LIYA ქალის თანამედროვე სამოსის ხაზია, რომლის მიზანი მფლობელის ინდივიდუალურობისა და უნიკალური სტილის წარმოჩენაა. ბრენდი 2017 წელს შეიქმნა და მისი კოლექციები თავიდანვე მოიცავდა ტანსაცმლისა და სამკაულის კომბინაციას. ბრენდის ერთ-ერთ სავიზიტო ბარათად LIYA-ს დამახასიათებელი ნაქსოვი სახელოები იქცა, რომლებიც სეზონების განმავლობაში არ კარგავს აქტუალობას.
LIYA-ს სამკაულის ხაზი პირველივე დღიდან პოპულარული გახდა საერთაშორისო ბაზარზე. ამის მიზეზი დამახასიათებელი დიზაინი და ის მინერალური ქვებია, რომლებიც მინანქართან ერთად არის კოლექციებში გამოყენებული.
ბრენდს აქვს კოლაბორაციების გამოცდილება მოდის ინფლუენსერებთან, როგორებიცაა: Maja Malnar, Joana Sanz. ასევე ბრენდი – LIYA x KASHKASH
LIYA-ს შექმნას წინ საბავშვო სამოსის ხაზი InkyGold უსწრებდა, რომელიც ლია გოგლიძემ 2014 წელს დააარსა.
“ეს ძალიან საინტერესო პერიოდი იყო, რომელიც რადიკალურად განსხვავდებოდა ქალის სამოსის შექმნის პროცესისგან და განსხვავებულ გამოწვევებს გვისახავდა”, − ამბობს ლია. “ბევრი მომხმარებელი გვთხოვდა შეგვექმნა იდენტური მოდელები დედებისა და შვილებისთვის, რამაც ორგანულად მოგვიყვანა ქალის სამოსის წარმოებამდე”.
მიუხედავად ამისა, ბრენდის საბოლოო ჩამოყალიბება შეუძლებელი იქნებოდა LIYA-ს თანადამფუძნებლის, ანუკა მჭედლიშვილის გარეშე, რადგან სწორედ მან შექმნა სამოქმედო გეგმა და ლიას ესკიზები რეალობად აქცია.
LIYA-ს სამკაულების კოლექციას, რომელიც ექსკლუზიურად SOLO Boutique-სთვის შეიქმნა, საფუძვლად ოკეანე და მის ზედაპირზე ოქროსფრად მოელვარე მზის სხივების ინსპირაცია დაედო. კოლექციაში ფართოდ არის გამოყენებული მინერალური ქვა “Lapis Lazuli”, რომელიც ლურჯი შეფერილობის კრისტალია და ატარებს სიმშვიდის, პოზიტიური ენერგიისა და საკუთარი თავის რწმენის ენერგეტიკას.
მოოქროვილ სამკაულებში ასევე შეხვდებით ასიმეტრიულ, ბუნებრივ ფორმებსა და დაუმუშავებელ მარგალიტს, რომელსაც იდეალური თემატური შტრიხი შეაქვს კოლექციაში. სიმბოლურია, რომ კოლექციის ფერთა გამა ემთხვევა SOLO-ს ძირითად ფერებს. კოლექცია შედგება 7 ერთეულისგან, რომლებთაგანაც 6 საყურე, ხოლო 1 ყელსაბამია. ხელნაკეთი სამკაულები დამზადებულია თბილისში და გამოყენებულია მოოქროვილი თითბერი, როემლიც დაფარულია ანტიალერგიული ლაქით.
შეძენა შეგიძლიათ ჭავჭავაძის, ყაზბეგის #24 და ბათუმის SOLO ლაუნჯებში, ან ონლაინ