სახელმწიფოს მიერ გამოცხადებულ ტენდერებსა მონაწილეობის მიღებისთვის ბიზნესებს ფინანსური გარანტიის წარდგენა სჭირდებათ. მისი დანიშნულებაა დაარეგულიროს ის შემთხვევა, როცა ტენდერში გამარჯვებული მონაწილე უარს ამბობს ნაკისრი ვალდებულების შესრულებაზე.
საქართველოს ბანკმა სატენდერო გარანტიის აღების პროცესის გამარტივება გადაწყვიტა და ახლა უკვე უზრუნველყოფის გარეშე, 15 000 ლარის ფარგლებში გარანტიის მიღება სახლიდან თუ ოფისიდან გაუსვლელად, პირდაპირ ბიზნეს ინტერნეტბანკშია შესაძლებელი. საზოგადოებაში ცნობიერების ამაღლების მიზნით, სატენდერო გარანტიასთან დაკავშირებით 23 თებერვალს ვებინარი ჩატარდა, სადაც საქართველოს ბანკის წარმომადგენლებმა მომხმარებლების შეკითხვებს გასცეს პასუხები.
გთავაზობთ შეხვედრაზე დასმულ რამდენიმე საინტერესო შეკითხვასა და პასუხს, რომელიც შესაძლოა თქვენც გაინტერესებდეთ:
რა მოთხოვნებს უნდა აკმაყოფილებდეს მომხმარებელი, რათა მან სატენდერო გარანტიის მიღება შეძლოს და არის თუ არა აუცილებელი ანგარიშზე თანხის გაყინვა?
15 000 ლარის ფარგლებში გარანტიის მისაღებად ანგარიშზე თანხის გაყინვა და ქონებით უზრუნველყოფა არ არის საჭირო. სატენდერო გარანტიის მისაღებად მომხმარებელმა რამდენიმე ძირითადი მოთხოვნა უნდა დააკმაყოფილოს, მათ შორის:
- მომხმარებელი არ უნდა იყოს ე.წ. სატენდერო შავ სიაში და მას არ უნდა ჰქონდეს ნეგატიური სტატუსი;
- მომხმარებელზე არ უნდა ფიქსირდებოდეს ყადაღა;
- მომხმარებელი არ უნდა ფიქსირდებოდეს მოვალეთა რეესტრში;
ტენდერის გამოცხადებამდე რამდენი ხნით ადრე უნდა მოგმართოთ გარანტიის მისაღებად, რაიმე სახის შეზღუდვა ხომ არ არსებობს და ვადები როგორაა განსაზღვრული?
შეზღუდვა არ არსებობს, ავტომატიზირებული დამტკიცების პროცესით გარანტიის განაცხადის შევსებიდან 5 წუთზე ნაკლებ დროში მიიღებთ პასუხს, ხოლო გარანტიის მოსამზადებლად სამუშაო დღეებში მაქსიმუმ ერთი საათია საჭირო. რაც შეეხება ვადას, სატენდერო გარანტია 170 კალენდარული დღით გაიცემა; შესყიდვების მიმართულებით სტანდარტულად, 160-დღიანი ლიმიტი მოქმედებს.
გარანტიის გაცემის საკომისიო რამდენს შეადგენს?
2024 წლის პირველ აპრილამდე 50%-იანი ფასდაკლებით შეგიძლიათ ისარგებლოთ. სხვა შემთხვევაში, სტანდარტული ტარიფები ასეთია:
- 5 000 ლარამდე გარანტიაზე საკომისიოა 100 ლარი;
- 5 000-დან 10 000 ლარამდე გარანტიაზე საკომისიოა 200 ლარი;
- 10 000-დან 15 000 ლარამდე გარანტიაზე საკომისიოა 250 ლარი.
თუკი კომპანიამ სატენდერო პირობები დაარღვია, ავტომატურად იქცევა თუ არა გარანტია სასესხო ვალდებულებად?
ეს ავტომატურად არ მოხდება. ყოველი შემთხვევა ინდივიდუალურად იქნება შესწავლილი ექსპერტების მიერ.
სად შეიძლება მივიღო დეტალური ინფორმაცია სატენდერო გარანტიასთან დაკავშირებით?
დაწვრილებით ინფორმაციას შეგიძლიათ საქართველოს ბანკის ოფიციალურ ვებგვერდზე გაეცნოთ. აქვე იმასაც გეტყვით, რომ სატენდერო გარანტიასთან და სხვა პროდუქტებთან დაკავშირებით საქართველოს ბანკი საინფორმაციო შეხვედრების გამართვას მომავალშიც გეგმავს, ამიტომ, გირჩევთ, თვალი ადევნოთ ბანკის სოციალურ არხებს.
საქართველოს ბანკის სხვა ბიზნესპროდუქტებსა და სერვისებზე დამატებითი ინფორმაცია შეგიძლიათ გაიგოთ აქ. ხოლო თუ ჯერ არ ხართ საქართველოს ბანკის ბიზნეს მომხმარებელი, გახსენით ანგარიში სულ მარტივად ონლაინ.