შემოდგომა ღვინის სეზონია. სხვა არცერთ სეზონს ისე არ უხდება ღვინის არომატი, როგორც ცხელი ზაფხულის შემდეგ დამდგარ პირველ გრილ საღამოებს. ერთი შეხედვით, ღვინო მარტივი პროდუქტია – მხოლოდ ყურძენია მისი მთავარი და ერთადერთი ინგრედიენტი, თუმცა ღვინის გემო და მრავალფეროვნება ამოუწურავია – სხვადასხვა ჯიშებისა და მისი კომბინაციების, დაყენების თავისებურებების, კლიმატური პირობების, დაძველებისა თუ ბევრი სხვა წვრილმანის გათვალისწინებით, თითოეული სახეობის ღვინოს უნიკალური გემო და არომატი აქვს.
ახალი სეზონის დადგომასთან ერთად, SOLO ბუტიკი მუდმივად სთავაზობს თავის მომხმარებელს განახლებულ, ექსკლუზიურ ასორტიმენტს. ამჯერად ბუტიკს ორი გამორჩეული ღვინო დაემატა – ავსტრიული და ფრანგული ბრენდები, რომლებიც საუკუნოვანი ტრადიციებითა და უმაღლესი ხარისხის ღვინით გამოირჩევიან. მათი განსაკუთრებული თვისებების, დამზადების სპეციფიკისა და ისტორიის შესახებ ღვინის ექსპერტი – ირაკლი მგალობლიშვილი უფრო დეტალურად გვიყვება.
Chateau Rochebelle – ღვინის მამული საფრანგეთში
შატო როშბელის საოჯახო მეღვინეობა სენტ-ემილიონის რეგიონში, საფრანგეთში მდებარეობს. მამული 1847 წელს დაარსდა და თავდაპირველად ქვისმჭრელ მუშას – მარსიალ მუსკინს ეკუთვნოდა. პირველი მსოფლიო ომის დროს, ვენახი მის შვილიშვილს ერგო მემკვიდრეობით, რომელიც მარტო გაუძღვა საქმიანობას, მოგვიანებით კი, ქონება თავის ორ ვაჟს გადასცა. წლებისა და თაობების ცვლასთან ერთად, იზრდებოდა და იხვეწებოდა ღვინის ხარისხიც, თუმცა, დიდი გამოცდილების მიუხედავად, შატო როშბელი მაინც მცირე, საოჯახო ბიზნესად დარჩა. მათი მარანი განთავსებულია ყოფილ ქვის კარიერში, სადაც იდეალური პირობებია ღვინის დასავარგებლად.
Grand cru Classe
Grand Cru არის ტერმინი, რომელიც ღვინის უმაღლესი ხარისხის განსაზღვრისთვის გამოიყენება. სტატუსი 1855 წელს, პარიზის მსოფლიო გამოფენის დროს დამკვიდრდა ნაპოლეონ III-ის მოთხოვნით. სწორედ ეს უმაღლესი სტატუსი აქვს მინიჭებული Chateau Rochebelle-ის ღვინოს – Grand cru Classe-ს, რომელიც კირქვის პლატოზე გაშენებული 45 წლის ვენახიდან არის დამზადებული და ფრანგულ მუხის კასრებშია ვარგდება 18 თვის განმავლობაში. მიუხედავად საერთაშორისოდ აღიარებული, პრესტიჟული სტატუსისა, Chateau Rochebelle ყოველწლიურად საკმაოდ მცირე რაოდენობის ბოთლს აწარმოებს.
Schloss Gobelsburg – ღვინის მამული ავსტრიაში
Schloss Gobelsburg, რომელიც კამპტალის რეგიონში მდებარეობს, ერთ-ერთი უძველესი ციხე და მეღვინეობაა ავსტრიაში. ადგილობრივმა ბერებმა ღვინის დაყენება ჯერ კიდევ მეთორმეტე საუკუნეში დაიწყეს და მას შემდეგ ეს მიწა ავსტრიული ღვინის მთავარ კერად იქცა. 1740-დან 1996 წლამდე ციხეს 19 სხვადასხვა ოჯახი ფლობდა. 1996 წლიდან კი, სასახლეს მიხაელ მოსბრუგერგი მართავს და თავადვე უძღვება ისტორიულ ვენახსა და მეღვინეობას. SOLO ბუტიკში Schloss Gobelsburg-ის სამი სახეობის ღვინის შეძენას შეძლებთ.
LANGENLOIS Kamptal Grüner Veltliner
გრუნერ ველტლინერი ავსტრიის ეროვნული, ყველაზე გავრცელებული და პოპულარული ყურძენია. სწორედ ამ ყურძნითაა დამზადებული LANGENLOIS, რომელიც ავსტრიული ტრადიციული ღვინის შესანიშნავი და განსაკუთრებით სახასიათო ნიმუშია. მას აქვს მკვეთრი მჟავიანობა, ცოცხალი ხასიათი და არომატების ფართო სპექტრი, რომელიც მოიცავს თეთრ ხილს, მწვანე ვაშლს, ციტრუსებს და თეთრ წიწაკას. ეს ღვინო განსაკუთრებით უხდება მსუბუქ კერძებს, როგორიცაა სალათები, თევზი და ზღვის პროდუქტები.
ZÖBING |Kamptal | Riesling
Schloss Gobelsburg-ისთვის კიდევ ერთი მნიშვნელოვანი ყურძენი, ავსტრიაში საყოველთაოდ განთქმული ჯიში – რისლინგია. ამ ჯიშის ყურძენს სამხრეთისკენ მიმართულ, ტერასულ ვენახებზე ახარებენ – იმ ადგილებში, სადაც მაქსიმალურად ხვდება მზის სხივები, რადგან მზე განსაკუთრებით მნიშვნელოვანია გვიან მწიფებადი ისეთი ყურძნის ჯიშებისთვის, როგორიც რისლინგია. ღვინო გამოირჩევა ინტენსიური ხილისა და სანელებლების არომატებით, მაღალი მჟავიანობით, საკმაოდ კომპლექსური და სტრუქტურული დაბოლოებით. შესანიშნავად ეხამება ცხიმიან კერძებს და აზიურ სამზარეულოს.
TRADITION Heritage
განსაკუთრებით საინტერესოა Schloss Gobelsburg-ის კიდევ ერთი ღვინის – TRADITION Heritage-ის შექმნის ისტორია. ღვინო პირველად ფრანზ ჟოზეფ I-ის 50 წლის იუბილეს მიუძღვნეს. სასმელი 3 წლის განმავლობაში მზადდებოდა და კასრიდან კასრში გადატანის პროცესში ბუნებრივად იწმინდებოდა ფილტრაციის გარეშე. 3 წლიანი დავარგების შედეგად არომატები თავისთავად გარდაიქმნება და ღვინო მეტად კომპლექსური და დახვეწილი ხდება. Schloss Gobelsburg დღემდე ამ პირვანდელი ტრადიციით ამზადებს TRADITION Heritage-ს და აცოცხლებს იმ გემოს, რომელიც საუკუნეების წინ შეიქმნა ავსტრიის ისტორიულ მამულში.
SOLO თავის მომხმარებლებს აძლევს შესაძლებლობას, ეს და ნებისმიერი ზემოთჩამოთვლილი ექსკლუზიური ღვინო SOLO ბუტიკში შეიძინონ. დამატებითი ინფორმაციისთვის შეგიძლიათ ეწვიოთ ვებგვერდს და თავად დაათვალიეროთ სრული ასორტიმენტი.