5 რამ, რაც Fabrika Alternative Book Market-ზე არ უნდა გამოგრჩეს

წიგნების სამყაროში მოგზაურობა და ლიტერატურული აღმოჩენები შენთვის თუ იდეალური შაბათ-კვირის გეგმას ჰგავს, მაშინ ფაბრიკას Alternative Book Market-ს აუცილებლად უნდა დაესწრო. საქართველოს ბანკის მხარდაჭერით, 21-22 სექტემბერს ფაბრიკა პირველ Alternative Book Market-ს უმასპინძლებს, სადაც საინტერესო, უნიკალური და მრავალფეროვანი ბეჭდური ნამუშევრები იქნება წარმოდგენილი. ხელოვნება, ლიტერატურა, ფოტოგრაფია, მუსიკა, საყვარელი ფილმები და სერიალები —ჩამოთვლილთაგან შენთვის საინტერესო მიმართულებით Alternative Book Market-ზე წიგნებიც დაგხვდება და თანამედროვე ბეჭდური ხელოვნების ნიმუშებსაც შეიძენ.

Alternative Book Market-ზე შესაძლებლობა გექნება, საქართველოში მოღვაწე დამოუკიდებელი, მცირე ზომის და დამწყები გამომცემლობები აღმოაჩინო, რომლებიც განსხვავებულ და უნიკალურ ბეჭდურ პროდუქციას ქმნიან. Alternative Book Market-ის დაწყებამდე კი რამდენიმე ასეთ გამომცემლობას გაგაცნობთ, რომელთა სტენდებს ბაზრობაზე გულგრილად ვერ ჩაუვლი.

თუ მუშაობის ან კითხვის პროცესში ჩანაწერების გაკეთება გიყვარს და უპირატესობას ვიზუალურად დახვეწილ რვეულებს, ბლოკნოტებს და სხვა ხელნაკეთ ნივთებს ანიჭებ, Maculature-ს შექმნილი დიზაინები ნახვისთანავე მოგეწონება. Maculature-ს ბეჭდვითი მასალები და ხელნაკეთი ნივთები მოდერნისტული დიზაინით ინსპირირებული უნიკალური ნამუშევრებია, რომლებიც შენს სამუშაო მაგიდას თუ ყოველდღიურობას დახვეწილობასა და ელეგანტურობას შემატებს.

BOOKS AND SUCH-ის სტენდს თუ თვალს შეავლებ, დარწმუნებული იყავი, რომ სახლში ხელცარიელი ვერ დაბრუნდები, რადგან წიგნის მაღაზია მრავალფეროვან ლიტერატურას გვთავაზობს. ხელოვნების, მუსიკის, სპორტის, ანიმეს, ისტორიის, სერიალებისა და ფილმების მოყვარულები თქვენთვის საინტერესო წიგნებს აუცილებლად იპოვით და კოლექციის გამდიდრებასაც შეძლებთ. ხოლო თუ Star Wars-ის ფანი ხარ, ჩათვალე, რომ განსაკუთრებით გაგიმართლა.

თუ ხელოვნება, არქიტექტურა, ფოტოგრაფია, პოეზია ან მწერლობა შენი ინტერესის სფეროა, Posta da Kona-ს პუბლიკაციებში საინტერესო აღმოჩენები გელოდება. წიგნის მაღაზია მკითხველს როგორც ვიზუალურ, ისე ტექსტურ თავგადასავლებს სთავაზობს, რომლებშიც თანამედროვე ქართველ ხელოვანებს აღმოაჩენ ან უკვე კარგად ცნობილ მხატვრებს სულ სხვა კუთხიდან დაინახავ. Posta da Kona-ს პუბლიკაციები დაგეხმარება, რომ საქართველოში მოღვაწე მწერლების, პოეტების და სხვადასხვა დარგის ხელოვანების შემოქმედებას უკეთ გაეცნო.

ყოველდღიური რუტინის გადახალისებას ფერადი პოსტერები, ზინები, ხელნაკეთი საკანცელარიო ნივთები და ორიგინალური კომიქსებიც კი სჭირდება. ასეთ მრავალფეროვან არჩევანს ხარახურას სტენდზე იპოვი, სადაც რიზოგრაფით შექმნილი უნიკალური და საინტერესო ბეჭდური მასალაც დაგხვდება. გემოვნებით შექმნილი გამორჩეული ნივთები და პუბლიკაციები კი, შენს სამუშაო მაგიდასა თუ ოთახის კედლებზე კუთვნილ ადგილს დაიკავეს.

დე:ნოსტალგია ქართული ჟურნალია, რომელიც წარსულის გადაფასებასა და გადააზრებას ცდილობს, პარალელურად კი თანამედროვე ავტორების თეორიული ნაშრომების გავრცელებას უწყობს ხელს. თუ საქართველოს ისტორიის, კულტურისა და ხელოვნების შესახებ მეტის გაგება გინდა, ან განვლილ ისტორიას სხვა პერსპექტივიდან გსურს თვალი გადაავლო, დე:ნოსტალგიას მიერ გამოცემულ ნომრებს Alternative Book Market-ზე შეარჩევ და შეიძენ.

Alternative Book Market-ის ფარგლებში, ფაბრიკას საკონფერენციო სივრცეებში თემატური ვორქშოპები, დისკუსიები და პრეზენტაციებიც ჩატარდება, სადაც წიგნების მოყვარულებს შეხვდები და დროს შემოქმედებით გარემოში გაატარებ. ასე რომ, დასამახსოვრებელი შაბათ-კვირისთვის მზადება ახლავე შეგიძლია დაიწყო.

არ გაჩერდე, გააგრძელე კითხვა