სოციალური პასუხისმგებლობის ფარგლებში, საქართველოს ბანკი განათლების ხელშეწყობას კვლავ განაგრძობს და ამ მიმართულებით არაერთ პროგრამას ახორციელებს. გასულს წელს საქართველოს ბანკმა მასშტაბური სასტიპენდიო პროგრამა წამოიწყო, რომელიც მოტივირებულ და მიზანდასახულ სტუდენტებს პირველივე კურსიდან აძლევს შესაძლებლობას, რომ სრული ან ნაწილობრივი დაფინანსება მოიპოვონ. 165ზე მეტმა სტუდენტმა საქართველოს ბანკის სტიპენდია უკვე მოიპოვა, პროგრამა კი ისევ გრძელდება და ახალ შესაძლებლობებს ქმნის მათთვის, ვინც განათლების არგზაზე არ ჩერდება.
ლილი კერესელიძე თავისუფალი უნივერსიტეტის ESM-ის სტუდენტია, რომელმაც საქართველოს ბანკის სტიპენდია მოიპოვა, პროგრამაში გამარჯვება მისთვის დიდი მოტივაცია იყო.
“თუ რამე არ გამომდის ან თუ რამე ახალს ვსწავლობ, რომელიც თავიდან მარტივი არ ჩანს, სწორედ ეს არის ჩემთვის ყველაზე დიდი მოტივატორი, რომ მეტი უნდა ვისწავლო და გამომივიდეს. ყოველთვის მაქსიმალურ ქულას შეიძლება ვერ იღებდე და ზუსტად მაშინ, როცა რაღაც ბოლომდე არ გამომდის, ან შენიშვნას მაძლევენ ან რეკომენდაციას, მიჩნდება მოტივაცია, რომ შევიცვალო.
რჩევების ნაწილში ორ მნიშვნელოვან დეტალს გამოვყოფ: თავდაჯერებას და დაგეგმვას. თავდაჯერება ყოველთვის საჭიროა და თუნდაც იმაში გამოგადგება, რომ ნაკლები ინერვიულო და საკუთარ თავი შესაძლებლობებში დაარწმუნო. ვისაც თავდაჯერებულობა აკლია, იმდენად იდეალურად უნდა რაღაცების გაკეთება, რომ ბოლოს ეჭვი ეპარება ხოლმე. რეალურად კი საკუთარ თავს უნდა ენდო, როცა რაღაცას აკეთებ. ხოლო როცა საკუთარი თავის გამოვლენის დრო დაგიდგება, უნდა მიენდო პროცესს და დარწმუნებული იყო, რომ გამოგივა. მეორე ფაქტორი, რაც მე ძალიან მეხმარება, არის დაგეგმა და ჩემი მიზნების ვიზუალიზაცია. როცა მიზანი გაქვს, თუ არ გაწერე და ხელშესახები არ გახადე, ისე პროცესი რთულია. ასევე, მნიშვნელოვანია, რომ არ გაჩერდე და ყოველდღე თუნდაც პატარა ნაბიჯი გადადგა”, — ამბობს ლილი კერესელიძე.
თბილისის სახელმწიფო უნივერსიტეტის სოციალურ და პოლიტიკურ მეცნიერებათა ფაკულტეტის სტუდენტი, მაგდა სარჯველაძე, კიდევ ერთი გამარჯვებული სტიპენდიატია.
“სწავლის დროს ყველაზე დიდ მოტივაციას მაძლევს შეგრძნება, რომ ყოველი ახალი დღე და მიღებული ცოდნა მიზნისკენ გადადგმული თითო ნაბიჯია. ყველაზე დიდი მოტივაცია იმ მომავლის შექმნაზე ფიქრია, რომელიც არა მხოლოდ ჩემთვის, არამედ ჩემი გარშემომყოფებისთვისაც სამყაროს უკეთესს გახდის. საქართველოს ბანკის სტიპენდია იყო აღიარება, რომ ჩემი შრომა და მონდომება დაფასდა. სტიპენდიის მიღებამ დამარწმუნა იმაში, რომ მიზნებისკენ სწრაფვა ნამდვილად ღირს. იმის განცდა, რომ შენს პირად პროგრესსა და მიზნებს მხარს უჭერენ, სწორედ, ესაა უდიდესი მოტივაცია!
მომავალ სტიპენდიატებს კი ვეტყოდი, რომ თუ არ დაიწყებთ, თუ პირველ ნაბიჯს არ გადადგამთ, ვერასდროს გაიგებთ, რისი გაკეთება შეგიძლიათ. ეს სტიპენდია მხოლოდ დაფინანსება არ არის; ეს არის გზა, რომ შეიქმნათ საკუთარ შესაძლებლობებზე გარკვეული შთაბეჭდილება და ამით თავდაჯერებულობა მოიპოვოთ. არ შეგეშინდეთ და ნუ იფიქრებთ იმაზე, საკმარისად კარგები ხართ თუ არა — თითოეულ ჩვენგანს აქვს უნიკალური უნარები და ეს შანსი სწორედ ამ უნარების გამოსავლენად უნდა გამოიყენოთ! დააფასეთ პატარა ნაბიჯები, რომლებიც დიდი წარმატებისკენ მიგიყვანთ, რადგან სწორედ ეს პროცესია მნიშვნელოვანი, და არა მხოლოდ შედეგი”, — აღნიშნა მაგდა სარჯველაძემ.
საქართველოს ბანკის სასტიპენდიო პროგრამა წელსაც გაგრძელდება და შანსი გაქვს, რომ სტიპენდიატი თავადაც გახდე. პარტნიორი უნივერსიტეტების ჩამონათვალს კი აქ იპოვი, რომელსაც მალე კიდევ უფრო მეტი უნივერსიტეტი დაემატება.