„დღევანდელ რეალობაში ერთ-ერთი ყველაზე მნიშვნელოვანი ფაქტორი სისწრაფეა, ამიტომ, ვცდილობთ, რომ მომხმარებელს სწორ დროს შევთავაზოთ სწორი სერვისი: მაშინ როცა ეს მისთვის კრიტიკულად მნიშვნელოვანია“, — გვიყვება საქართველოს ბანკის ბიზნეს მობილბანკის პროდუქტის მფლობელი, ანი ქობალია.
მომხმარებლისთვის საჭირო სერვისის დროულად მიწოდება ერთ-ერთი მიზეზია, რატომაც საქართველოს ბანკის ბიზნეს მობილბანკი გავლენიანმა საერთაშორისო გამოცემამ, Global Finance-მა, ბიზნესებისთვის ქვეყანაში საუკეთესო ციფრულ ბანკად დაასახელა. პრესტიჟული გამოცემამ, რომელიც უკვე 25 წელია, საუკეთესო ფინანსურ ინსტიტუტებს ავლენს, საქართველოს ბანკი სამომხმარებელო და ბიზნეს მიმართულებით 45 კატეგორიაში დაასახელა გამარჯვებულად.
აღსანიშნავია, რომ Global Finance-ის პრესტიჟული პრიზი ბიზნეს მობილბანკმა 2023 წელსაც მიიღო. რას ნიშნავს ეს აღიარება აპლიკაციაზე მომუშავე გუნდისთვის და ბანკისთვის, როგორ იხვეწება ბიზნეს მობილბანკი წლიდან წლამდე და რა განაპირობებს იმას, რომ ის საუკეთესოდ რჩება — ამ საკითხებზე ბიზნეს მობილბანკის პროდუქტის მფლობელები, ანი ქობალია და თამარ სისაური, საუბრობენ.
„საერთაშორისო აღიარება კიდევ ერთხელ უსვამს ხაზს, რომ სწორი მიმართულებით ვვითარდებით“
სწრაფი და ეფექტური რეაგირება მომხმარებლის უკუკავშირზე, მუდმივი მუშაობა სერვისის გამრავალფეროვნებაზე და საუკეთესო საერთაშორისო პრაქტიკების დანერგვა — ეს ის მთავარია ფაქტორებია, რომლებიც ბიზნეს მობილბანკის წარმატებას განსაზღვრავს.
უფრო ზუსტად რომ გითხრათ, აპლიკაციის საშუალო შეფასებაა 4.9/5, მომხმარებლის კმაყოფილების ქულა (CSAT) — 90, ციფრული პროდუქტის სტაბილურობა კი 99 პროცენტს შეადგენს.
„გარდა იმისა, რომ მომხმარებლის კმაყოფილებას მუდმივად ვაკვირდებით, Global Finance-ის ჯილდო და საერთაშორისო აღიარება კიდევ ერთხელ უსვამს ხაზს, რომ სწორი მიმართულებით ვვითარდებით“, — აღნიშნავს თამარი, — „მეორე მხრივ, ეს არის დიდი პასუხისმგებლობა, რომ კიდევ უფრო მეტი მოტივაციითა და შემართებით გავაგრძელოთ მუშაობა და ჩვეული ხარისხის შენარჩუნებით გავაუმჯობესოთ ბიზნეს მობილბანკი“.
გუნდთან ერთად, Global Finance-ის ჯილდოს მიღებას ამ კატეგორიაში განსაკუთრებული მნიშვნელობა აქვს ბანკისთვის. ეს ნიშნავს, რომ საქართველოს ბანკი წარმატებით აჩვენებს ინოვაციურობას და მაღალი ხარისხის სერვისს იმ კონკურენციის ფონზე, რომელიც საბანკო ბაზარზე არსებობსო, გვეუბნება ანი.
დაძაბული კონკურენციის ფონზე კი, განსაკუთრებით მნიშვნელოვანია, გუნდიც და სერვისიც სწრაფად ადაპტირდეს ამ დრამატულად ცვალებად სფეროში. საქართველოს ბანკის ბიზნეს მობილბანკის და ბიზნეს ინტერნეტბანკის ლიდი, ცირა ლოლაძე, გასულ წელს სწორედ იმას აღნიშნავდა, რომ მათი წარმატების ფორმულის ერთ-ერთი მთავარი კომპონენტი ეს „Agile“ მიდგომა იყო. პროდუქტის განვითარებაზე ყოველდღიურ რეჟიმში მომუშავე გუნდისთვის კი მიღებული პრიზი დამატებითი სტიმულიცაა.
„გუნდის თითოეული წევრი ვგრძნობთ, რომ ჩვენი წვლილი მნიშვნელოვანია“, — ამბობს ანი, — „პროცესების გაუმჯობესება და ახალი სერვისების შეთავაზება, საერთო წარმატების ნაწილი ხდება“.
როგორ იხვეწება წლიდან წლამდე ბიზნეს მობილბანკი, რათა დარჩეს საუკეთესოდ
1987 წელს დაფუძნებული Global Finance 160-ზე მეტ ქვეყანაშია წარმოდგენილი, დაჯილდოებისთვის კი გამოცემა ჟიურის წევრებს ტექნოლოგიებისა და აუთსორსინგის მიმართულებით წამყვანი კომპანიიდან, Infosys-დან, იწვევს. შეფასების კრიტერიუმები მრავალფეროვანია: მათ შორისაა საუკეთესო ციფრული გამოცდილების შესაქმნელად შემუშავებული სტრატეგიები, ციფრული შეთავაზებები, ციფრული პროდუქტების მომხმარებელთა რაოდენობის ზრდა, აპლიკაციის დიზაინი და სხვა. საქართველოს ბანკის ბიზნეს მობილბანკი კი, რომელიც სულ რაღაც სამი წლის წინ გაეშვა, ამ კრიტერიუმებს უკვე სრულყოფილად აკმაყოფილებს. დღეს ეს აპლიკაცია ყოვლისმომცველი ფინანსური სივრცეა, რომელიც სიმარტივითა და სისწრაფით მომხმარებელს საუკეთესო გამოცდილებას სთავაზობს.
რა იცვლება წლიდან წლამდე მობილბანკში? უკუკავშირზე სწრაფი რეაგირების გარდა, კიდევ რა განსაზღვრავს იმას, რომ აპლიკაცია საუკეთესოს სტატუსს ინარჩუნებს?
„ყოველწლიურად ვცდილობთ, უფრო მეტი ინოვაციური და ეფექტური ფუნქცია შევმატოთ აპლიკაციას, თუმცა, პროდუქტის განვითარებისას, ეს მხოლოდ ერთი მიმართულებაა“, — გვიხსნის თამარი, — „ამას გარდა, აქტიურად ვმუშაობთ იმაზეც, რომ უკვე არსებული ფუნქციონალები კიდევ უფრო დავხვეწოთ.
„მუდმივად ვეცნობით მომხმარებლის უკუკავშირს, მაგრამ იმისთვის, რომ აპლიკაცია მათთვის მნიშვნელოვან ყველა ფუნქციონალს ფარავდეს, მხოლოდ ეს არ კმარა. ამიტომ, რა თქმა უნდა, ვცდილობთ, წინასწარ ვიფიქროთ იმაზეც, თუ რა საჭიროებები შეიძლება გაუჩნდეთ ჩვენს მომხმარებლებს სამომავლოდ და ვიწყებთ შესაბამისი პროცესების გაციფრულებას. ამგვარი მიდგომა გვეხმარება იმაში, რომ არ გავჩერდეთ, მუდმივად განვვითარდეთ, ვიყოთ ყოველთვის წინ და შევინარჩუნოთ საუკეთესო ბიზნეს აპლიკაციის სტატუსი“.
მომხმარებლის საჭიროების სრულ სპექტრს რომ ფარავს აპლიკაცია, ამაზე სხვადასხვა კომპანიის მფლობელები და აპლიკაციის აქტიური მომხმარებლებიც საუბრობენ. ერთთვიანი კამპანია, რომელიც სწორედ Global Finance-ის ჯილდოთი დაგვირგვინდა, მკითხველისთვის მომხმარებლის გამოცდილების გაზიარებასა და ბიზნეს მობილბანკის სერვისების დეტალურად გაცნობას ისახავდა მიზნად.
„ამ ყველაფრის მიუხედავად, ყოველთვის ვაანალიზებთ გასულ წელს და ვაიდენტიფიცირებთ იმ წერტილებს, რომელთა გაუმჯობესებამაც შეიძლება უფრო დიდ წარმატებამდე მიგვიყვანოს“, — ამბობს ანი, — „ჩვენი გუნდი წარმატებით ახერხებს ცვლილებებსა და ახალ მოთხოვნებზე დროულად რეაგირებას, მოქნილი გარემო და სწრაფად მიღებული ეფექტური გადაწყვეტილებები კი ქმნის საფუძველს, რომ ჩვენი აპლიკაცია მუდმივად იყოს ლიდერი ბაზარზე და შეინარჩუნოს კმაყოფილების და ნდობის მაღალი დონე“.
თუ საქართველოს ბანკის ბიზნესპროდუქტებითა და სერვისებით სარგებლობა გსურთ, აუცილებლად გახსენით ანგარიში — ამას სულ მარტივად, ონლაინ შეძლებთ. რასაკვირველია, სახლიდან გაუსვლელად შეგიძლიათ ასევე ბიზნეს მობილბანკი გაიცნოთ და გახდეთ მისი მომხმარებელი.
ყველა გამარჯვებულის შესახებ ინფორმაციას შეგიძლიათ გაეცნოთ Global Finance-ის ვებგვერდზე.