სახლი, განსაკუთრებით კი მისი დიზაინი, ბევრ რამეზე მეტყველებს – ზუსტად გამოხატავს იმ ადამიანს შინაგან სამყაროს, ვინც მის კედლებში ცხოვრობს. სახლი რომ განსაკუთრებული და ჩაუნაცვლებელი ადგილია ნებისმიერი ადამიანისთვის, ამაზე ყველა ვთანხმდებით, თუმცა განსხვდება ჩვენი გემოვნება – იდეები, თუ როგორი წარმოგვიდგენია ის. წლებთან ერთად, გვიჩნდება სახლის განახლების და შეცვლის სურვილიც.
ხშირად, საფუძვლიანი რემონტი პრობლემატურ და მოსაბეზრებელ მოვლენასთან ასოცირდება, თუმცა ზედაპირული, კოსმეტიკური რემონტი და ბინაში ახალი შტრიხების შეტანა, ძალიან სასიამოვნო გამოცდილებად შეიძლება იქცეს. გეძლევათ შესაძლებლობა, მაქსიმალურად თავისუფლად გამოიყენოთ ფანტაზია და თქვენი საცხოვრებელი უნიკალურ ადგილად აქციოთ, ამაში კი თანამედროვე ტენდენციების ცოდნა დაგეხმარებათ.

ნათელი ფერები
ინტერიერის დიზაინში ტენდენციები მუდმივად იცვლება. ყველა სეზონს თავისებური სიახლე მოაქვს. წლევანდელი, 2024 წლის გაზაფხული-ზაფხულის ინტერიერის დიზაინი საკმაოდ მსუბუქი და თავისუფალია. ხშირად გვხვდება ვინტაჟური, ბოტანიკური ან ორნამენტებიანი პრინტები, რომლებიც ბუნებრივი და ღია ფერებით გამოირჩევიან. იქიდან გამომდინარე, რომ ეს სეზონი ახალი სიცოცხლის დაწყებასთან, გამოღვიძებასთან და ენერგიულობასთან ასოცრიდება, ფერებიც შესაბამისია – ნათელი, პასტელური. ხშირია ყვითელი და თბილი ყავისფერი.
ღია სივრცეები
დიდი უპირატესობა ენიჭება ღია სივრცეებს, შესაბამისად, ხშირად შევხვდებით დიდ, ნათელ ფანჯრებსა და შუშის კარებს. განსაკუთრებული გულდასმით აივნების, ტერასებისა და ეზოების მოწყობაა მნიშნელოვანი, რადგან ზაფხულის დღეებს ყველაზე ხშირად სწორედ იქ ვატარებთ. წლევანდელ დიზაინებში, ხშირად იშლება ზღვარი გარე და შიდა სივრცეებს შორის – სასადილო მაგიდასა და მოსასვენებელ სივრცეს აივანზე ან ეზოში ვხვდებით, ინტერიერში კი მეტი სიმწვანე და მცენარეებია შემოტანილი.
მატერიალები და დეტალები
მატერიალებიდანაც მეტი ყურადღება ბუნებრივ მასალებს ეთმობა – ხეს, ბამბას, შალს.
მარმარილო და სხვა ბუნებრივი ქვებიც არასდროს კარგავენ აქტუალურობას და წელსაც ხშირად შევხვდებით ტრენდულ დიზაინებში – ყავის მაგიდებისა თუ სხვა ზედაპირების მთავარ კომპონენტად. გარდა ამისა, არ უნდა დაგვავიწყდეს პატარა დეტალებზე ფოკუსირება. დიზაინერები ხშირად აღნიშნავენ ხელნაკეთი, გამორჩეული ნივთების მნიშნელობას, იქნება ეს კერამიკა თუ რაიმე სხვა დეკორატიული ან
ფუნქციური ნივთი. საყვარელი ხელოვანის მიერ შექმნილი ნაკეთობა, რომლსაც ინდივიდუალური ხასიათი გააჩია, მეტ სიცოცხლესა და უნიკალურობას შესძენს თქვენს სახლს.
ზემოთჩამოთვლილი ტრენდები მხოლოდ ზოგად სურათს თუ შეგიქმნით თანამედროვე ინტერიერის დიზაინზე, საბოლოო გადაწყვეტილების მიღება კი მაინც თქვენზეა დამოკიდებული – თქვენს იდეებსა და გემოვნებაზე, რომელიც სახლს მეტ იდენტობას შესძენს და კიდევ უფრო ძვირფას ადგილად გადააქცევს. ამ პროცესის მთავარი ხიბლიც ხომ სწორედ ესაა – თავადვე შექმნათ თქვენი უნიკალური და მყუდრო გარემო.

იპოთეკური სესხი რემონტისთვის
SOLO-ს მომხმარებლებისთვის რემონტის ეს ქაოსური პროცესი ბევრად გამარტივებულია. თუ ახლა აპირებთ სახლის ყიდვას ან უკვე არსებულის განახლებას და რემონტს გეგმავთ, შეგიძლიათ იპოთეკური სესხით ისარგებლოთ. თქვენზე მორგებული პირობებით, ეტაპობრივად შეძლებთ რემონტისა და სხვა საჭირო ხარჯების დაფარვას. შესაბამისად, თქვენი ცხოვრების ახალი ეტაპიც მშვიდად და კომფორტულად ჩაივლის.