ხელოვნური ინტელექტი XXI საუკუნის ერთ-ერთი ყველაზე რევოლუციური ტექნოლოგიაა, რომელსაც მსოფლიოს შეცვლა შეუძლია. AI-ს ჭეშმარიტი პოტენციალი ჯერაც შეუსწავლელია, რადგან ჩვენ ამ ტექნოლოგიის განვითარების ჯერაც საწყის ეტაპზე ვართ. მიუხედავად ამ ყველაფრისა, ხელოვნური ინტელექტი თვალისმომჭრელი ტემპით ვითარდება და ჩვენც ვალდებულნი ვართ, ფეხი ავუბათ პროგრესს, რათა ტექნოლოგიურ განვითარებას არ ჩამოვრჩეთ.
ხელოვნური ინტელექტის შესაძლებლობებთან გასაცნობად და AI-ს პოტენციალის ასათვისებლად „საქართველოს ბანკმა“ უფასო ბიზნესკურსი შექმნა, რომელსაც BDO-ს Digital Advisory მიმართულების ხელმძღვანელი, ანზორ მეხრიშვილი უძღვება. კურსი იმ ადამიანებსა და ბიზნესებზეა მორგებული, რომელთაც ეფექტიანობის გაზრდა და AI-ს დახმარებით საქმის გამარტივება სურთ.
ბიზნესკურსი რამდენიმე ეტაპისგან შედგება და მასში არაერთი საკვანძო საკითხია განხილული, ესენია:
- რა არის AI ?
- რა არის ChatGPT ?
- ხელოვნური ინტელექტის უპირატესობები და გამოწვევები
- AI-სთან დაკავშირებული რისკები და საფრთხეები
- AI-ს გამოყენება ბიზნეს პროცესებში
- AI-ს მომავალი
რაში გვეხმარება ხელოვნური ინტელექტი და რატომ უნდა ვისწავლოთ მეტი AI-ს შესახებ?
მარტივად რომ ვთქვათ, ხელოვნური ინტელექტი არის ვირტუალური რობოტი, რომელიც კოლოსალური მოცულობის მონაცემებს და ინფორმაციას ფაქტობრივად მომენტალურად ამუშავებს და ამ მეთოდით შეკითხვებზე პასუხებს აგენერირებს. AI-ს შეუძლია ინტერნეტში ხელმისაწვდომი ნებისმიერი ინფორმაციის მოპოვება, მისი დამუშავება და გაანალიზება. გარდა ამისა, ხელოვნური ინტელექტს რჩევების გაცემა და სხვადასხვა საკითხებში კონსულტაციის გაწევაც შეუძლია.
ეს ხელოვნური ინტელექტის ფუნდამენტური თვისებებია და მათ შესახებ, ალბათ, უკვე ბევრი რამ გსმენიათ. საზოგადოების ყურადღების ცენტრში შედარებით ნაკლებად ექცევა AI-ს პროფესიონალური თვისებები და ის უნარები, რომლებიც ბიზნესის მართვის პროცესში შეიძლება იქნეს გამოყენებული. საქმე ისაა, რომ AI-ს შეუძლია სუპერთანამშრომლის როლი მოირგოს, რომელსაც არ სჭირდება დასვენება, ხელსაყრელი პირობები და სასიამოვნო გარემო. AI-ს შეუძლია საქმე 24 საათის განმავლობაში შეუსვენებლად აკეთოს და თანაც ამ დროს შეცდომებიც არ დაუშვას. გარდა ამისა, AI-ს ერთდროულად რამდენიმე საქმეზე ერთად შეუძლია მუშაობა და რაც მთავარია, მისთვის მნიშვნელობა არ აქვს დავალების სირთულეს და მოცულობას.
ამ თვისებების წყალობით, ხელოვნურ ინტელექტს მარტივად შეუძლია რუტინული დავალებების შესრულება და გარკვეული პროფესიების შეთავსება, რაც მნიშვნელოვნად ამცირებს საქმის შესასრულებლად საჭირო დროს, ადამიანურ რესურსებსა და ხარჯებს.
რაც შეეხება პრაქტიკულ დანიშნულებას, AI-ს მარტივად შეუძლია: ბიზნესგეგმის, მარკეტინგული სტრატეგიის, ბუღალტრული ანგარიშგების, დოკუმენტების, კონტრაქტების და ინვოისების შედგენა.
გარდა ამისა, ხელოვნური ინტელექტი დაგეხმარებათ მონაცემების ანალიზში, მომხმარებლის ქცევისა და საბაზრო ტენდენციების გამოკვეთაში, რათა უფრო ეფექტიანი სტრატეგიის შემუშავება შეძლოთ. AI-ს შეუძლია საერთაშორისო ბაზარიც კი იკვლიოს და კონკურენტი კომპანიების ფასები და პირობები გაგაცნოთ.
საწარმოო პროცესის ავტომატიზაციის შემთხვევაში, AI-ს შეუძლია ცენტრალური მმართველი სისტემის როლი შეითვისოს და წარმოების მაქსიმალურ ეფექტიანობაზე იზრუნოს.
ცხადია, AI-ს პოტენციალი მხოლოდ ბიზნესით არ შემოიფარგლება, მისი გამოყენება განსაკუთრებით ეფექტიანი იქნება სამედიცინო სფეროში. AI-ს მარტივად შეუძლია პაციენტის მონაცემების ანალიზი, სასიცოცხლო მაჩვენებლების მონიტორინგი და დიაგნოზის დასმის პროცესის გამარტივება. AI-ს დახმარებით ექიმებს ნაკლები დროის დახარჯვა მოუწევთ, პაციენტები კი სამედიცინო მომსახურებას გაცილებით უფრო სწრაფად მიიღებენ.
ხელოვნური ინტელექტი განუზომელი შესაძლებლობების მქონე ტექნოლოგიაა, რომელსაც ნებისმიერი ადამიანის და ბიზნესის ეფექტიანობის გაზრდა შეუძლია, მის სწორად გამოყენებას კი გარკვეული საბაზისო ცოდნა სჭირდება, რომლის მიღებაში სწორედ ეს ბიზნესკურსი დაგეხმარებათ.