საქართველოში ღია ბანკინგის პირველი ეტაპი ოფიციალურად ამოქმედდა. ეს ნიშნავს, რომ საფინანსო სექტორი სრულიად ახალ ეტაპზე გადადის და რაც ყველაზე მთავარია, მომხმარებელს უახლოეს მომავალში ცვლილებების მთელი სერია ელოდება. გლობალიზაციამ და ინტერნეტით ადამიანების დაკავშირებამ, ფაქტობრივად ყველანაირი ბარიერი წაშალა და ინფორმაციის მიწოდება გაამარტივა. თამამად შეგვიძლია ვთქვათ, რომ Open Banking-ის ამოქმედება დაახლოებით იდენტურ შედეგებს მოგვცემს, ოღონდ უკვე საფინანსო სექტორში.
დღეიდან ბანკებს ერთმანეთში ფინანსური ინფორმაციის გაზიარების ვალდებულება აქვთ, რაც იმას ნიშნავს, რომ მომხმარებელი საკუთარ ფინანსებს ერთ სივრცეში გააკონტროლებს. აღარ დაგჭირდებათ ერთდროულად რამდენიმე ინტერნეტ ბანკის ჩამოწერა და ყველა ოპერაციას ერთი აპლიკაცია შეითავსებს.
21-ე საუკუნის მომხმარებლის ძირითადი მოთხოვნები შემდეგია: სერვისის სწრაფად მიღების სურვილი, მაქსიმალურად მასზე მორგებული პროდუქტის მოთხოვნილება და მინიმალური შეფერხება. ღია ბანკინგის ამოქმედება სწორედ ამ სურვილების დაკმაყოფილებისკენ იქნება მიმართული. ეს ბანკებს საშუალებას მისცემს არამხოლოდ საკუთარი, არამედ სხვა საფინანსო ინსტიტუტებისგან მიწოდებული ინფორმაციაც გამოიყენონ და ისეთი პროდუქტი შექმნან, რომელიც თქვენზე იქნება მორგებული.
დღეს თითქმის ყველა ტექ.გიგანტი იყენებს ე.წ Customer obsession მეთოდს, რაც ინფორმაციის დამუშავებას და ანალიტიკას მოიცავს. ფინტეკები და ბანკები Data-ს დიდი ხანია ამუშავებენ და არსებული პროდუქტები სწორედ მათი „დამსახურებით“ იქმნება, თუმცა ახლა მსგავსი ტიპის ინფორმაციის მასშტაბი მნიშნველოვნად იზრდება, რაც ახალ შესაძლებლობებს და კონკურენციის გაზრდას ნიშნავს, ამ ყველაფერს კი მხოლოდ ერთი გამარჯვებული – მომხმარებელი ეყოლება.
რაც ყველაზე მთავარია, ეს Open Banking-ის მხოლოდ პირველი ეტაპია. უკვე მომავალი წლისთვის ინფორმაციაზე წვდომა ფინტეკებსაც ექნებათ. ღია ბანკინგის ევროპულ და ამერიკულ გამოცდილებაზე დაყრდნობით შეგვიძლია ვთქვათ, რომ ამით აუცილებლად გაიზრდება ფინტეკების რაოდენობა და ფინანსური სერვისებიც გაცილებით მრავალფეროვანი გახდება. გაჩნდება ახალი იდეები, შემცირდება ბარიერები და ბაზარი გაცილებით უფრო კონკურენტული გახდება.
ღია ბანკინგი უკვე ამოქმედებულია, მისით სარგებლობისთვის აუცილებელია აპლიკაციის განახლება, დეტალური ინსტრუქციისთვის კი აუცილებელია გადახვიდეთ ბმულზე.