საქართველოს ბანკი ბიზნესების ხელშეწყობას კვლავ განაგრძობს. სწორედ ამ მიზნით, საქართველოს ბანკის ბიზნეს მობილბაკსა და ინტერნეტბანკს ახალი პროდუქტი — ბიზნეს ნაკრები დაემატა. იმისათვის, რომ ბიზნესის მართვა უფრო მარტივი გახდეს და ყველა საჭირო სერვისი ერთ სივრცეში იყოს ხელმისაწვდომი, საქართველოს ბანკმა მომხმარებლებს 4 ბიზნეს ნაკრები — სასტარტო ნაკრები, ნაკრები S, ნაკრები M და ნაკრები L შესთავაზა. თითოეული ბიზნეს ნაკრები მომხმარებლებს შეღავათებს, უპირატესობებსა და ფასდაკლებებს სთავაზობს. სასურველი ნაკრების გააქტიურება კი თქვენი ბიზნესის საჭიროებებიდან გამომდინარე შეგიძლიათ.
თუ თქვენი ბიზნესი დღითიდღე ვითარდება, გადარიცხვებს ყოველდღიურად იყენებთ და თანხის განაღდებაც ხშირად გჭირდებათ, ამ მოთხოვნებს ბიზნეს ნაკრები M იდეალურად პასუხობს. ბიზნეს ნაკრები M-ის გააქტიურების შემდეგ უცხოურ ვალუტაში ტრანზაქციებზე შეღავათიანი ტარიფებით ისარგებლებთ, თვეში 10 კომუნალურს კი საკომისიოს გარეშე გადაიხდით. სწორედ ამ და სხვა უპირატესობების გამო, ატელიე პალეკარტმა ბიზნეს ნაკრები M უკვე გაააქტიურა. პალეკარტი კაცის ტანსაცმლის ქართული ბრენდი და ატელიეა, რომელიც ბაზარზე 2020 წელს გამოჩნდა. ბრენდი კაცებს ყოველდღიური კლასიკური სტილის (ე.წ Casual Elegance) ტანისამოსს, აქსესუარებს და ფეხსაცმელებს სთავაზობს როგორც კოლექციების მიმართულებით, ასევე ინდივიდუალური კერვის სერვისით. საქართველოს ბანკთან თანამშრომლობის მიზეზებზე კი პალეკარტის მენეჯერი, ნიკოლოზ რეხვიაშვილი, გვესაუბრა.
“საქართველოს ბანკის ბიზნეს ინტერნეტბანკსა და ბიზნეს მობილბანკს კომპანიის შექმნის დღიდან — 2020 წლიდან ვიყენებთ. გადაწყვეტილების ძირითადი მიზეზი აპლიკაციის მარტივი და კომფორტული ფუნქციონალი იყო, რისი საშუალებითაც ბიზნესის ყოველდღიური საქმიანობა გაგვიმარტივდა. ძირითადი საჭიროებები არის ვალუტის სწრაფი კონვერტაცია და გადარიცხვები როგორც საქართველოში, ასევე საზღვარგარეთ. ბიზნეს ნაკრებ M-ში გაერთიანებული არის ყველა ის სერვისი, რომელსაც ვიყენებდით ცალ-ცალკე. ბიზნეს ნაკრები M-ის გააქტიურებით კი, ეს პროცესი უფრო მარტივი და ფინანსურად ხელმისაწვდომი გახდება”, — ამბობს ნიკოლოზ რეხვიაშვილი.
ბიზნეს ნაკრები M გადახდების მენეჯერით სარგებლობის ფუნქციასაც მოიცავს. გადახდების მენეჯერი ის სივრცეა, საიდანაც ყველა გადარიცხვის ნახვა, დაგეგმვა და კონტროლი შეგიძლიათ. ამასთანავე, გადახდების მენეჯერით შეგიძლიათ გაიგოთ როგორ, როდის და რამდენს იხდიან თქვენი მომხმარებლები. როგორც ნიკოლოზ რეხვიაშვილმა აღნიშნა, გადახდების მენეჯერის ანალიტიკის გამოყენებას სამომავლოდ აქტიურად აპირებს, ამ ფუნქციით სარგებლობა კი ბიზნეს ნაკრები M-ის გააქტიურების შემთხვევაში თქვენც შეგეძლებათ. გარდა ამისა, ბიზნეს ნაკრები M ბიზნეს შეთავაზებებსაც მოიცავს, რათა თქვენმა ბიზნესმა სამომავლოდ უფრო წარმატებულად იმუშაოს. მაგალითად, ბუღალტრულ და საგადასახადო სერვისებზე 50%-მდე ფასდაკლებით შეგიძლიათ ისარგებლოთ, ყველა ბიზნესშეთავაზებას კი აქ ნახავთ.
“ბიზნეს ნაკრები M დაგვეხმარება სავაჭრო პროცესების ოპტიმიზაციაში, ასევე აქტიურად გამოვიყენებთ ბიზნეს მენეჯერის ანალიტიკურ ფუნქციებს და მულტისავალუტო ანგარიშებს. ბიზნეს ნაკრების შერჩევის პროცესი იყო ძალიან მარტივი და ვფიქრობ, ნაკრები M ოპტიმალურად მოვარგეთ ჩვენი ბიზნესის საჭიროებებს”, — დასძინა ნიკოლოზ რეხვიაშვილმა.
სასურველი ბიზნეს ნაკრების არჩევა ბიზნეს მობილბანკიდან და ბიზნეს ინტერნეტბანკიდანაა შესაძლებელია. მობილბანკიდან ბიზნეს ნაკრების გასააქტიურებლად კი შემდეგ მარტივ ეტაპებს უნდა მიჰყვეთ:
- ბიზნეს მობილბანკში მომხმარებლის იმ ლოგინითა და პაროლით შედით, რომელსაც საქართველოს ბანკის ნებისმიერ სხვა ციფრულ არხში იყენებთ;
- დააჭირეთ ღილაკ მეტს, საიდანაც ბიზნეს ნაკრებები გამოჩნდება;
- აირჩიეთ სასურველი ნაკრები და დააჭირეთ გააქტიურებს;
- წაიკითხეთ პირობები და დააჭირეთ დადასტურებას;
- შეიყვანეთ ერთჯერადი კოდი, რომელიც ტელეფონზე გამოგეგზავნებათ;
იმ შემთხვევაში, თუ ბიზნეს ნაკრებით უკვე სარგებლობთ და გაუმჯობესება გსურთ, მობილბანკიდან ახლის არჩევას ასევე მარტივად შეძლებთ. ამისთვის ნაკრებების ჩამონათვალში ახალი ნაკრები უნდა აირჩიოთ და გააქტიურებას დააჭიროთ, შეცვლილი ნაკრები კი მეორე დღეს გაგიაქტიურდებათ. იმ შემთხვევაში, თუ მიმდინარე ნაკრების უფრო დაბალი სტატუსის ნაკრებით შეცვლა გსურს, არჩეული ნაკრები ახლანდლის ვადის ამოწურვის შემდეგ გააქტიურდება.
საქართველოს ბანკის სხვა ბიზნესპროდუქტებსა და სერვისებზე დამატებითი ინფორმაცია შეგიძლიათ გაიგოთ აქ. ხოლო თუ ჯერ არ ხართ საქართველოს ბანკის ბიზნეს მომხმარებელი, გახსენით ანგარიში სულ მარტივად ონლაინ.