იცოდით, რომ თბილისში წელს პირველად გაიმართება ჯანმრთელობაზე ზრუნვის სამიტი? ხანდახან იმდენად ჩართულები ვართ ყოველდღიური ცხოვრების ქაოსში, გვავიწყდება მთავარი – ჯანმრთელობა და მასზე ზრუნვა. გადადებული გეგმური კვლევები, ორშაბათს ვერდაწყებული ჯანსაღი კვება და ვარჯიში, თერაპიებისთვის ვერგამოძებნილი რამდენიმე საათი, არასაკმარისი ძილი და უამრავი სხვა რამ, რაც ჩვენი ყოველდღიურობის ნაწილია, თუმცა ვერასდროს იმსახურებს ჩვენს სათანადო ყურადღებას.
პირველად საქართველოში სიცოცხლით სავსე ბრენდის, ვიანის ორგანიზებით 14 და 15 ოქტომბერს ჯანმრთელობაზე ზრუნვის სამიტი გაიმართება, სადაც სფეროს წამყვანი ექსპერტები დაგხვდებიან. სამიტის გენერალური სპონსორია SOLO.
და მაინც, რატომ უნდა დაესწროთ სამიტს?
1. დარგის ექსპერტები ყველასთვის გასაგებ ენაზე ახსნიან ყველაზე მნიშვნელოვან თემებს
თუ გსურთ, საკუთარი მენტალური და ფიზიკური ჯანმრთელობის შესახებ უფრო მეტი რამ გაიგოთ, მაგრამ თანამედროვე ინფორმაციის ზღვაში თქვენთვის საჭირო და სანდო ინფორმაციის მოძიება გიჭირთ, ეს სამიტი ზუსტად თქვენთვისაა. რა კავშირშია ერთმანეთთან ნუტრიცია, ფიზიკური აქტივობა და მენტალური ჯანმრთელობა – ამ და სხვა კითხვებზე პასუხებს სწორედ ამ უნიკალურ სამიტზე იპოვით.
2. შესაძლებლობა გექნებათ, არა მხოლოდ მოუსმინოთ დარგის ექსპერტებს, არამედ მათთან ერთად ჩაერთოთ ვორქშოპებში და დავალებები შეასრულოთ
ხომ იცით, თეორია არაფერს ნიშნავს, თუ პრაქტიკაში არ გამოიყენებ, ამიტომ სამიტი გაძლევთ შესაძლებლობას, ექსპერტებთან და დამსწრე აუდიტორიასთან ერთად სამუშაო ვორქშოფებში ჩაერთოთ, დასვათ კითხვები, მონაწილეობა მიიღოთ პლენარულ დისკუსიებში და ყველა საინტერესო დეტალი პირადად საკუთარ თავზე გამოცადოთ.
3. გაიზიარებთ კეთილდღეობის თანამედროვე მიდგომებსა და პრაქტიკებს
შესაბამის გამოცდილებებზე დაყრდნობით კიდევ ერთხელ ვეცდებით იმის გადააზრებას, რომ მენტალურ ჯანმრთელობაზე ზრუნვა მხოლოდ ფსიქოლოგიური პრობლემების მოგვარებით არ შემოიფარგლება – ეს ერთგვარი ცხოვრების წესი, ჩვევები და ყოველდღიურობაა, რომელიც რუტინაში ყალიბდება. თუ განსხვავებულ, კომპეტენტურ აზრებს სიამოვნებით მოისმენდით და საერთაშორისო კვლევების საინტერესო მიგნებებს გაეცნობოდით – მაშინ გელოდებით სამიტზე.
ამ სამი ძირითადი მიზეზის გარდა, სამიტი დამატებით გაძლევთ შესაძლებლობას, გაიცნოთ ახალი, საინტერესო ადამიანები, მიიღოთ პასუხები ყველა დასმულ კითხვაზე და რაც მთავარია, დარწმუნდეთ, რომ თქვენი კეთილდღეობისთვის მენტალურ ჯანმრთელობაზე ზრუნვა ისეთივე აუცილებელი და მნიშვნელოვანია, როგორც ფიზიკურზე.
ვიანის ჯანმრთელობაზე ზრუნვის სამიტი, რომლის გენერალური სპონსორია SOLO, 14-15 ოქტომბერს გაიმართება Stamba-სა და Rooms Hotel Lab-ში. დასასწრები ბილეთების შეძენა ამ ბმულზე შეგიძლიათ.