ზაფხულის მოსვლასთან ერთად კარადაში ჭრელ-ჭრელი ტანსაცმლის გადმოლაგების დრო დგება, რადგან ტემპერატურის მატების პროპორციულად იმატებს ჩვენს განწყობაში დადებითობის მაჩვენებელი.
თუმცა ხანდახან, განსაკუთრებით დიდ ქალაქში, ყოველდღიური რუტინა, საცობები, უმოძრაო ჰაერი და პაპანაქება სიცხე მშვიდად ამოსუნთქვის საშუალებას არ გვაძლევს.
სწორედ ამიტომ კახეთი იდეალური ადგილია, სადაც შეიძლება ერთდროულად დატკბე ბუნებით, გემრიელი სამზარეულოთი და იდეალური დასასვენებელი ადგილებით. ქვემოთ რამდენიმე ასეთი ალტერნატივის შესახებ გიამბობთ:
1. Wald Hotel Lagodekhi
ეს სასტუმრო შუაგულ ნაკრძალში მდებარეობს და უნიკალურია თავისი ადგილმდებარეობით: სასტუმროს ნებისმიერი ოთახიდან ხედი ლაგოდეხის დაცულ ტერიტორიებზე იშლება.
Wald Hotel-ის რესტორანი ადგილზე მოყვანილ, ბიოპროდუქტებით დამზადებულ კერძებს სთავაზობს სტუმრებს. აქვეა მათი შოკოლატერიაც – სასტუმრო საკუთარ შოკოლადს აწარმოებს (მათ შორის შოკოლადის ჩურჩხელას), ქართულ, ეკოლოგიურად სუფთა ბიოჩაის, ადგილობრივად მოყვანილ ხილს, ბაღჩეულსა და ბოსტნეულს.
კერძების დაგემოვნებას რომ მორჩებით, შეგიძლიათ კახეთის მზის გულზე, შუაგულ ნაკრძალში ღია აუზის ქვეშ გაირუჯოთ.
არ დაგავიწყდეთ ნაკრძალში გასეირნება, რომელიც თქვენი ოთახიდან სულ რაღაც ორ ნაბიჯშია! გაისეირნეთ ჩანჩქერამდე, კავკასიონის ჰაერი ჩაისუნთქეთ, შეაგროვეთ სოკოები ან სულაც დაგეგმეთ საცხენოსნო ტური შავი კლდეების ტბაზე, ტურისტული ბაზაც ხომ ზუსტად ვალდ ჰოტელის წინაა!
გარდა ამისა, სასტუმრო ადგილზევე გთავაზობთ სხვადასხვა ვორქშოპს:
• შოკოლადის კეთების მასტერკლასი;
• კახური შოთის მასტერკლასი;
• ხეზე კვეთის მასტერკლასი.
2. ამბასადორი კაჭრეთი
მოდით, ახლა კაჭრეთში ვიმოგზაუროთ, თბილისიდან სულ რაღაც 1 საათის გზაზე, რაც ძალიან მნიშვნელოვანია, რადგან მგზავრობისგან დაღლილს ნამდვილად არ გეყოფოდათ ენერგია ამბასადორი კაჭრეთის მრავალფეროვანი აქტივობებით დაკავებულიყავით.
სასტუმროს აუზისა და სტანდარტული სერვისების გარდა გოლფის, ტენისის, ფრენბურთის, ლიცენზირებული ტირის, ბოულინგის, ცხენზე ჯირითის, კალათბურთის, ფეხბურთის, სპორტული სივრცეებისა და ტრენაჟორების სივრცეებითაც ისიამოვნებთ!
აქვე შეძლებთ ისარგებლოთ პრემიუმ სპა და საუნითაც. მოკლედ ამბასადორში გართობასა და განტვირთვას აუცილებლად შეათავსებთ.
3. ახაშენის ღვინის კურორტი და სპა
მზე, აუზი ცოცხალი მუსიკა, კახური ღვინო, იქნებ კარაოკესაც გაუთამამდეთ – უკვე ჩაგესმათ ზაფხულის საამო ჰანგები?
ახაშენის ღვინის კურორტზე, როგორც სახელი გეუბნებათ, ადგილობრივი ვენახის ღვინოს დააგემოვნებთ და გარდა ამისა, ქართულ-ევროპული გასტრონომიულ თავგადასავალშიც აღმოჩნდებით.
ოთახის ფანჯრიდან ყოველი გახედვისას კავკასიონისა და ახაშენის ვენახების ხედით დატკბებით და ჯადოსნურ განწყობასაც თუნდაც მარტო ბუნების შუაგულში ყოფნით გამოწვეული სიმყუდროვე შეგიქმნით.
ახაშენის ტერიტორიაზე სეირნობით რომ მოიოხებთ გულთ, არ დაგავიწყდეთ ღია და დახურულ აუზებს, სპასა და საუნასაც ესტუმროთ,
4. ზუზუმბო
მოგზაურობა ჯერ არ დაგვისრულებია, მოდით, ახლა თელავში, ზუზუმბოში გადავინაცვლოთ!
ზუზუმბოს კომპლექსში სხვადასხვა კონცეფციის ნომრები დაგხვდებათ, რომლებიც შუაგულ ფიჭვნარშია განთავსებული, თავად კომპლექსი კი რვასართულიან მთავარ შენობასა და მის გვერდით არსებულ 10 კოტეჯს მოიცავს.
ზუზუმბოს კომპლექსი გასართობი აქტივობების მრავალფეროვნებას გთავაზობთ, მათ შორის მაგიდის ჩოგბურთს, შუაგულ ფიჭვნარში ჩაფლულ საბილიარდოსა და სხვა!
წარმოიდგინეთ, ნატურალური ხის სურნელი, სიმშვიდე და ულამაზესი ტყის ხედი: აქვე შეგიძლიათ დატკბეთ სამკურნალო ჰავით, ფიჭვისა და ნაძვის ყვავილობით.
5. შატო მერე
შატო მერე თელავთან ახლოს, თბილისიდან სულ რაღაც 90 კილომეტრში მდებარეობს.
ალბათ, არაერთხელ გინახავთ შატო მერეს ქვისგან ნაგები გალავნიანი ფოტო, კოშკებითა და ხის აივნებით, საიდანაც კავკასიონის მთებისა და ალაზნის ველის თვალწარმტაცი ხედი იშლება.
კომპლექსი სამ რესტორანს, ორ ღია აუზსა და ღვინის მარანს აერთიანებს.
პერსონალური სომელიე თქვენთვის სასურველ ღვინოს გირჩევთ, თქვენ კი
შუამთის ტყის პირა ჰავით ტკბებით.
სასტუმროში დარჩენისას კახეთის მრავალი ღირსშესანიშნაობის მონახულება შეგიძლიათ, მაგალითად: ალავერდის მონასტერი, გრემის მონასტერი, მეფე ერეკლეს სასახლე თელავში, ალექსანდრე ჭავჭავაძის სახლ-მუზეუმი და სხვა.
შატო მერეს უნიკალური ლანდშაფტი, სუფთა ჰაერი, კახური სამზარეულო, ექსკლუზიური ღვინოები გამოარჩევს, რაც თქვენს იქ გატარებულ თითოეულ წუთს დაუვიწყრად აქცევს.
თუ ჯერ შვებულება არ დაგიგეგმავთ ან ფინანსები არ გყოფნით ქალაქიდან თუნდაც რამდენიმე დღიანი გასვლისთვის, არ იფიქროთ, რომ თქვენი მოგზაურობა აქ სრულდება!
ზემოთ აღწერილი ადგილების საუკეთესო ნაწილი ისაა, რომ ერთ-ერთ მათგანში დასვენება სრულიად უფასოდ შეგიძლიათ. დიახ, არ მოგესმათ: bogpay.ge-ზე პირველი აგვისტოდან ნებისმიერი ქართული ბანკის Mastercard-ით გადახდისას ყოველი მე-200 მომხმარებელს სპეციალური TRAVEL BOX გადაეცემა, რომელიც მოიცავს მოგზაურობისთვის აუცილებელ ნივთებს და სასტუმროს ვაუჩერს 2 ადამიანზე 2 ღამით. ამავდროულად, Mastercard-ით გადახდისას კომუნალურ გადასახადებს საკომისიოს გარეშე დაფარავთ.
უფრო ვრცლად გაიგეთ ამ ბმულზე.