამ მიიღო მონაწილეობა, მათმა 78%-მა კი პროგრამის დასრულების შემდეგ კარიერა საქართველოს ბანკშივე, ქვეყნის წამყვან ფინანსურ და ტექნოლოგიურ კორპორაციაში, გააგრძელა.
რიგით მე-9 ლიდერატორი სხვადასხვა მიმართულების 12 პროგრამას მოიცავს. პროექტში ჩართვა შეუძლიათ საბაკალავრო საფეხურის მე-3 და მე-4 კურსის სტუდენტებს, ან ახალკურსდამთავრებულებს. შერჩეულ კანდიდატებს ექნებათ უნიკალური შესაძლებლობა, რვა თვის განმავლობაში შეიძინონ თეორიული და პრაქტიკული ცოდნა, აუცილებელი უნარ-ჩვევები, გაიარონ ტრენინგები დარგის საუკეთესო სპეციალისტებთან და იმუშაონ მათთვის საინტერესო პროექტებზე მენტორთან ერთად. ეს ყველაფერი სწავლასთანაც შეთავსებადია. რაც მთავარია, ლიდერატორის შეუცვლელი პრინციპი როტაციული წესით დასაქმებაა, ეს კი პროექტის მონაწილეებს საშუალებას აძლევს, სასურველი პროგრამის სხვადასხვა მიმართულებით მოსინჯონ საკუთარი ძალები.
როგორც ვთქვით, ლიდერატორების ძიება უკვე დაიწყო! სასურველი პროგრამების ნახვა და რეგისტრაციის გავლა ვებგვერდზე შეგიძლია. შერჩევის პროცესში ჩვენც დაგეხმარებით და ამჯერად ფინანსებისა და ბანკინგის მიმართულებით შემოთავაზებულ პროგრამებს გაგაცნობთ.
კორპორაციული და საინვესტიციო ბანკინგი
თუკი დიდი კორპორაციების ფინანსური ანალიზი, საბანკო მომსახურების მთავარი პრინციპები ან ინვესტიციები გაინტერესებს, ეს საშენო პროგრამა ყოფილა. აქ შეხება გექნება კორპორაციულ კლიენტებთან ურთიერთობასთან, პროექტების მომზადებასთან და სხვა საინტერესო დავალებებთან.
როტაციული პრინციპით, თანაბარ დროს დაყოფ სამ სხვადასხვა დეპარტამენტში. პირველი კორპორაციული გაყიდვების მიმართულებაა, სადაც კორპორაციული კლიენტების საჭიროებების კვლევა მოგიწევს და საბანკო პროდუქტების მომზადების, მათ შორის, საკრედიტო პორტფელის მართვის პროცესშიც ჩაერთვები.
შემდეგი მიმართულება კორპორაციული ანალიტიკაა, რომელიც, სახელიდანაც მიხვდები, პროექტების ანალიტიკაზე კონცენტრირდება. აქ საკრედიტო განაცხადების დამუშავებას, კომპანიის ფინანსური მდგომარეობის შესწავლასა და ანალიზს ისწავლი.
მესამე განყოფილება კი საინვესტიციო ბანკინგია, სადაც Galt & Taggart-ის შიდა სამზარეულოში შეიხედავ და ინვესტიციების მიმართულებით საბანკო მომსახურების ყველა სახის პროექტში ჩაერთვები.
საბოლოოდ, პროგრამა ბევრ გამოსადეგ უნარს შეგძენს, მათ შორისაა ანალიზი და კრიტიკული აზროვნება, მოლაპარაკებების წარმოება, გუნდური მუშაობა, ცვალებად გარემოსთან ადაპტაცია და სხვა. პროგრამის შესახებ მეტის გასაგებად და რეგისტრაციის გასავლელად ეწვიე ვებგვერდს.
მცირე და საშუალო ბიზნესის ბანკინგი
თუ მცირე და საშუალო (SME) ბიზნესის საბანკო მომსახურების სრული ციკლი – ბანკირების, ანალიტიკოსების და რისკ-მენეჯერების თანამშრომლობლობის პროცესი გაინტერესებს, რომელიც საბოლოოდ მცირე და საშუალო ზომის კომპანიებისა და ეკონომიკის განვითარების ხელშეწყობაზეა ორიენტირებული, მაშინ ამ პროგრამაზე უნდა შეაჩერო არჩევანი. ეს პროგრამა ბიზნესის სრულ საბანკო მომსახურებას მოიცავს და შენც სწავლებისაა და სამუშაო პრაქტიკის გავლა სამი სხვადასხვა მიმართულებით მოგიწევს.
პირველი საშუალო ბიზნესის გაყიდვებია. ეს მიმართულება კლიენტების მოზიდვაზე, სამუშაო შეხვედრების ორგანიზებაზე და სხვადასხვა პროექტის მართვაზეა პასუხისმგებელი. შენ კი უფრო ახლოს გაიცნობ SME სექტორისთვის განკუთვნილ საბანკო პროდუქტებს და მათ განვითარებაზეც იზრუნებ.
რაც შეეხება მომდევნო მიმართულებას, ეს SME ანალიტიკაა, რომელიც მცირე და საშუალო ბიზნესების საკრედიტო პროექტების ანალიზსა და შეფასებას ითვალისწინებს. ამისათვის შენ მოდელირებისა და საკრედიტო განაცხადების მომზადების პროცესში ჩაერთვები.
აი, მესამე მიმართულება კი SME რისკებია, სადაც უკვე რისკების შეფასებისა და გადაწყვეტილების შესაბამისად მიღების პროცესის მონაწილე გახდები. ამისათვის შენ გამოცდილ ანალიტიკოსებთან და ბანკირებთან ითანამშრომლებ.
შედეგად, პროგრამა რისკების მართვას, ფინანსურ ანალიტიკას, შეფასებას, მოდელირებას, პრეზენტირებას და ბევრ სხვა გამოსადეგ უნარს განგივითარებს. უფრო მეტის გასაგებად და რეგისტრაციის გასავლელად კი ეწვიე ვებგვერდს.
პრემიუმ ბანკინგი და საბროკერო საქმე
ეს პროგრამა უფრო მათთვისაა განკუთვნილი, ვინც მაღალშემოსავლიანი მომხმარებლების საბანკო მომსახურებითაა დაინტერესებული: ისეთი საქმით, როგორიც, მაგალითად, ქონების მართვა და საბროკერო სერვისია. როტაცია აქაც სამ მიმართულებას მოიცავს.
პირველი დაგროვილი ქონების მართვის (WM) კლიენტების ონბორდინგისა და ურთიერთობათა სამსახურია. სახელი კია დიდი, მაგრამ საქმიანობა მეტად საინტერესო და მრავალფეროვანია: კლიენტებთან ურთიერთობის დამყარება, პერსონალიზებული მომსახურება, მოლაპარაკებების წარმოება და სხვა.
Galt & Taggart-თან შეხება ამ პროგრამაზეც მოგიწევს, ოღონდ აქ საბროკერო მიმართულებით. ახლოს გაიცნობ ფასიანი ქაღალდების ყიდვა-გაყიდვის პროცესებს, ისწავლი საერთაშორისო ფინანსური ბაზრების რეგულარულ ანალიზს და რეპორტების მომზადებასაც დაეუფლები.
მესამე გაჩერება კი გლობალური საბანკო ბიზნეს ურთიერთობების სამსახურია, რომლის საქმიანობა უცხოურ და ადგილობრივ ფინანსურ ინსტიტუტებთან ურთიერთობას ითვალისწინებს. ბაზრის ანალიზი და რეპორტების შედგენა ამ მიმართულების თანხმლები საქმეცაა, მაგრამ ამასთან საერთაშორისო სადეპოზიტო სერტიფიკატების მომზადებაში, საპენსიო ფონდთან და სხვა ფინანსურ ინსტიტუტებთან კომუნიკაციაშიც აქტიურად ჩაერთვები.
ყველგან გამოსადეგ უნარ-ჩვევებთან ერთად კი, პროგრამა დარგის სპეციფიკურ ცოდნას მოგცემს. უფრო მეტს კვლავაც ვებგვერდზე გაიგებ, სადაც რეგისტრაციის ფორმაც დაგხვდება.
ფინანსური აუდიტი და შიდა კონტროლი
აი, ეს პროგრამა კი განსაკუთრებით მათ დააინტერესებს, ვისაც დიდი კორპორაციების შიდა კონტროლის მექანიზმებზე მეტის გაგება სურს. მაგალითად, რა არის და როგორ ხორციელდება ფინანსური აუდიტი, საოპერაციო რეპორტინგის წარმოება და რეგულაციებთან შესაბამისობის დადგენა. თანაც, ამ ყველაფერს უშუალოდ საქართველოს ბანკის, ქვეყნის ერთ-ერთი უმსხვილესი ფინანსური ინსტიტუტის, მაგალითზე, ისწავლი.
წინა პროგრამებისგან განსხვავებით, აქ როტაცია ორ სამსახურს მოიცავს. პირველი ფინანსური ანგარიშგების შიდა კონტროლის დეპარტამენტია. აქ ჩაერთვები ისეთ საინტერესო პროცესებში, როგორიცაა ფინანსური ანგარიშგება, IT კონტროლების დიზაინი, ბიზნეს პროცესების ეფექტურობისა და რისკების შეფასება.
მეორე დეპარტამენტი კი ფინანსური აუდიტია. აქ ბანკის ფინანსური მონაცემებისა და მასთან დაკავშირებული პროცესების აუდიტთან გექნება შეხება. ეს საკმაოდ კომპლექსური პროცესი მოიცავს ინტერვიუებს, ანალიზს, სხვადასხვა სახის ინფორმაციის შესწავლას და ამ ყველაფრის საფუძველზე დასკვნის მომზადებას.
საბოლოოდ, შენ აუდიტის სპეციფიკა, ყველა სათანადო სტანდარტის დაცვით მუშაობა, ინფორმაციის დოკუმენტირება და კიდევ არაერთი გამოსადეგი რამ გეცოდინება. პროგრამაზე მეტს კი ვებგვერდზე გაიგებ.
ფინანსური რისკების და ხაზინის მართვა
ეს ფინანსებისა და ბანკინგის მიმართულებით ბოლო პროგრამაა და მისით აუცილებლად დაინტერესდები, თუკი ფინანსური რისკების მართვა, სახაზინო ოპერაციები და ამ ყველაფერთან დაკავშირებული პროცესები გაინტერესებს. პროგრამა აქაც ორ დეპარტამენტში როტაციას მოიცავს.
კაპიტალის ადეკვატურობისა და ფინანსური რისკების მართვის სამსახური პირველი გაჩერებაა. ამ დეპარტამენტში ორგანიზაციული რისკების მართვას, ფინანსური რისკების მონიტორინგსა და ანალიზს ისწავლი, გაიცნობ რისკების შესაფასებელ ძირითად ინდიკატორებს და ფინანსური მოდელების სტრუქტურას.
მეორე მიმართულება ხაზინაა, რომლის საქმიანობაც მოიცავს ვალუტის გაცვლას, ფულადი ბაზრის ოპერაციებს, ფასიანი ქაღალდებით ვაჭრობას და სხვა. აქვე გაიცნობ სახაზინო ოპერაციების მუშაობის სისტემებს. საბოლოოდ, პროგრამის დასრულების შემდეგ, სრულყოფილად გექნება ათვისებული სავალუტო, ფულადი ბაზრისა და სახაზინო ოპერაციები. პროგრამაზე სხვა ინფორმაციას ვებგვერდიდან შეიტყობ.
__________
ლიდერატორი, რა თქმა უნდა, მხოლოდ ამ პროგრამებს არ მოიცავს — დანარჩენ მიმართულებებზე უფრო დეტალურად სხვა ბლოგებში მოგიყვებით. შენ კი იჩქარე, გაგზავნე განაცხადი მაქსიმუმ სამ პროგრამაზე და გახდი ლიდერატორი!