რემონტის დასრულება ძალიან სასიამოვნო პროცესია, რადგან ახალ, შენს გემოვნებაზე მორგებულ სახლში იწყებ ცხოვრებას. სანამ დასრულებამდე მიხვალ, ეს გზა არც ისე მარტივია – ბევრი რემონტს ტრავმასაც კი ადარებს. ეს ასე რომ არ მოხდეს, მნიშვნელოვანია, სხვების ჩადენილი შეცდომები გაითვალისწინო და ყველაფერი სწორად განსაზღვრო, ამით გაუფრთხილდები შენს დროს, ფულსა და ნერვებს.
გთავაზობთ ყველაზე გავრცელებულ რამდენიმე შეცდომას, რისი გათვალისწინებაც სახლის გარემონტების პროცესს გაგიმარტივებს.
არარეალური ბიუჯეტი
როცა რემონტის გაკეთებას გადავწყვეტთ, რა თქმა უნდა, პირველ რიგში ბიუჯეტი უნდა განვსაზღვროთ. პირველ შეცდომას კი სწორედ აქ ვუშვებთ. თითქმის შეუძლებელია წინასწარ იმის ზუსტად განსაზღვრა, რა დაჯდება ერთი ოთახის ან მთლიანად სახლის რემონტი. ამიტომ, თუ რჩევებს დავუჯერებთ, უმჯობესია, რემონტისთვის გადადო განსაზღვრულ თანხაზე 20%-ით მეტი. ასეთ შემთხვევაში, გაუთვალისწინებელ ხარჯებს თავიდან აირიდებ. იმისთვის, რომ მშვიდად დაგეგმო რემონტი, შეგიძლია მარტივად შეამოწმო შენი საკრედიტო შესაძლებლობები ონლაინ და ზუსტად იცოდე, საჭიროების შემთხვევაში რა თანხაა შენთვის ხელმისაწვდომი.
ნაკლები აქცენტი უსაფრთხოებაზე
რემონტის კეთებისას აუცილებლად უნდა გაითვალისწინო უსაფრთხოების საკითხი. მნიშვნელოვანია, ყურადღება მიაქციო, რომ ხარისხიანად დამონტაჟდეს ელექტრობა, გაზი და წყალგაყვანილობა, იატაკი სწორად დაიგოს, რადგან ერთი უმნიშვნელო შეცდომაც და რემონტის ხელახლა გაკეთება მოგიწევს.
იაფი მასალების ყიდვა
რემონტი ძალიან ხარჯიანი პროცესია და ბევრი ადამიანი ცდილობს, ფული მაქსიმალურად დაზოგოს, რაც შეცდომაა. მნიშვნელოვანია, რომ აირჩიო ხარისხიანი და გამძლე მასალები. ეს, შესაძლოა, უფრო ძვირი დაგიჯდეს, ვიდრე იაფად შეძენილი მასალებით გაკეთებული რემონტი, თუმცა, ხარისხიანი მასალების შეძენა თავიდან აგარიდებს ყოველწლიურ შეკეთებებს და გაუთვალისწინებელ ხარჯებს.
რემონტის პროცესის სხვისთვის სრულად გადაბარება
რემონტი ფულთან ერთად ბევრ დროსა და დიდ ენერგიას მოითხოვს, რაც ბევრ ადამიანს დღეს არ აქვს. ამიტომ ბევრს ურჩევნია, ადამიანი ან ჯგუფი დაიქირაოს და პროცესი სრულად მათ გადააბაროს. ეს ცალსახად ცუდი არ არის, თუმცა, მნიშვნელოვანია, ყველა პროცესში თავადაც ჩაერთო. ყოველი შემთხვევისთვის გადაამოწმო ყველა ეტაპი და დასვა ნებისმიერი შეკითხვა, თუნდაც ეს სასაცილოდ მოგეჩვენოს. დარწმუნდი, რომ ჯგუფს სწორედ ესმის, რისი გაკეთება გსურს.
ხელოსნების სწრაფად შერჩევა
გარდა იმისა, რომ პროცესში მაქსიმალურად უნდა ჩაერთო, უმნიშვნელოვანესია, სწორად შეარჩიო ადამიანები, ვისაც ამ საქმეს ჩააბარებ. არ იჩქარო. სანამ კონკრეტულ ჯგუფს შეარჩევ, მათზე ინფორმაცია მოიძიე, იპოვე წინა დამკვეთები და ჰკითხე მათ, რამდენად კმაყოფილები არიან. ხელოსანთა ჯგუფს შერჩევამდე დეტალურად გაესაუბრე, რას და როგორ გააკეთებენ, რამდენი დრო დასჭირდებათ. დარწმუნდი, რომ ისინი სწორად გაანაწილებენ დროს და უმნიშვნელოვანესი – არ შეიწირავენ შენს ნერვებს.
ტექნიკის დამონტაჟება რემონტის დასრულებამდე
როგორც წესი, ტექნიკას რემონტის დაწყებისთანავე ვარჩევთ, თუმცა, ძალიან მნიშვნელოვანია, ტექნიკა შეარჩიო, მაგრამ არ დაამონტაჟო. როგორც ზემოთ ვახსენეთ, რემონტის დროს ბევრი გაუთვალისწინებელი რამ ხდება, ამიტომ უმჯობესია, ტექნიკისთვის ადგილი წინასწარ განსაზღვრო, მაგრამ დაამონტაჟო რემონტის დასრულების შემდეგ – ასე თავს აარიდებ ტექნიკის დაზიანებას ან თუნდაც მის დასვრას სარემონტო მასალებით.
იმედი გვაქვს, ეს რჩევები შენთვის რემონტის პროცესს ნაკლებად სტრესულს გახდის, ხოლო თუ მთელ პროცესში ფინანსური დახმარება გჭირდება, ნებისმიერ დროს შეგიძლია საქართველოს ბანკის იპოთეკური სესხით ისარგებლო.
იმ შემთხვევაში, თუ ბინის შეძენას გეგმავ, ასეთ დროსაც შეგიძლია აიღო საქართველოს ბანკში შენზე მორგებული პირობებით იპოთეკური სესხი. ბანკის თანამშრომელთან კომუნიკაციის გარეშე შეგიძლია ეწვიო საქართველოს ბანკის ვებგვერდზე იპოთეკური სესხის კატეგორიას და კალკულატორის გამოყენებით ნახო, საჭირო თანხის მიხედვით, რამდენ თვეზე რამდენის გადახდა მოგიწევს, შენს ლიმიტს კი ამავე ვებგვერდზე, რამდენიმე წუთში გაიგებ. ეფექტური ლარში: 15,2%-დან.