ბიზნესის წარმართვის პროცესში კრიტიკულად მნიშვნელოვანია ბიუჯეტის სწორად განკარგვა და ხარჯების ეფექტიანი მართვა. ეს ამბავი ახალი ნამდვილად არ არის და კომპანიები უკვე საუკუნეებია ამ სტრატეგიას მიჰყვებიან, თუმცა თანამედროვე ტექნოლოგიების განვითარებასთან ერთად, ხარჯების მართვის პროცესი არსებითად შეიცვალა.
გადაჭარბებული არ იქნება, თუ ვიტყვით, რომ ქვითრების, ინვოისებისა და დოკუმენტების ეპოქა დასრულებულია. დღეს უკვე არავის სცალია ფურცლების გროვაში საქექად და ქვითრების კორიანტელში ჭეშმარიტების ამოსაცნობად – ამის არც დროა და არც საჭიროება. ტექნოლოგიების განვითარებამ მოგვცა იმის საშუალება, რომ ხარჯების მართვის პროცესი მაქსიმალურად მარტივი და სწრაფი გამხდარიყო.
საქართველოს ბანკის ბიზნეს ინტერნეტბანკი და ბიზნეს მობილბანკი იძლევა იმის საშუალებას, რომ ყველა საჭირო სერვისი ციფრული პლატფორმის მეშვეობით მიიღოთ და ბიუჯეტის მართვის მოძველებული მეთოდები თანამედროვე და გამარტივებული ტექნიკებით ჩაანაცვლოთ.
ამჯერად მოგიყვებით, თუ როგორ უნდა გამოიყენოთ თანამედროვე ტექნოლოგიები თქვენს სასარგებლოდ და როგორ უნდა მართოთ ბიზნესის ხარჯები უფრო ეფექტიანად:
განსაზღვრეთ ხარჯვის პოლიტიკა
ბიზნესის განვითარებას აუცილებლად სჭირდება სტრატეგია, ხარჯვის პოლიტიკის განსაზღვრა კი ბიუჯეტის სწორად დაგეგმვაში დაგეხმარებათ. საწყის ეტაპზევე უნდა გაწეროთ: მოსალოდნელი ხარჯები, შემოსავლები, ვალდებულებები, დაფარვის გრაფიკი და ჩაბარების ვადები. ასევე, კატეგორიების და პროექტების მიხედვით ბიუჯეტის განაწილება დაგეხმარებათ იმაში, რომ რომელიმე მიმართულება უყურადღებოდ არ დაგრჩეთ, ან პირიქით – ზედმეტი ბიუჯეტი არ გამოყოთ.
აქციეთ თქვენი გადახდები შაბლონებად
დრო ფულია, ამიტომ რაც უფრო ნაკლებ რესურსს დახარჯავთ კომუნალურების გადახდაზე ან გადარიცხვების განხორციელებაზე, მით უკეთესი იქნება თქვენი ბიზნესისთვის. საქართველოს ბანკის ბიზნეს მობილბანკში მარტივად შეგიძლიათ შექმნათ გადახდების შაბლონები, რათა განმეორებითი ტრანზაქციების განხორციელების პროცესი მაქსიმალურად გაიმარტივოთ. გარდა იმისა, რომ კომუნალურის თუ სხვა ნებისმიერი სახის გადასახადის პარამეტრების ხელით შევსება აღარ მოგიწევთ, ასევე შეგიძლიათ აირჩიოთ ავტომატური გადახდის რეჟიმი, რომელიც თავიდან აგარიდებთ გადასახადის დავიწყებით გამოწვეულ თავის ტკივილს და უხერხულობას.
განსაზღვრეთ პროექტების ბიუჯეტები
ბიზნესის განვითარების პროცესში ახალი პროექტების განხორციელებაზე უარის თქმა განსაკუთრებით რთულია, თუმცა ფაქტია, რომ კომპანიის წარმატებისთვის კრიტიკულად მნიშვნელოვანია ფინანსური დისციპლინის დაცვა და ლიმიტებს წინასწარ განსაზღვრა. ბიუჯეტის განსაზღვრის შემდეგ, აუცილებლად უნდა გაანაწილოთ ხარჯები პროექტებისა და კატეგორიების მიხედვით, რათა სიურპრიზების წინაშე არ აღმოჩნდეთ და ზუსტად იცოდეთ, მაქსიმუმ რამდენის დახარჯვა შეგიძლიათ ამა თუ იმ მიმართულებაზე.
გაიაქტიურეთ ბიზნეს ნაკრები
საქართველოს ბანკის ბიზნეს ნაკრები არის ერთიანი პროდუქტი, რომელიც ყველა საჭირო სერვისს ერთ სივრცეში უყრის თავს. თქვენზე მორგებული ნაკრების გააქტიურების შემდეგ, შეგიძლიათ თქვენი კომპანიის ფინანსები ბიზნეს ინტერნეტბანკიდან ან პირდაპირ მობილური აპლიკაციიდან მართოთ, რაც დროის დაზოგვასა და ხარჯების ოპტიმიზაციაში დაგეხმარებათ.
ბიზნეს ნაკრები აერთიანებს საბანკო პროდუქტების და სერვისების ხარჯებს: მულტისავალუტო ანგარიშები, შეტყობინების სერვისი ბიზნეს მობილბანკსა და ბიზნეს ინტერნეტბანკში, საკომისიოები ავტომატურ გადარიცხვებსა თუ გადახდებზე.
ასავე მოიცავს ტრანზაქციებს ციფრულ არხებში: კომუნალურების გადახდების საკომისიოები, ბანკომატიდან განაღდების საკომისიოები და ა.შ.
თქვენი ბიზნესის შესაფერისი ბიზნეს ნაკრების (სასტარტო ნაკრები, ნაკრები S, ნაკრები M ან ნაკრები L) არჩევის შემდეგ, სწორედ თქვენს საჭიროებებზე მორგებული სერვისებითა და უპირატესობებით ისარგებლებთ.
გაანაწილეთ როლები გუნდის წევრებზე
ბიზნეს ინტერნეტბანკი გუნდის წევრებზე უფლებამოსილების და დავალებების განაწილების საშუალებას იძლევა. კომპანიის დირექტორს შეუძლია, მენეჯერს საჭირო ხელსაწყოები და უფლებები მისცეს; ფინანსისტსა და ბუღალტერს კი ისეთ მონაცემებთან მისცეს წვდომა, რომელიც მათ საქმიანობას უკავშირდება. ციფრული პლატფორმით სარგებლობისთვის არ არის აუცილებელი ყველაფერზე დირექტორისგან ნებართვის მიღება. როლების გადანაწილება დროის დაზოგვის და ბიუროკრატიული წნეხის შემსუბუქების საშუალებას იძლევა, რაც სწრაფად ცვალებად სამყაროში განსაკუთრებით მნიშვნელოვანია.
საქართველოს ბანკის სხვა ბიზნესპროდუქტებსა და სერვისებზე დამატებითი ინფორმაცია შეგიძლიათ გაიგოთ აქ. ხოლო თუ ჯერ არ ხართ საქართველოს ბანკის ბიზნეს მომხმარებელი, გახსენით ანგარიში სულ მარტივად ონლაინ.