დროის მსვლელობასთან ერთად ბევრი რამ იცვლება სამყაროში: პირველ რიგში, ადამიანები, შემდეგ კი მათი ცხოვრების სტილი, ინტერესები და სურვილები – ბევრი რამ აქტუალობას კარგავს და ბევრიც ახალ სიცოცხლეს იძენს. ფორმირდება სპორტის ბევრი სახეობა და ყალიბდება ახალი, განსხვავებული თამაშები, რომლებიც ადამიანების სურვილებსა და ცხოვრების ტემპს კიდევ უფრო ერგებიან. ერთ-ერთი ასეთი სპორტია პადელი, რომელიც 70-იან წლებში ჩამოყალიბდა მექსიკაში და მალევე მოიპოვა მსოფლიო აღიარება.
პადელი საქართველოშიც სულ უფრო და უფრო პოპულარული ხდება. ეს ინტერესი განსაკუთრებით ოლიმპიადის პერიოდში იზრდება ხოლმე, როდესაც ყველას უფრო მეტად გვინდება, თავადაც ვიყოთ ჩართული სპორტულ აქტივობებში. ახალბედა სპორტსმენებისთვის პადელი ერთ-ერთი ყველაზე მიმზიდველი არჩევანია, რადგან მისი სწავლა საკმაოდ ადვილია, შესაბამისად, მცირე დროშია შესაძლებელი თამაშით სიამოვნების მიღებაც.
SOLO-ს მხარდაჭერით 22-23 აგვისტოს წინანდალში პადელის ჩემპიონატის ჩატარდება. ჩემპიონატი წინანდალში გაიმართება, რაც მნიშვნელოვანი ნაბიჯია ამ სპორტის განვითარებისა და პოპულარიზაციისთვის. ტურნირში მონაწილეობის მიღება შეეძლებათ როგორც ბიჭებს, ასევე გოგოებს. ჯამში შეიკვრება 16 წყვილი, რომლებიც პროფესიონალ და მოყვარულ გუნდებად დაიყოფიან. აღსანიშნავია ისიც, რომ ტურნირი ყოველ წელს სისტემატურად ჩატარდება.
როგორც ტურნირის ერთ-ერთი მონაწილე უსვამს ხაზს, პადელი განსაკუთრებულად აზარტული, მრავალფეროვანი და სახალისო სპორტია. ასევე, ხშირად ხდება ჯანსაღი აქტივობისა თუ მეგობრების შეკრების მიზეზი. სწორედ ეს ფაქტორები – სიმარტივე და თამაშის ცოცხალი პროცესია ის მთავარი უპირატესობები, რაც პადელს სხვა აქტივობებისგან გამოარჩევს და საყოველთაო სპორტად აქცევს.
წინანდლის ტურნირი, რომელიც აგვისტოს ბოლოს ჩატარდება, კიდევ უფრო დაეხმარება პადელის განვითარებას საქართველოში – ხელს შეუწყობს, რომ სამომავლოდ მეტი ახალგაზრდა ჩაერთოს სპორტის ამ სახეობაში. ამჟამად საქართველოში ოთხი კლუბი ფუნქციონირებს საქართველოს სხვადასხვა წერტილში და სამომავლოდაც იგეგმება ახალი კორტების გახსნა. ტურნირის ერთ-ერთი მონაწილეც სწორედ იმ ფაქტს უსვამს ხაზს, რომ წლიდან წლამდე სულ უფრო თვალშისაცემი ხდება პადელით დაინტერესება ახალგაზრდებში.
წინანდლის ტურნირზე რეგისტრაცია უკვე დაიწყო და ნებისმიერ მსურველს შეუძლია მონაწილეობის მიღება. SOLO, რომელიც მუდმივად ცდილობს თანამედროვე ხელოვნებისა თუ სპორტის განვითარებაში აქტიური როლის შესრულებას, ამჯერადაც სთავაზობს შეთავაზებებს იმ ადამიანებს, რომლებიც პადელის ტურნირში ჩართვას გადაწყვეტენ. SOLO ბარათით გადახდისას 20%-იანი ფასდაკლება იმოქმედებს როგორც საერთო ფასზე, ასევე წინანდლის სასტუმროს ნომრებზე..