სახლი, სადაც დროის დიდ ნაწილს ვატარებთ და ნივთები, რომელთაც ვყიდულობთ, ხშირად ჩვენს პიროვნებასა და ინდივიდუალურობაზე მეტყველებს. სწორედ ამიტომ ვცდილობთ, დიდი ყურადღებით მოვეკიდოთ ისეთ საკითხებს, როგორებიცაა სახლის მოწყობა, აქსესუარების შერჩევა და საჩუქრების შეძენა ჩვენი საყვარელი ადამიანებისთვის. ამ მხრივ, თანამედროვე ხელოვნების მოყვარულებს განსაკუთრებით გაუმრთლათ, რადგან SOLO ბუტიკს ამერიკული აქსესუარების ბრენდი MoMAექსკლუზიურად დაემატა.
თანამედროვე ხელოვნების მუზეუმის, MoMA-ს, ისტორია ჯერ კიდევ 1920-იან წლებში დაიწყო, როცა სამმა ქალმა — ები როკფელერმა, ლილი ბლისმა და მერი ქუინ სალივანმა გადაწყვიტეს, ისეთი სივრცე შეექმნათ, რომელიც მთლიანად თანამედროვე ხელოვნებას მიეძღვნებოდა. მუზეუმის გახსნიდან, 1929 წლიდან, დღემდე MoMA-ს პოპულარულობა და გავლენა გამუდმებით იზრდება.
თანამედროვე ხელოვნების მუზეუმი ნიუ-იორკში სულ რაღაც 8 პრინტითა და 1 ნახატით გაიხსნა, დღეს კი დაახლოებით 200 000 ექსპონატს ითვლის. აქ შეხვდებით ფერწერულ ტილოებს, ნახატებს, სკულპტურებს, წიგნებს, პრინტებს, ფოტოებს, არქიტექტურულ ნამუშევრებს, ფილმებს, ინსტალაციებსა და ფაქტობრივად ყველაფერს, რითიც ამა თუ იმ ხელოვანმა თავისი სათქმელის დამთვალიერებლამდე მიტანა სცადა.
კრეატიულობა, ტოლერანტობა, გულუხვობა და ღიაობა — სწორედ ამ ღირებულებებით ხელმძღვანელობს MoMAდა თავის სივრცეს უთმობს ნებისმიერ ადამიანს, ნებისმიერ იდეასა თუ გამოწვევას, რომელიც თანამედროვე სამყაროსთვის მნიშვნელოვანი და რელევანტურია. MoMA-ში მისული დამთვალიერებლები ყოველ ჯერზე განსხვავებული გამოცდილებებითა და შთაბეჭდილებებით ბრუნდებიან, რადგან გამოფენები დროსთან, მსოფლიოსთან, არტისტებთან და თავად ხელოვნებასთან ერთად გამუდმებით იცვლება და ვითარდება.
MoMA-ში ნაკლებად ცნობილთან ერთად მსოფლიოში აღიარებული ხელოვანების ნამუშევრებიც გამოფენილა. მაგალითად, აქ ნახავთ ვან გოგის “ვარსკვლავებიან ღამეს”, სალვადორ დალის “რბილ საათებს”, რენე მაგრიტის “შეყვარებულებს”, ფრიდა კალოს ერთ-ერთ ავტოპორტრეტსა და სხვა ცნობილი შედევრებს. საყვარელი ხელოვანების შედევრებით ტკბობასთან ერთად კი ახალი არტისტების, ნამუშევრების, მიმდინარეობებისა და იდეების აღმოჩენასაც შეძლებთ.
თამამად შეიძლება ითქვას, რომ დღეს MoMA თანამედროვე ხელოვნების ყველაზე მნიშვნელოვანი მუზეუმია. დროთა განმავლობაში, მუზეუმის პოპულარულობასთან ერთად, დამთვალიერებლებს იმის სურვილიც გაუჩნდათ, რომ თანამედროვე ხელოვანების ნამუშევრების შთაგონებით შექმნილი ნივთები შეეძინათ, რათა ხელოვნება მათი სახლისა და ცხოვრების განუყოფელი ნაწილი გამხდარიყო. სწორედ ამიტომ 1989 წელს MoMA-ს მაღაზიაც გაიხსნა.
MoMA-ს მაღაზიაში მისულ ადამიანებს გამორჩეული არტისტების შემოქმედებით შთაგონებული ავეჯი, დეკორაციები, აქსესუარები და სხვა ნივთები დახვდებათ. MoMAStore-ში ყველაფერი განსაკუთრებული ყურადღებითა და გულისხმიერებითაა შერჩეული: თითოეულმა ნივთმა მუზეუმის 8 კრიტერიუმი უნდა დააკმაყოფილოს, შემდეგ კი კურატორების დეპარტამენტის მოწონებაც დაიმსახუროს. მხოლოდ ამის შემდეგ აღმოჩნდება კონკრეტული ნივთი მაღაზიაში, შემდეგ კი მყიდველის სახლში ან სასაჩუქრე შეფუთვაში.
MoMA Store-ის საგულდაგულოდ შერჩეული ნივთები აქამდე ხელმისაწვდომი მხოლოდ ნიუ-იორკში, იაპონიასა და ჩინეთში იყო, თუმცა ამიერიდან ხელოვნების მოყვარულებს MoMA-ს საუცხოო ნამუშევრების შეძენა ექსკლუზიურად SOLO ბუტიკშიც შეეძლებათ.
SOLO ბუტიკში სტუმრობისას შესაძლებლობა გექნებათ, დაათვალიეროთ და შეარჩიოთ ყველასაგან განსხვავებული და გამორჩეული ნამუშევრები. აქ საჭირო, საინტერესო თუ საოცნებო ნივთს ნებისმიერი ასაკისა და გემოვნების ადამიანი იპოვის. თუ საახალწლოდ საკუთარი თავისთვის ან საყვარელი ადამიანებისთვის დასამახსოვრებელ საჩუქარს ეძებთ, MoMA Store-ის ავეჯი და საახალწლო აქსესუარები სწორედ ისაა, რაც გჭირდებათ. თითოეული ნივთი, რომელსაც SOLO ბუტიკში ნახავთ, ხელოვნებას თქვენი ყოველდღიურობის განუყოფელ ნაწილად აქცევს. კატალოგი შეგიძლიათ იხილოთ ამ ბმულზე.