ციფრულ სამყაროში ბიზნესის წარმატებისთვის განსაკუთრებით მნიშვნელოვანია გამართული და მომხმარებლის საჭიროებებზე მორგებული ვებგვერდის ქონა.
რამდენადაც არ უნდა მოინდომონ დამფუძნებლებმა და დეველოპერებმა იდეალური ვებგვერდის შექმნა, მაინც გამოჩნდება ისეთი ნიუანსები, რომელთაც მხოლოდ პლატფორმის მომხმარებლები ამჩნევენ, მათგან უკუკავშირის მიღება კი განვითარების საუკეთესო გზაა. სამწუხაროდ, მომხმარებლისგან ზუსტი უკუკავშირის მიღება მარტივი არ არის, რადგან პლატფორმით სარგებლობის შემდეგ, ტექნიკურ შენიშვნებს და რჩევებს ცოტა ვინმე თუ წერს.
საბედნიეროდ, არსებობს ერთი ხელსაწყო, რომელიც მომხმარებლის მხრიდან უკუკავშირის მიღების პროცესს მნიშვნელოვნად ამარტივებს, ეს Hotjar-ია, რომელიც გლობალურ ბაზარზე უკვე თითქმის 10 წელია ოპერირებს.
ვებგვერდზე Hotjar-ის სერვისის ჩაშენების შემდეგ, მომზადდება ყოვლისმომცველი ანალიტიკური ანგარიში იმის შესახებ, თუ როგორ იქცევიან პლატფორმის მომხმარებლები, რომელ ღილაკებს იყენებენ ყველაზე ხშირად, რომელ გვერდს აკვირდებიან, ნავიგაციის პროცესში რა გადაწყვეტილებებს იღებენ, სად აჩერებენ კურსორს, რამდენად სწრაფად სქროლავენ გვერდებს, რას კითხულობენ და სად წყვეტენ პლატფორმის გამოყენებას. საერთო ჯამში, დეველოპერი იღებს ვებგვერდის სითბურ რუკას, სადაც გამოსახული იქნება ყველაზე „ცხელი წერტილები“, ანუ ის ადგილები, რომელთაც მომხმარებლები ყველაზე ხშირად სტუმრობენ.
გარდა ამისა, Hotjar-ის დახმარებით შესაძლებელია ინდივიდუალური მომხმარებლის სესიის ჩაწერა და მისი ქცევის გაანალიზება. აგრეთვე საშუალება გაქვთ, აირჩიოთ მომხმარებლების კატეგორიები და მათი სორტირება გარკვეული პარამეტრების მიხედვით მოახდინოთ. სესიის ჩანაწერის გადახედვა საშუალებას მოგცემთ, გააანალიზოთ მომხმარებლის ქცევა და ზუსტად გაიაროთ ის გზა, რომელიც მან განვლო თქვენს ვებგვერდზე ყოფნისას. ყველაფერი ეს ვებგვერდის დახვეწაში დაგეხმარებათ, რადგან დაინახავთ, თუ რამდენად მარტივი თუ რთული იყო მისი გამოყენება მომხმარებლისთვის, ან ისეთი ადამიანისთვის, რომელიც თქვენს გვერდზე პირველად აღმოჩნდა და ნავიგაციის პროცესში გაერკვია.
Printomato-ს თანადამფუძნებელი, რომა გუჯაბიძე პლატფორმის ეფექტიანობაზე საუბრობს და აღნიშნავს, რომ Hotjar-ის სერვისი ბიზნესს ვებგვერდის დახვეწასა და სამომხმარებლო გამოცდილების გაუმჯობესებაში ეხმარება, რადგან ანალიტიკურ ხელსაწყოებთან ერთად, ბიზნესი Hotjar-ის მხრიდან რჩევებს და რეკომენდაციებსაც იღებს, რომელთა გათვალისწინებით ვებგვერდის ეფექტიანობა იზრდება. უნდა აღინიშნოს, რომ რეკომენდაციების გაცემის პროცესში ჩართულია მონაცემთა ანალიზის მოდელი და ხელოვნური ინტელექტი, რომელთა დახმარებით Hotjar-მა წლების განმავლობაში ათიათასობით ვებგვერდის დიზაინი გააუმჯობესა.
საქართველოს ბანკის და Mastercard-ის ბიზნეს ბარათით გადახდის შემთხვევაში, შეგიძლიათ სპეციალური შეთავაზებით ისარგებლოთ და გარკვეული პერიოდის განმავლობაში Hotjar-ის საცდელ ვერსიაზე წვდომა უფასოდ მოიპოვოთ.
თუ ჯერ არ გაქვთ ბიზნეს ბარათი, შეუკვეთეთ ის ბიზინეს მობილბანკში ან ბიზნეს ინტერნეტბანკში და ისარგებლეთ სპეციალური შეთავაზებებით ათობით ტექნოლოგიურ პლატფორმასა და სერვისზე. და თუ ჯერ საქართველოს ბანკის ბიზნეს მომხმარებელი არ ხართ, გახსენით ანგარიში ონლაინ მარტივად და პროცესში შეუკვეთეთ Mastercard ბიზნეს ბარათი.