ბოლო ზარის შემდეგ ყველა მოსწავლეს სხვადასხვა გეგმები აქვს ცხოვრებაში – განსხვავებული პროფესიები, მიზნები და ოცნებები, თუმცა ერთი ძირითადი რამ, რაც ყველა მათგანს აერთიანებს, მღელვარება და სიახლეების მოლოდინია. მღელვარება იმის გამო, რომ მომავალი ჯერ ისევ ბუნდივანია – ბოლომდე არ ხარ დარწმუნებული სწორად აირჩიე თუ არა უნივერსიტეტი, ღელავ იმის გამოც, რომ შესაძლოა სკოლის მეგობრები ისე ხშირად ვეღარ ნახო, უნივერსიტეტში ახალი ადამიანების გაცნობა მოგიწევს და იქნებ სულაც პროფესიის ან უნივერსიტეტის შეცვლა გადაწყვიტო შუა სემესტრში. მიუხედავად ამ გაურკვევლობებისა, ახალი შესაძლებლობების გაჩენის შემთხვევაში, მაინც არასდროს ამბობ უარს ცვლილებებზე.
დღევანდელ ბლოგში Foxy Eleniko იხსენებს თავის ბოლო ზარს და გვიყვება იმ მოლოდინების შესახებ, რომლებიც სკოლის დამთავრების შემდეგ ჰქონდა ცხოვრებაზე.
როგორ შეცვალა სკოლასთან დამშვიდობებამ შენი ხედვა მომავალზე?
,,სკოლის დამთავრება ერთგვარი გარდამტეხი ეტაპი იყო. გავიაზრე, რომ ცხოვრება არ არის მხოლოდ შედეგებზე ფიქრი, არამედ პროცესიც, რომელიც განვითარების და შეცდომების დაშვების საშუალებას იძლევა. დავფიქრდი ჩემს მიზნებზე, კარიერულ გეგმებზე და იმაზე, თუ როგორ მსურს ცხოვრებაში წინსვლა. თუ ადრე მომავალი მხოლოდ შორეულ პერსპექტივად მეჩვენებოდა, ახლა მივხვდი, რომ ის უკვე აქაა და მოქმედებაა საჭირო.”
როგორ აირჩიე პროფესია და შენი აზრით როგორ უნდა აირჩიოს მომავალმა სტუდენტმა მისთვის სწორი პროფესია?
,,პროფესიის არჩევა ჩემთვის დიდი ხნის ფიქრისა და შთაგონების შედეგი იყო. ბავშვობიდანვე ძალიან მომწონდა ხატვა და შემოქმედებითი პროცესები. ხშირად დავყვებოდი ბიძაშვილს სამხატვრო აკადემიაში, სადაც მისი შემოქმედებითი პროცესების დაკვირვებამ ჩემზე დიდი გავლენა იქონია. სწორედ მაშინ მივხვდი, რომ გრაფიკული დიზაინი ჩემთვის არამარტო ჰობი, არამედ მომავლის პროფესია იქნებოდა. ვფიქრობ, ბევრი ახალგაზრდა ასაკში არჩევს პროფესიას, თუმცა ცხოვრების მანძილზე ინტერესები და შეხედულებები შეიძლება შეიცვალოს, და ეს სრულიად ნორმალურია. მნიშვნელოვანია გვახსოვდეს, რომ პროფესიული არჩევანი არ უნდა აღიქმებოდეს როგორც საბოლოო განაჩენი. ცხოვრებაში განვითარება და ცვლილება ბუნებრივია. ზოგჯერ პროფესიის შეცვლაც საჭიროა, როცა ხედავ, რომ სხვა სფერო უფრო მეტად გიტაცებს ან უფრო მეტ შესაძლებლობას იძლევა.”
რას ურჩევდი მომავალ სტუდენტებს ცხოვრების ამ ახალ ეტაპზე გადასვლისას?
“მომავალ სტუდენტებს რამდენიმე რჩევას მივცემ, რომ ეს პროცესი უფრო მარტივი და სასიამოვნო გახადონ: არ შეგეშინდეთ შეცდომების დაშვების, მართეთ თქვენი დრო, იყავით აქტიურები და გამოიყენეთ ყველა შესაძლებლობა, იპოვეთ თქვენთვის კომფორტული სწავლის სტილი, მოუსმინეთ საკუთარ თავს და ითხოვეთ დახმარება, როცა დაგჭირდებათ.”
შენი აზრით რას ნიშნავს იყო სტუდენტი?
,,სტუდენტობა ცხოვრების ერთ-ერთი ყველაზე მრავალფეროვანი და წინააღმდეგობრივი პერიოდია. ეს არა მხოლოდ ახალი ცოდნის მიღებას, არამედ პიროვნული ზრდისა და დამოუკიდებლობის მოპოვებასაც ნიშნავს. სტუდენტობა პირველ რიგში თავისუფლების პერიოდიაო, ხშირად ამბობენ. თუმცა, ამ თავისუფლებასთან ერთად მოდის პასუხისმგებლობაც. სწორედ აქ იწყება დროის მართვისა და პირადი პასუხისმგებლობის სწავლა.”
შეუკვეთე სტუდენტური ბარათი
როგორც Foxy Eleniko აღნიშნავს, სტუდენტური ცხოვრება, პირველ რიგში, დამოუკიდებლობას ნიშნავს, რაც სხვა ყველაფერთან ერთად, საკუთარი ფინანსების მართვასაც გულისხმობს. საქართველოს ბანკის სტუდენტური ბარათი დაგეხმარება უნივერსიტეტის პირველი წლები უფრო პროდუქტიულად გაატარო – ისარგებლო სხვადასხვა შეთავაზებებით, უკეთ დაზოგო და განსაზღვრო შენი საჭიროებები. ბარათის შესახებ დეტალურ ინფორმაციას შეგიძლია საქართველოს ბანკის ვებ-გვერდზე გაეცნო.