მოგზაურობა არის დასვენება, განტვირთვა, გართობა და ყოველდღიური საფიქრალისგან ცოტა ხნით დისტანცირება. ამასთანავე, მოგზაურობა არის ახალი კულტურის გაცნობა, ღირსშესანიშნაობების დათვალიერება, განსხვავებული ადგილების აღმოჩენა, სამზარეულოს დაგემოვნება და საინტერესო აქტივობებით დაკავება – სწორედ ასეთ უცხო, გამორჩეულ და მრავალფეროვან მოგზაურობას გთავაზობთ SOLO სამხრეთ ამერიკის ორ ყველაზე ეგზოტიკურ ადგილას – ბრაზილიასა და არგენტინაში. თანაც მწერალ არჩილ ქიქოძესთან ერთად.
ამ ტურში ბოლომდე აღმოაჩენთ და შეიგრძნობთ ნამდვილ სამხრეთ ამერიკას. მოგზაურობის პერიოდი 2024 წლის 8 იანვრიდან 18 იანვარია, ამ დღეების განმავლობაში კი შესაძლებლობა გექნებათ, მოინახულოთ:
Ricoleta, La Boca
რიკოლეტას უბანი და ლა ბოკა ბუენოს აირესში პოპულარული ტურისტული უბნებია, რომლებიც ქალაქის სავიზიტო ბარათად ითვლება. რიკოლეტას უბანში არქიტექტურული შედევრების დათვალიერებასა და სასახლეების ნახვას შეძლებთ, ლა ბოკა კი ქალაქის ფერადი და ჭრელი ადგილია, ეს კი ყველაზე მეტად არის ავთენტური სამხრეთ ამერიკისთვის.
Boca Juniors, River Plate
სამხრეთ ამერიკელები ფეხბურთის განსაკუთრებული მოყვარულები არიან, შესაბამისად, მათ ქალაქებში ბევრგან შეხვდებით სტადიონებს, რომლებიც არანაკლებ პოპულარული ატრაქციაა ტურისტებისთვის. ამ ტურში საშუალება გექნებათ, მოინახულოთ ბუენოს აირესის ორი დიდი სტადიონი – Boca Juniors და River Plate.
Sendero Laguna Nimez
ტურის ფარგლებში ეწვევით ქალაქ ელ-კალაფატეს, სადაც გაისეირნებთ პარკ Sendero Laguna Nimez-ში, აქ მრავალი სახის ფრინველს შეხვდებით, დააკვირდებით, ასევე, ნახავთ პარკის მთავარ მშვენებებს – ვარდისფერ ფლამინგოებს.
Los Glaciares
მყინვარების ნაციონალური პარკი Los Glaciares არგენტინის ერთ-ერთი პოპულარული დანიშნულებაა. რა თქმა უნდა, ტური მის ნახვასაც მოიცავს – აქ გელოდებათ კრუიზი, რომლითაც მოინახულებთ უმსხვილეს მყინვარებს, ასევე, შეძლებთ ერთ-ერთ მყინვარზე ასვლას, სეირნობას და ზღაპრული ხედებით ტკბობას.
Puerto Iguazú
ამ ტურში თქვენს განსაკუთრებულ სიყვარულს დაიმსახურებს იგუასუ, სადაც მრავალი თავგადასავალი და აქტივობა გელოდებათ. აქ ყოფნისას მოინახულებთ არგენტინის მხარეს იგუასუს ულამაზეს ჩანჩქერს, რომელიც თქვენზე წარუშლელ შთაბეჭდილებას მოახდენს. ეს ჩანჩქერი არა მარტო სამხრეთ ამერიკაში, არამედ მსოფლიოში ერთ-ერთი ყველაზე პოპულარული ადგილია, რომელიც ნამდვილად არ ჰგავს რეალურს და ობიექტურად იმსახურებს ეპითეტს – ზღაპრული.
გარდა ამისა, ნახავთ ნაციონალური პარკის ღირსშესანიშნაობებს – საშუალება გექნებათ, გაეცნოთ ჩანჩქერის სისტემას და იმოგზაუროთ ჯუნგლებში ფერადი მატარებლით იგუასუს ერთ-ერთ შთამბეჭდავ პუნქტთან – Devil’s Throat-თან.
ეს ყველაფერი არ არის – ტურის დროს მოინახულებთ იგუასუს ჩანჩქერის ბრაზილიურ მხარესაც, ასევე, სუბტროპიკული ნაკრძალის გავლით ნახავთ ჩანჩქერების შთამბეჭდავ პანორამულ ხედებს, მოინახულებთ ჩიტების პარკს.
იგუასუში ყოფნისას თქვენ გელოდებათ ინტერაქციული კულინარიული ვახშამი და მატე-ჩაის ცერემონიალი.
Cristo Redentor
რა თქმა უნდა, სამხრეთ ამერიკა წარმოუდგენელია რიოს გარეშე. ტურის ფარგლებში იმოგზაურებთ ღვთაებრივ რიო-დე-ჟანეიროში, სადაც, გიდთან ერთად ინდივიდუალური ექსკურსია გელოდებათ, პირველი კი, რა თქმა უნდა, რიოს სავიზიტო ბარათს – ქრისტეს ქანდაკებას მოინახულებთ. ალბათ, არ არსებობს ადამიანი, ვისაც ამ ქანდაკების ნახვაზე არ უოცნებია და არ წარმოუდგენია, როგორ გადმოხედავს ქანდაკების ტერიტორიიდან ულამაზეს ქალაქს.
Pão de Açúcar, Escadaria Selarón, Pedra Bonita
რიოს ტურისტული ატრაქციები ქრისტეს ქანდაკებით არ სრულდება. ქალაქია სავსეა საინტერესო და მრავალფეროვანი ადგილებით, მათ შორისაა შაქრისთავა მთა, სელარონის კიბე და პედრა ბონიტას მთა. მოგზაურობის დროს ყველა ამ პოპულარულ ადგილს მოინახულებთ და დატკბებით რიოს ქუჩებითა და ზღაპრული ხედებით.
ქალაქებში, სადაც ამ დღეების განმავლობაში დარჩებით, დაბინავდებით გამორჩეულ და პოპულარულ სასტუმროებში, რომლებიც მაქსიმალურად თქვენს კომფორტზე იქნება ორიენტირებული. ისაუზმებთ, ისადილებთ და ივახშმებთ ისტორიულ და განსაკუთრებულ კაფე-რესტორნებში, დაესწრებით შოუებსა და საინტერესო ღონისძიებებს.
ეს იქნება მოგზაურობა, რომელიც არასდროს დაგავიწყდებათ, რადგან იქნება სავსე სიახლეებითა და თავგადასავლებით, ახალი კულტურის აღმოჩენით, საინტერესო ხალხის გაცნობითა და, რა თქმა უნდა, დიდი დოზით დასვენებით.
ტურის შესახებ დეტალური ინფორმაცია შეგიძლიათ გაიგოთ ამ ბმულზე.