რამდენადაც მოგზაურობაზე ფიქრი სასიამოვნო ემოციებით შეიძლება გვავსებდეს, იმდენად დამღლელია ხოლმე მოსამზადებელი პერიოდი, როცა ყველაფერი წინასწარ უნდა დაგეგმო და გაითვალისწინო. თუმცა თუ SOLO პრემიუმის მომხმარებელი ხართ, თქვენ მხოლოდ ის გჭირდებათ, რომ Visa კონსიერჟს გაანდოთ, რა გსურთ.
Visa კონსიერჟის მომსახურებით სარგებლობისას დაზოგავთ დროს და ყოველ წვრილმან დეტალზე ფიქრის სტრესისგან გათავისუფლდებით. გაიგეთ ქვემოთ უფრო კონკრეტულად, როგორ გახდის ეს სერვისი თქვენს მოგზაურობას კიდევ უფრო კომფორტულსა და სასიამოვნოს:
1. ბილეთების ყიდვა, გადაცვლა, დაბრუნება
მაშინ, როცა უკვე იცით, სად გსურთ მოგზაურობა, პირველი საზრუნავი ფრენის ბილეთებია. არც ისე მცირე დრო სჭირდება იმას, რომ მოსახერხებელი თარიღები და ფასები დაამთხვიოთ. Visa კონსიერჟი სწორედ ამ პასუხისმგებლობას გადაიბარებს და დამღლელ პროცესს სრულად აგარიდებთ. ისეც ხდება ხოლმე, რომ გეგმები იცვლება და საჭიროა, ბილეთების გადაცვლა ან სულაც დაბრუნება. ესეც Visa კონსიერჟს მიანდეთ — უბრალოდ, მიწერეთ და მარტივად აგარიდებთ ბიუროკრატიულ დისკომფორტს.
2. სასტუმროს ჯავშანი
მოგზაურობისას კმაყოფილებას დიდწილად ის განსაზღვრავს, თუ რამდენად კომფორტულია სასტუმრო და თქვენთვის საჭირო სერვისები აქვს თუ არა. ასევე მნიშვნელოვანია, რომ გეგმების ცვლილებისას ჯავშნის თარიღების შეცვლა ან სულაც გაუქმება ხანგრძლივ, გაწელილ პროცესად არ იქცეს. არც ეს საკითხი იქნება თქვენი სადარდებელი — Visa კონსიერჟი იზრუნებს საჭირო კომუნიკაციებსა და შეთანხმებებზე, მოგაწვდით განახლებულ თარიღებს ან უპრობლემოდ გააუქმებს ჯავშანს.
3. ყოველდღიური აქტივობების დაგეგმვა
ალბათ, მოგზაურობისას გქონიათ შემთხვევები, როცა საკმარისი ინფორმაციის არქონის გამო, ადგილობრივ ფესტივალებს, ღონისძიებებსა თუ კონცერტებს ვერ დასწრებიხართ. ამ დროს ისიც გასათვალისწინებელია, რომ ამ ყველაფრის მოძიებასა და თქვენს სამოგზაურო თარიღებზე მორგებას დრო და ძალისხმევა სჭირდება. დიახ, Visa კონსიერჟი ამ ნაწილშიც დაგეხმარებათ. იმისთვის, რომ თქვენი მოგზაურობა უფრო შთამბეჭდავი და თავგადასავლებით სავსე იყოს, Visa კონსიერჟი წინასწარ მოიძიებს ინფორმაციას ყველა დაგეგმილი ღონისძიების შესახებ, გაგიზიარებთ და რა თქმა უნდა, თქვენი ინტერესების შესაფერისად მათზე დასწრების დაგეგმვაშიც დაგეხმარებათ.
4. მუდმივად კონტაქტზე
მოგზაურობის დაგეგმვისას კიდევ ბევრი დეტალია, რომელიც შესაძლოა, წინასწარ არც გაგახსენდეთ. ამიტომ, როცა ამ გაუთვალისწინებელი დეტალების წინაშე აღმოჩნდებით, თქვენი დროის დაზოგვისა და სტრესის არიდების მიზნით, Visa კონსიერჟი მუდმივად კონტაქტზე იქნება და ყველა დეტალს მოკლე დროში მოგიგვარებთ.
მიანდოთ მთელი თქვენი გეგმები Visa კონსიერჟს, ნიშნავს, რომ მუდმივად გქონდეთ მისი იმედი — მოგზაურობის დაგეგმვის ეტაპიდან მის დასრულებამდე. ამიტომ Visa კონსიერჟის მომსახურება ხელმისაწვდომია 24 საათის განმავლობაში, კვირაში 7 დღე.
კიდევ ერთი მნიშვნელოვანი ფაქტორია, რომ მომსახურების მიღება შესაძლებელია, როგორც საქართველოში, ისე საზღვარგარეთ ყოფნისას.
5. და მხოლოდ ეს არ არის
ეს მხოლოდ მცირე ნაწილია იმ უსასრულო შესაძლებლობებისა, რომლებსაც Visa კონსიერჟის მომსახურება გთავაზობთ. თუ საჩქაროდ ტანსაცმლის გამოწერა, რესტორანში ადგილის დაჯავშნა ან სუპერმარკეტიდან პროდუქტის შეკვეთა დაგჭირდებათ, Visa კონსიერჟი მუდამ თქვენს სამსახურში იქნება, რომ სურვილების ასრულებაში დაგეხმაროთ.
როგორ უნდა ისარგებლოთ Visa კონსიერჟის მომსახურებით
Visa კონსიერჟის სერვისი თქვენი სურვილების ასრულებისთვის საჭირო პროცედურების გამარტივებისთვის შეიქმნა, შესაბამისად, სერვისით სარგებლობისთვის მხოლოდ რამდენიმე მარტივი ნაბიჯის გავლა გჭირდებათ:
- სერვისის გააქტიურება შესაძლებელია მობილბანკის საშუალებით;
- გააქტიურების შემდეგ, დღის განმავლობაში, მიიღებთ SMS შეტყობინებას მობილური ტელეფონის ნომერზე ან Viber-ის საშუალებით;
- შემდეგ აირჩევთ კონსიერჟთან კომუნიკაციისთვის თქვენთვის სასურველ არხს — Viber ან Telegram. სულ მალე კი FB Messenger-იც დაემატება.
- ჩათის მოძებნა შესაძლებელია სახელით — Visa Concierge for SOLO.
Visa კონსიერჟთან კომუნიკაციის დაწყების შემდეგ, ყველა თქვენი სურვილი და გეგმა შეგიძლიათ, მას მიანდოთ და მშვიდად დაელოდოთ მოსალოდნელ შთაბეჭდილებებს.