ცხოვრებაში ცუდი დღეებიც არსებობს; აი, მაგალითად, როცა აღმოაჩენ, რომ ავტომობილით გადაადგილების ან მისი დაპარკინგების წესი უნებლიეთ დაარღვიე და ახლა ჯარიმა გაქვს გადასახდელი. მაგრამ უარესი დღეებიც არსებობს — როცა გაიგებ, რომ ჯარიმის გადახდა დაგვიწყებია.
მსგავსი პრობლემების მოსაგვარებლად და შენი ყოველდღიურობის კიდევ უფრო გასამარტივებლად საქართველოს ბანკის მობილბანკს ცოტა ხნის წინ ახალი ფუნქციონალი დაემატა. მანქანის სივრცე აპლიკაციაში საგანგებოდ ავტომფლობელებისთვის შექმნილი ადგილია, რომელიც მათ საჭიროებებზეა მორგებული.
და მაინც, რას შეძლებ აქ?
თვალს მიადევნებ ჯარიმებს
პირველ ყოვლისა, აქ ნახავ შენი მანქანის ნომერს და შესაბამისი შაბლონის სახელს. სივრცეში ასევე გამოჩნდება მიღებული საპატრულო ვიდეოჯარიმების რაოდენობა და ჯამურად გადასახდელი თანხა. მასზე დაკლიკვის შემთხვევაში, ჩამონათვალზე გადახვალ და ყველა ჯარიმის სათითაოდ ნახვასაც შეძლებ.
ცალკეა გამოყოფილი ადგილი თბილისი პარკინგის ჯარიმებისთვის. აქვე იხილავ, ავტომობილზე პარკირების საშვია თუ არის გაფორმებული და რა დროა დარჩენილი მისი მოქმედების ვადის გასვლამდე. სხვათა შორის, მანქანის სივრციდანვე შეძლებ საშვის შეძენასაც.
მიიღებ შეტყობინებებს
ყოველდღიურ საქმეებში ჩაფლულს, ჯარიმის გადახდა არცთუ იშვიათად გვავიწყდება ხოლმე, რაც პრობლემას პირდაპირი მნიშვნელობით აორმაგებს. სწორედ ამიტომ, მანქანის სივრცე არცერთი ჯარიმის დავიწყების უფლებას არ მოგცემს — აპლიკაციიდან შეტყობინებას რამდენჯერმე მიიღებ.
პირველი შეტყობინება დაჯარიმებისთანავე მოგივა — მომსახურების სააგენტოსგან მიღებული ცნობის საფუძველზე, ეს ინფორმაცია წუთში ერთხელ ახლდება. თუ ჯარიმაზე ფასდაკლება მოქმედებს, მისი ვადის გასვლამდე ერთი დღით ადრეც მიიღებ შეტყობინებას. ხოლო თუკი ჯარიმა მანამდე გადახდილი არ გექნება, შეტყობინებებს მიიღებ ვადის ამოწურვამდე ერთი კვირით და ერთი დღით ადრე, ასევე — ბოლო დღეს.
მსგავსი პერიოდულობით მიიღებ შეტყობინებებს პარკირების საშვზე და მისი მოქმედების ვადაზეც.
როგორ უნდა შექმნა მანქანის სივრცე
პირველ რიგში, განაახლე მობილბანკის აპლიკაცია. შემდეგ, მანქანის სივრცეს სულ ადვილად მოძებნი „ჰაბის“ განყოფილებაში და მარტივ რეგისტრაციას გაივლი: მიუთითებ, ვის სახელზეა ავტომობილი გაფორმებული, შეიყვან მფლობელის პირად ნომერს, მანქანის ნომერს, ტექ. პასპორტის ნომერს და დაეთანხმები წესებს და პირობებს. თუ რამდენიმე მანქანას ამატებ, შეგიძლია ატვირთო მათი ფოტოები ან აირჩიო სხვადასხვა ფერის ავატარი.
აქციის ფარგლებში, 1-ელ ივნისამდე მანქანის სივრცით უფასოდ ისარგებლებ, შემდეგ კი, თითოეულ მანქანაზე ყოველთვე მხოლოდ 1 ლარის გადახდა მოგიწევს. თუმცა, SOLO CLUB-ის და WM მომხარებლებისთვის სივრცე ყოველთვის უფასო იქნება.
მობილბანკის აპლიკაციის გადმოწერა შეგიძლია Android ან iOS მოწყობილობებისთვის.