5 ივლისი ახლოვდება, წლის საუკეთესო დრო შოპინგისთვის. ამ დღეს ნებისმიერ სასურველ ნივთს PLUS ქულებით გადახდისას 50%-იანი ფასდაკლებით შეიძენ. თუ PLUS ქულებს აგროვებდი და 5 ივლისისთვის მზად ხარ, საკუთარი თავის ან საყვარელი ადამიანის გახარებას უმარტივესად შეძლებ. კითხვები თუ ისევ გაქვს, ამ ბლოგში გაგიზიარებთ, რა უნდა იცოდე PLUS დაბადების დღეზე:
როგორ ვიხდი PLUS ქულებით?
ფიზიკურ მაღაზიაში გააფრთხილე მოლარე, რომ PLUS ქულებით აპირებ გადახდას, ონლაინ გადახდისას კი მიუთითე საქართველოს ბანკის გადახდის მეთოდი და დაინახავ ქულებით გადახდის ფუნქციას. თუ ჩვეულებრივ 400 PLUS ქულა 1 ლარის ეკვივალენტი იყო, PLUS-ის დაბადების დღეზე, 1 ლარი 200 PLUS ქულა გახდება. გაითვალისწინე, რომ შეთავაზებით სარგებლობისთვის ბარათი, რომელსაც იყენებ, არ უნდა იყოს დაბლოკილი, ვადაგასული და არ უნდა გიფიქსირდებოდეს დასაფარი დავალიანება.
შემიძლია საფასურის ნაწილი PLUS ქულებით, ნაწილი კი თანხით გადავიხადო?
თუ სასურველი ნივთისთვის საკმარისი ქულა ვერ შეაგროვე, მხოლოდ ფიზიკურ მაღაზიებში შეგიძლია ნაწილი ქულებით, ნაწილი კი ბარათით, ნაწილ-ნაწილ გადახდის მეთოდით ან ნაღდი ფულით გადაიხადო. ოღონდ გაითვალისწინე, რომ -50%-იანი ფასდაკლების შეთავაზება მხოლოდ ქულებით გადახდილ ნაწილზე მოქმედებს. ანუ თუ ნივთის ღირებულება 200 ლარია და შენ 50 ლარის პლუს ქულები გაქვს, ქულების ღირებულება გაორმაგდება, 100 ლარს პლუს ქულებით დაფარავ, ხოლო დარჩენილ 100 ლარს თანხით. ონლაინ გადახდისას საფასური მთლიანად პლუს ქულებით უნდა დაფარო.
სად შემიძლია ვისარგებლო შეთავაზებით?
შეთავაზებით ისარგებლებ პარტნიორ მაღაზიებში, რომელთა სიაც ძალიან გრძელია, ანუ თითქმის ყველგან, მაშინაც თუ მაღაზიას კონკრეტულ ნივთზე უკვე ფასდაკლება აქვს, ფაქტობრივად, PLUS ქულებით ორმაგი ფასდაკლება გექნება. შეგიძლია იმდენჯერ გადაიხადო, რამდენჯერაც გინდა, სანამ ქულები არ ამოგეწურება, შეზღუდვა არ გაქვს. გაითვალისწინე, რომ კომუნალურების გადახდისას, ბალანსის შევსებისას ან სამგზავრო ბარათის ყიდვისას PLUS ქულების ღირებულება არ გაგიორმაგდება. დაბადების დღის შეთავაზება მხოლოდ მაღაზიებში შოპინგისთვისაა. თუკი ნაყიდი ნივთის დაბრუნება მოგინდა, უპრობლემოდ შეძლებ. ფიზიკურ მაღაზიაში შესრულებული გადახდის გაუქმებისას ქულები მომენტალურად დაგიბრუნდება უკან, ონლაინ გადახდის შემთხვევაში კი ცოტა მეტი დრო იქნება საჭირო.
MR ქულებს PLUS ქულებში გადავცვლი?
თუ ამექსის საკრედიტო ბარათს იყენებდი და MR ქულები დაგიგროვდა, გული არ დაგწყდეს, PLUS-ის დაბადების დღეზე შენც მოწვეული ხარ. მობილბანკში სულ რამდენიმე წამში გადაცვლი MR ქულებს PLUS ქულებში, თანაც ძალიან კარგი კურსით, დაგროვილი MR ქულებით სამჯერ მეტ PLUS ქულას შეიძენ, 1MR = 3 PLUS. ასევე შეგიძლია PLUS ქულები სხვას გადაურიცხო, თუ შენს სურვილამდე სულ ცოტა გაკლია, შეგიძლია ახლობლების დახმარება გამოიყენო, ან თუ მეგობრებს საერთო ნივთის ყიდვა გინდათ, ქულების გაერთიანებით საქმე გაგიმარტივდებათ.
ასე რომ, იმედია, უკვე მზად ხარ შოპინგის დღესასწაულისთვის და იცი, რისი ყიდვა გინდა. თუ ჯერ ისევ ვერ გადაგიწყვეტია, ამ ბმულზე იპოვი პარტნიორი მაღაზიების გრძელ სიას და ყველა შესაძლო კითხვაზე დეტალურ პასუხებს.