ბიზნესებისთვის, განსაკუთრებით კი მათთვის, ვინც ონლაინ ოპერირებს, უსაფრთხოება და მომხმარებლის გამოცდილების გაუმჯობესება განსაკუთრებულად მნიშვნელოვანია.
საქართველოს ბანკისთვის ერთი მხრივ უსაფრთხოება, მეორე მხრივ კი ბიზნესების მხარდაჭერა პრიორიტეტულია, ამიტომ მან მორიგი ინოვაცია დანერგა — BOG ID, სერვისი, რომელიც მომხმარებლების გამარტივებულ ავტორიზაციასა და ვერიფიკაციას უზრუნველყოფს, კომპანიებს კი უსაფრთხოების დამატებითი ზომების მიღებაში ეხმარება. ესაა ერთგვარი ფანჯარა, რომელიც საქართველოს ბანკის 1 200 000-ზე მეტ ციფრულ მომხმარებელს ბიზნესის ონლაინ პლატფორმაზე ავტორიზაციის, რეგისტრაციისა და ვერიფიკაციის პროცესებს უმარტივებს, საქართველოს ბანკის მომხმარებლის სახელითა და პაროლით, ზედმეტი მონაცემების შევსების გარეშე.
რას მოიცავს BOG ID?
BOG ID ინტერნეტ ბანკითა და მობილბანკით ავტორიზაციისა და ვერიფიკაციის მეთოდებს აერთიანებს.
მას შემდეგ, რაც BOG ID-ს საკუთარ ვებგვერდზე განათავსებთ, საქართველოს ბანკის 1 200 000-ზე მეტ მომხმარებელს შესაძლებლობა ექნება ბანკის დაცული ფანჯრით ისარგებლონ და ავტორიზაცია ამ გზით გაიარონ, ასე დაზოგავენ დროს და ყიდვის გადაწყვეტილებასაც უფრო სწრაფად და მარტივად მიიღებენ,
თუ მომხმარებელი ინტერნეტ ბანკით ავტორიზაციას ირჩევს, მომხმარებლის სახელის და პაროლის შეყვანით ის თქვენს პლატფორმაზე შემოსვლას აინიცირებს. ხოლო მობილბანკის გამოყენებით, ფიზიკურ პირს შეუძლია დაასკანეროს QR კოდი და დაადასტუროს თქვენს პლატფორმაზე შემოსვლა. ამასთან, თუ მომხმარებელი მობილურით სარგებლობს,, შეუძლია მობილბანკის გამარტივებული ავტორიზაციის მეთოდები — Face ID გამოიყენოს.
მომხმარებლის თანხმობის შემთხვევაში, საქართველოს ბანკი თქვენ მიერ მოთხოვნილ ინფორმაციას გაგიზიარებთ.
BOG ID-ის დახმარებით თქვენს პლატფორმაზე რეგისტრაციის მეთოდების ჩაშენებაცაა შესაძლებელი. თუ კანონმდებლობა მომხმარებლის ონლაინ რეგისტრაციის დროს პიროვნების ვერიფიკაციას გთხოვთ, ან თქვენი ბიზნესისთვის ამგვარი ინფორმაცია მნიშვნელოვანია, ეს სერვისი აუცილებლად უნდა გამოიყენოთ.
სერვისს სამი უპირატესობა აქვს:
- მისი დახმარებით, მომხმარებელს უქმნით უკეთეს გამოცდილებას, რადგან აღარ სჭირდებათ ზედმეტი ინფორმაციის შევსება პლატფორმაზე შესვლისა თუ რეგისტრაციისთვის.
- საქართველოს ბანკის ინტერნეტ და მობილბანკის დაცული ავტორიზაციის ფანჯრით. გაქვთ ავტორიზაციის დაცული პროცესი.
- თავიდან ირიდებთ მომხმარებლის ვერიფიკაციისთვის საჭირო პროცედურებს, ამარტივებთ პროცესებს და ზოგავთ დროს.
როგორ შეგიძლიათ მოითხოვოთ BOG ID?
პირველ რიგში, აუცილებელია, კომპანია საქართველოს ბანკის მომხმარებელი იყოს.
ინტეგრაციისთვის კი უნდა ესტუმროთ საქართველოს ბანკის ბიზნეს მენეჯერს ამ ბმულზე, სადაც ერთი ღილაკით მოითხოვთ წვდომას სერვისზე, შეავსებთ მარტივ განაცხადს და მიიღებთ ინფორმაციას ტექნიკურ საკითხებზე. ინტეგრაციისთვის ტექნიკური დოკუმენტაციის გაცნობის გარდა, შესაძლებელია მომხმარებლების მხარდაჭერის გუნდთან დაკავშირებაც ელ.ფოსტაზე: customerservice@bog.ge
აღსანიშნავია, რომ BOG ID-ით უკვე სარგებლობს არაერთი კომპანია, მათ შორისაა Hummel, Wishlist.ge და სხვები.